ഫീ​സ​ട​ക്കാ​ൻ കാ​ല താ​മ​സം​: മ​സ്ക​ത്ത്​ ഇ​ന്ത്യ​ൻ സ്കൂ​ളി​ൽ വി​ദ്യാ​ർ​ഥി​ക​ളെ ക്ലാ​സി​ൽ ക​യ​റ്റു​ന്നി​ല്ലെ​ന്ന് പ​രാ​തി

മ​സ്ക​ത്ത്​: ഫീ​സ്​ അ​ട​ക്കാ​ത്ത​തി​നാ​ൽ മ​സ്ക​ത്ത്​ ഇ​ന്ത്യ​ൻ സ്കൂ​ളി​ൽ വി​ദ്യാ​ർ​ഥി​ക​ളെ ക്ലാ​സി​ൽ ക​യ​റ്റു​ന്നി​ല്ലെ​ന്ന്​ ര​ക്ഷി​താ​ക്ക​ളു​ടെ പ​രാ​തി. വി​വി​ധ ക്ലാ​സു​ക​ളി​ലാ​യി പ​ത്തി​ല​ധി​കം വി​ദ്യാ​ർ​ഥി​ക​ളു​ടെ പ​ഠ​ന​മാ​ണ് ഇ​തു​മൂ​ലം അ​വ​താ​ള​ത്തി​ലാ​യി​രി​ക്കു​ന്ന​ത്. ക്ലാ​സി​ൽ ക​യ​റ്റാ​ത്ത​തി​നാ​ൽ പ​ല വി​ദ്യാ​ർ​ഥി​ക​ളും സ്കൂ​ളി​ലേ​ക്ക്​ പോ​കു​ന്ന​തും നി​ർ​ത്തി​യി​ട്ടു​ണ്ട്.

ബി​സി​ന​സ്​ ത​ക​ർ​ന്ന​തും മ​റ്റ്​ സാ​മ്പ​ത്തി​ക പ്ര​തി​സ​ന്ധി​ക​ളു​മാ​ണ്​ ഫീ​സ​ട​ക്കാ​ൻ ക​​ഴി​യാ​ത്ത​തെ​ന്ന്​ ര​ക്ഷി​താ​ക്ക​ൾ പ​റ​യു​ന്നു. വി​ദ്യാ​ർ​ഥി​ക​ളു​ടെ മാ​ന​സി​ക നി​ല​യെ ബാ​ധി​ക്കു​ന്ന​താ​ണ്​ സ്കൂ​ൾ അ​ധി​കൃ​ത​രു​ടെ ന​ട​പ​ടി.

ഫീ​സ​ട​ച്ച്​ തീ​ർ​ക്കാ​ൻ കു​റ​ച്ചു സ​മ​യം നീ​ട്ടി​ത്ത​ര​ണ​മെ​ന്നാ​ണ്​ ആ​വ​ശ്യ​പ്പെ​ടു​ന്ന​ത്. ഇ​തി​ന്​ സ്കൂ​ൾ അ​ധി​കൃ​ത​രു​ടെ ഭാ​ഗ​ത്തു​നി​ന്ന്​ അ​നു​കൂ​ല​മാ​യ ന​ട​പ​ടി​യും ഉ​ണ്ടാ​കു​ന്നി​ല്ല. സം​ഭ​വം ഇ​ന്ത്യ​ൻ സ്കൂ​ൾ ബോ​ർ​ഡ്​ ചെ​യ​ർ​മാ​ന്‍റെ ശ്ര​ദ്ധ​യി​ൽ​പ്പെ​ടു​ത്തി​യി​രു​ന്നു. ഇ​ദ്ദേ​ഹം സ്കൂ​ൾ മാ​​നേ​ജ്​​മെ​ന്‍റു​മാ​യി ബ​ന്ധ​പ്പെ​ടാ​നാ​ണ്​ ആ​വ​ശ്യ​പ്പെ​ട്ട​ത്. ഇ​രു വി​ഭാ​ഗ​വും ​അ​ങ്ങോ​ട്ടും ഇ​ങ്ങോ​ട്ടും ത​ട്ടി വി​ദ്യാ​ർ​ഥി​ക​ളു​ടെ ഭാ​വി ത​ക​ർ​ക്കു​ക​യാ​ണെ​ന്നും ര​ക്ഷി​താ​ക്ക​ൾ പ​റ​ഞ്ഞു. സാ​മ്പ​ത്തി​ക പ്ര​യാ​സം​മൂ​ലം ഒ​രു വി​ദ്യാ​ർ​ഥി​യു​ടെ​യും പ​ഠ​നം മു​ട​ങ്ങ​രു​തെ​ന്നാ​ണ്​ ഇ​ന്ത്യ​ൻ സ്കൂ​ൾ ബോ​ർ​ഡി​ന്‍റെ ന​യം. എ​ന്നാ​ൽ, ഇ​തി​ന്​ ക​ട​ക വി​രു​ദ്ധ​മാ​യാ​ണ്​ അ​ധി​കൃ​ത​ർ സ്വീ​ക​രി​ക്കു​ന്ന​തെ​ന്നും ര​ക്ഷി​താ​ക്ക​ൾ ആ​രോ​പി​ച്ചു.

കോ​വി​ഡ്​ പ്ര​തി​സ​ന്ധി​മൂ​ല​മു​ണ്ടാ​യ സാ​മ്പ​ത്തി​ക ഞെ​രു​ക്ക​ത്തി​ൽ​നി​ന്ന്​ മ​ല​യാ​ളി​ക​ള​ട​ക്ക​മു​ള്ള പ്ര​വാ​സി​ക​ൾ പ​ല​രും ഇ​നി​യും മോ​ചി​ത​രാ​യി​ട്ടി​ല്ല. കു​ടും​ബ​വു​മാ​യി ക​ഴി​യു​ന്ന​വ​ർ കു​ട്ടി​ക​ളു​ടെ വി​ദ്യാ​ഭ്യാ​സ​മ​ട​ക്ക​മു​ള്ള കാ​ര്യ​ങ്ങ​ൾ മു​ണ്ടു​മു​റു​ക്കി​യാ​ണ്​ നി​റ​വേ​റ്റി​പ്പോ​രു​ന്ന​ത്. അ​നു​ദി​നം കു​തി​ച്ചു​യ​രു​ന്ന ചെ​ല​വു​ക​ൾ​ക്കൊ​പ്പം ബി​സി​ന​സ്​ മേ​ഖ​ല​യി​ലെ മാ​ന്ദ്യ​വും ​പ്ര​യാ​സം സൃ​ഷ്​​ടി​ക്കു​ന്നു​ണ്ട്. അ​തി​നാ​ൽ ഫീ​സ​ട​ക്കാ​ൻ ക​ഴി​യാ​ത്ത വി​ദ്യാ​ർ​ഥി​ക​ളു​ടെ കാ​ര്യം അ​നു​ഭാ​വ​പൂ​ർ​വം പ​രി​ഗ​ണി​ക്ക​ണ​മെ​ന്നാ​ണ്​ ര​ക്ഷി​താ​ക്ക​ൾ പ​റ​യു​ന്ന​ത്.

എ​ന്നാ​ൽ, വി​ദ്യാ​ർ​ഥി​ക​ളു​ടെ കാ​ര്യ​ത്തി​ൽ എ​ല്ലാ​വി​ധ മാ​നു​ഷി​ക പ​രി​ഗ​ണ​ന​യും ന​ൽ​കു​ന്ന​താ​ണെ​ന്ന്​ മ​സ്ക​ത്ത്​ ഇ​ന്ത്യ​ൻ സ്കൂ​ൾ മാ​നേ​ജ്​​മെ​ന്‍റു​മാ​യി ബ​ന്ധ​പ്പെ​ട്ട​വ​ർ ഗ​ൾ​ഫ്​ മാ​ധ്യ​മ​ത്തോ​ട്​ അ​റി​യി​ച്ചു.

ആ​റ്​ മാ​സ​ത്തി​ന്​ മു​ക​ളി​ൽ​വ​രെ ഫീ​സ​ട​ക്കാ​ത്ത വി​ദ്യാ​ർ​ഥി​ക​ളു​ണ്ട്. സ്കൂ​ളി​ന്‍റെ ന​ട​ത്തി​പ്പി​നും ന​ല്ല സാ​മ്പ​ത്തി​ക ബാ​ധ്യ​ത വ​രു​ന്നു​ണ്ട്. എ​ല്ലാ​വ​രു​ടെ​യും കാ​ര്യം അ​നു​ഭാ​വം പൂ​ർ​വം പ​രി​ഗ​ണി​ച്ച്​ മു​ന്നോ​ട്ടു പോ​കു​ന്ന​താ​ണെ​ന്നും അ​ധി​കൃ​ത​ർ അ​റി​യി​ച്ചു.