മു​സ​ന്ന​യി​ൽ സ്‌​പോ​ർ​ട്‌​സ് സി​റ്റി നി​ർ​മി​ക്കും -കാ​യി​ക മ​ന്ത്രി

മ​സ്ക​ത്ത്​: മു​സ​ന്ന​യി​ൽ സ്‌​പോ​ർ​ട്‌​സ് സി​റ്റി നി​ർ​മി​ക്കു​മെ​ന്ന് സാം​സ്കാ​രി​ക, കാ​യി​ക, യു​വ​ജ​ന വ​കു​പ്പ്​ മ​ന്ത്രി സ​യ്യി​ദ്​ ദീ ​യ​സി​ൻ ബി​ൻ ഹൈ​തം അ​ൽ സ​ഈ​ദ്. ടു​ഗെ​ദ​ർ വി ​പ്രോ​ഗ്ര​സ്’ ഫോ​റ​ത്തി​ൽ സം​സ്‌​കാ​രം, കാ​യി​കം, യു​വ​ത്വം എ​ന്നി​വ​യെ​ക്കു​റി​ച്ചു​ള്ള സെ​ഷ​നി​ൽ പ​​ങ്കെ​ടു​ത്ത്​ സം​സാ​രി​ക്കു​ക​യാ​യി​രു​ന്നു മ​ന്ത്രി.

സം​യോ​ജി​ത സ്‌​പോ​ർ​ട്‌​സ് സി​റ്റി പ​ദ്ധ​തി നി​ർ​മി​ക്കാ​ൻ ബ്രി​ട്ടീ​ഷ് ക​മ്പ​നി​ക്ക് ടെ​ൻ​ഡ​ർ ന​ൽ​കി​യി​ട്ടു​ണ്ട്. ക​മ്പ​നി നി​ര​വ​ധി മോ​ഡ​ലു​ക​ൾ അ​വ​ത​രി​പ്പി​ച്ച​തി​നാ​ൽ ഞ​ങ്ങ​ൾ അ​വ​രു​മാ​യി മാ​സ​ങ്ങ​ളാ​യി ആ​ശ​യ​വി​നി​മ​യം ന​ട​ത്തി​ക്കൊണ്ടി​രി​ക്കു​ക​യാ​ണ്. അ​ന്തി​മ രൂ​പ​ത്തി​ൽ എ​ത്തു​മ്പോ​ൾ വി​ശ​ദാം​ശ​ങ്ങ​ൾ അ​റി​യി​ക്കു​മെ​ന്നും ദീ ​യ​സി​ൻ പ​റ​ഞ്ഞു. സു​ൽ​ത്താ​ൻ ഹൈ​തം ബി​ൻ താ​രി​ഖി​ന്‍റെ നി​ർ​ദേ​ശ​പ്ര​കാ​ര​മാ​ണ് സ്പോ​ർ​ട്സ് സി​റ്റി സ്ഥാ​പി​ക്കു​ന്ന​ത്. പ്രാ​ദേ​ശി​ക, ആ​ന്ത​ർ​ദേ​ശീ​യ ടൂ​ർ​ണ​മെ​ന്‍റു​ക​ളും മ​റ്റ​്​ മ​ത്സ​ര​ങ്ങ​ളും ആ​ക​ർ​ഷി​ക്കു​ക​യും ന​ട​ത്താ​നും സ്​​പോ​ർ​ട്​​സ്​ സി​റ്റി ഗു​ണ​ക​ര​മാ​കു​മെ​ന്നാ​ണ്​ ക​രു​ത്തു​ന്ന​ത്.

മ​സ്‌​ക​ത്ത്​ പു​സ്ത​ക മേ​ള​യി​ൽ കു​ട്ടി​ക​ളു​ടെ വി​ജ്ഞാ​ന​കോ​ശം പ്ര​സി​ദ്ധീ​ക​രി​ക്കും. നൂ​ത​ന വ്യ​വ​സാ​യ ഭൂ​പ​ടം ത​യാ​റാ​ക്കു​ന്ന​തി​നു​ള്ള പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ക​യാ​ണ്. ബൗ​ഷ​റി​ലെ സു​ൽ​ത്താ​ൻ ഖാ​ബൂ​സ് സ്‌​പോ​ർ​ട്‌​സ് കോം​പ്ല​ക്‌​സി​ന്‍റെ പു​ന​രു​ദ്ധാ​ര​ണം ഒ​രു പ്ര​ധാ​ന പ്ര​ശ്‌​ന​മാ​ണ്. ക്ല​ബുക​ളു​ടെ സ്വ​കാ​ര്യ​വ​ത്ക്ക​ര​ണ​ത്തെ​ക്കു​റി​ച്ച് പ​ഠി​ക്കാ​നു​ള്ള പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന​ണ്ട്. പ്ര​മു​ഖ ക​മ്പ​നി​ക​ളു​ടെ സ​ഹാ​യ​ത്തോ​ടെ നാ​ല് ക്ല​ബുക​ൾ ആ​രം​ഭി​ക്കാ​നാ​ണ് പ​ദ്ധ​തി​യെ​ന്നും മ​ന്ത്രി പ​റ​ഞ്ഞു.