സുൽത്താന് തുർക്കിയയിൽ ഊഷ്മള വര​വേൽപ്പ്

മസ്കത്ത്: രണ്ട് ദിവസത്തെ ഔദ്യോഗിക സന്ദർശനത്തിനെത്തിയ ഒമാൻ ഭരണാധികാരി സുൽത്താൻ ഹൈതം ബിൻ താരിഖിന് തുർക്കിയയിൽ ഊഷ്മള വരവേൽപ്പ്. അങ്കാറയിലെ എസെൻബോഗ ഇൻറർനാഷണൽ എയർപോർട്ടിൽ എത്തിയ സുൽത്താനെയും പ്രതിനിധി സംഘത്തെയും പ്രസിഡന്റ് റജബ് ത്വയ്യിബ് ഉർദുഗാൻ നേരിട്ടെത്തിയാണ് സ്വീകരിച്ചത്. പിന്നീട്, സുൽത്താനെ ഔദ്യോഗിക സ്വീകരണ ചടങ്ങുകളോടെ പ്രസിഡൻഷ്യൽ കോംപ്ലക്‌സിലേക്ക് ആനിയിച്ചു. അതിനുശേഷം, തുർക്കിയ പ്രസിഡൻ്റിൻ്റെ അകമ്പടിയോടെ സുൽത്താൻ ഗാർഡ് ഓഫ് ഓണർ പരിശോധിച്ചു.

സുൽത്താന്റെ സന്ദർശനം ഇ​രു രാ​ഷ്ട്ര​ങ്ങ​ള്‍ക്കു​മി​ട​യി​ലെ സ​ഹ​ക​ര​ണം ശ​ക്തി​പ്പെ​ടു​ത്തു​ന്നതിനും പു​തി​യ മേ​ഖ​ല​ക​ളി​ലേ​ക്ക് ഉ​പ​ഭ​യ​ക​ക്ഷി ബ​ന്ധം വ്യാ​പി​ക്കു​ന്ന​തിനും സഹായകമാകും. പ്രസിഡന്റ് റജബ് ത്വയ്യിബ് ഉർദുഗാനുമായി സുൽത്താൻ കൂടിക്കാഴ്ച നടത്തി. വിവിധ മേഖലകളിൽ ഇരുരാഷ്ട്രങ്ങളും തമ്മിൽ സഹകരണങ്ങളും പ്രാ​ദേ​ശി​ക, അ​ന്ത​ര്‍ദേ​ശീ​യ വി​ഷ​യ​ങ്ങ​ളി​ലെ കാ​ഴ്ച​പ്പാ​ടു​ക​ളും കൈ​മാ​റി. സുൽത്താനെ അനുഗമിക്കുന്ന പ്രതിനിധി സംഘം തുർക്കിയയി​ലെ വിവിധ മന്ത്രിമാരുമായും ഉന്നത ഉദ്യോഗസ്ഥരുമായി കൂടിക്കാഴ്ച നടത്തും. വിവിധ സഹകരണ കരാറുകളിൽ ഒപ്പുവെക്കുകയും ചെയ്യും.

പ്ര​തി​രോ​ധ​കാ​ര്യ ഉ​പപ്ര​ധാ​ന​മ​ന്ത്രി സ​യ്യി​ദ് ശി​ഹാ​ബ് ബി​ന്‍ താ​രി​ഖ് അ​ല്‍ സ​ഈ​ദ്, സ​യ്യി​ദ് ന​ബീ​ഗ് ബി​ന്‍ ത​ലാ​ല്‍ അ​ല്‍ സ​ഈ​ദ്, ദീ​വാ​ന്‍ ഓ​ഫ് റോ​യ​ല്‍ കോ​ര്‍ട്ട് മ​ന്ത്രി സ​യ്യി​ദ് ഖാ​ലി​ദ് ബി​ന്‍ ഹി​ലാ​ല്‍ അ​ല്‍ ബു​സൈ​ദി, വി​ദേ​ശ​കാ​ര്യ മ​ന്ത്രി സ​ല​യ്യി​ദ് ബ​ദ​ര്‍ ബി​ന്‍ ഹ​മ​ദ് അ​ല്‍ ബു​സൈ​ദി, പ്രൈ​വ​റ്റ് ഓ​ഫി​സ് ത​ല​വ​ന്‍ ഡോ. ​ഹ​മ​ദ് ബി​ന്‍ സ​ഈ​ദ് അ​ല്‍ ഔ​ഫി, ഒ​മാ​ന്‍ ഇ​ന്‍വെ​സ്റ്റ്‌​മെ​ന്റ് അ​തോ​റി​റ്റി ചെ​യ​ര്‍മാ​ന്‍ അ​ബ്ദു​സ്സ​ലാം ബി​ന്‍ മു​ഹ​മ്മ​ദ് അ​ല്‍ മു​ര്‍ശി​ദി, വാ​ണി​ജ്യ, വ്യ​വ​സാ​യ, നി​ക്ഷേ​പ പ്രോ​ത്സാ​ഹ​ന മ​ന്ത്രി ഖൈ​സ് ബി​ന്‍ മു​ഹ​മ്മ​ദ് അ​ല്‍ യൂ​സു​ഫ്, തു​ര്‍ക്കി​യി​ലെ ഒ​മാ​ന്‍ സ്ഥാ​ന​പ​തി സൈ​ഫ് ബി​ന്‍ റാ​ശി​ദ് അ​ല്‍ ജൗ​ഹ​രി എ​ന്നി​വ​രാണ് സു​ൽ​ത്താ​നെ അ​നു​ഗ​മി​ക്കുന്നത്.