ഷാഹി ഫുഡ്​സ് സ്​കാൻ ആൻഡ്​ വിൻ:​ സമ്മാനങ്ങൾ വിതരണം ചെയ്​തു

മസ്കത്ത്​: 'ഗൾഫ്​ മാധ്യമം' ഹാർമോണിയസ്​ കേരളയുടെ ഭാഗമായി ഷാഹി ഫുഡ്​സ് ആൻഡ്​ സ്​പൈസ​സ്​ ഒരുക്കിയ സ്​കാൻ ആൻഡ്​ വിൻ മത്സരത്തിലെ വിജയികൾക്ക്​ സമ്മാനങ്ങൾ വിതരണം ചെയ്തു. ശഫീർ, ടി. സുരേഷ്​ കുമാർ, സോമൻ പൊടിയൻ എന്നിവർ യഥാക്രമം സോ​ണി​യു​ടെ 55 ഇ​ഞ്ച്​ ടി.​വി, ലെ​നോ​വൊ ലാ​പ്​​ടോ​പ്, എ​ൽ.​ജി ഹോം ​തി​യ​റ്റ​ർ​ എന്നിവ ഏറ്റുവാങ്ങി.

ഷാഹി ഫുഡ്​സ്​ ആൻഡ്​ സ്​പൈസസ്​ കമ്പനി സെയിൽസ്​ മാനേജർ ആർ. ശ്രീജിത്ത്​, ഫിനാൻഷ്യൽ കൺട്രോളർ എം. മുഹമ്മദ്​ സിറാജ്​, സലാല ലുലു ജനറൽ മാനേജർ മുഹമ്മന്​ നവാബ്​, ഷാഹി പ്രതിനിധി ഷാനവാസ്​ കൊല്ലോൻ എന്നിവരാണ്​ സമ്മാനങ്ങൾ വിതരണം ചെയ്​തത്​.

സലാല ലുലുവിൽ നടന്ന ചടങ്ങിൽ ജനറൽ മാനജേർ മുഹമ്മന്​ നവാബ്, മാധ്യമം-മീഡിയവൺ പ്രതിനിധി കെ.എ. സലാഹുദ്ധീൻ, ലുലു മാനേജർ ഷൈജു തുടങ്ങിയവർ സംബന്ധിച്ചു.

സലാലയിൽ നടന്ന ഹാർമോണിയസ്​ കേരളയുടെ പ്രൗഢ ഗംഭീരമായ ചടങ്ങിൽ ചലചിത്രം താരം അപർണ ബാലമുരളിയാണ്​ വിജയികളെ തെരഞ്ഞെടുത്തിരുന്നത്​​​. ഹാ​ർ​മോ​ണി​യ​സ്​​ കേ​ര​ളയുടെ ടി​ക്ക​റ്റെ​ടു​ത്ത​വ​ർ​ക്ക് www.shahispices.com/bonanza എ​ന്ന ലി​ങ്കി​ൽ ക​യ​റി​യോ ക്യൂ.​ആ​ർ കോ​ഡ്​ ഉ​പ​യോ​ഗി​ച്ചോ ടിക്കറ്റ്​ നമ്പർ മറ്റും വിവരങ്ങളും സമർപ്പിക്കുന്നതായിരുന്നു മത്സരം. ഇങ്ങനെ സമർപ്പിച്ചവരിൽനിന്ന്​ റാഫിൾഡ്രോയിലൂടെയാണ്​ വിജയികളെ തെരഞ്ഞെടുത്തത്​.