സു​ഹാ​ർ ഫെ​സ്റ്റി​ന് വ​ർ​ണാ​ഭ തു​ട​ക്കം

സു​ഹാ​ർ: ദേ​ശീ​യ​ദി​ന​ത്തോ​ട​നു​ബ​ന്ധി​ച്ച് ന​ട​ക്കു​ന്ന സു​ഹാ​ർ ഫെ​സ്റ്റി​ന്റെ മൂ​ന്നാം പ​തി​പ്പി​ന് തു​ട​ക്ക​മാ​യി. രാ​ത്രി​യെ പ​ക​ലാ​ക്കു​ന്ന വ​ർ​ണ​ക്കാ​ഴ്ച​ക​ളു​ടെ മാ​മാ​ങ്കം ജ​നു​വ​രി മൂ​ന്നു​വ​രെ നീ​ളും. സു​ഹാ​ർ സ​നാ​യ റോ​ഡി​ലെ എ​ന്റ​ർ​ടെ​യി​ൻ​മെ​ന്റ് പാ​ർ​ക്കി​ലാ​ണ് പ​രി​പാ​ടി അ​ര​ങ്ങേ​റു​ന്ന​ത്.

പു​ത്ത​ൻ ത​ല​മു​റ​യു​ടെ സം​ഗീ​ത​വും പ​ഴ​മ​യു​ടെ സം​ഗീ​ത​വി​രു​ന്നും വ​രും ദി​വ​സ​ങ്ങ​ളി​ൽ ആ​സ്വാ​ദ​ക​രെ കീ​ഴ്പ്പെ​ടു​ത്തും. ഓ​രോ ദി​വ​സ​വും വ്യ​ത്യ​സ്ത​വും അ​തി മ​നോ​ഹ​ര​ങ്ങ​ളു​മാ​യ ക​ലാ​വി​രു​ന്നാ​ണ് ഒ​രു​ക്കി​യി​രി​ക്കു​ന്ന​ത്.

ഖ​ത്ത​ർ വേ​ൾ​ഡ് ക​പ്പ് വേ​ള​യി​ൽ സു​ഹാ​ർ ഫെ​സ്റ്റി​വ​ൽ വേ​ദി​യി​ൽ വ​ലി​യ സ്‌​ക്രീ​നി​ൽ ഫു​ട്ബാ​ൾ ആ​സ്വ​ദി​ക്കാ​ൻ നൂ​റു​ക​ണ​ക്കി​നാ​ളു​ക​ൾ എ​ത്തി​യി​രു​ന്നു. ആ​യി​ര​ത്തി​ല​ധി​കം പേ​ർ​ക്ക് വേ​ദി​യി​ലെ പ​രി​പാ​ടി​ക​ൾ ഗാ​ല​റി​യി​ലി​രു​ന്ന് കാ​ണാ​ൻ ഇ​രി​പ്പി​ടം ഒ​രു​ക്കി​യി​ട്ടു​ണ്ട്. ക​ഴി​ഞ്ഞ ദി​വ​സം ന​ട​ന്ന ഒ​മാ​ൻ-​ഇ​റാ​ഖ് ലോ​ക​ക​പ്പ് യോ​ഗ്യ​ത മ​ത്സ​രം സ്‌​ക്രീ​നി​ൽ ക​ണ്ടാ​സ്വ​ദി​ക്കാ​ൻ ദൂ​ര​ദി​ക്കു​ക​ളി​ൽ​നി​ന്നും നി​ര​വ​ധി പേ​ർ എ​ത്തി​യി​രു​ന്നു. ഒ​മാ​നി​ലെ പ്ര​മു​ഖ ഗാ​യ​ക​രു​ടെ ഗാ​ന​മേ​ള​ക​ൾ എ​ല്ലാ ദി​വ​സ​വും അ​ര​ങ്ങേ​റു​ന്നു​ണ്ട്. കൂ​ടാ​തെ മ​റ്റു നി​ര​വ​ധി ക​ലാ​രൂ​പ​ങ്ങ​ളും കു​ട്ടി​ക​ൾ​ക്കു​ള്ള പ​രി​പാ​ടി​ക​ളും മു​ഖ്യ​വേ​ദി​യി​ലും അ​നു​ബ​ന്ധ​വേ​ദി​ക​ളി​ലു​മാ​യി ന​ട​ക്കും.

പാ​ച​കം, ക​ര​കൗ​ശ​ല നി​ർ​മാ​ണ​വും വി​ൽ​പ​ന​യും, അ​മ്യൂ​സ് മെ​ന്റ് പാ​ർ​ക്ക്‌, ഫു​ഡ്‌ കോ​ർ​ട്ട്, കു​ട്ടി​ക​ളു​ടെ നാ​ട​ക​ങ്ങ​ൾ, ഒ​മാ​നി ത​ന​ത് ക​ലാ​രൂ​പ​ങ്ങ​ൾ, പാ​ര​മ്പ​ര്യ വ​സ്ത്ര​വി​പ​ണി, ക്വി​സ് പ്രോ​ഗ്രാം, ന​റു​ക്കെ​ടു​പ്പ് എ​ന്നി​ങ്ങ​നെ പ​രി​പാ​ടി​ക​ൾ സ്വ​ദേ​ശി​ക​ളെ പോ​ലെ വി​ദേ​ശി​ക​ളും വൈ​കു​ന്നേ​ര​ങ്ങ​ളി​ൽ സു​ഹാ​ർ ഫെ​സ്റ്റ് കാ​ണാ​നു​ള്ള ഒ​രു​ക്ക​ത്തി​ലാ​ണ്.