ചേ​ർ​ത്തു​പി​ടി​ച്ച​വ​ർ​ക്ക്​ ന​ന്ദി; കു​ഞ്ഞു ദ​ർ​ശ​നും അ​മ്മ​യും നാ​ട​ണ​ഞ്ഞു

മ​സ്ക​ത്ത്​: റൂ​വി ബ​ദ​ർ അ​ൽ സ​മ​യി​ലെ 113ാം ന​മ്പ​ർ മു​റി​യി​ൽ ഇ​നി ദ​ർ​ശ​ന്റെ ക​ളി​ചി​രി​ക​ളും ഒ​ച്ച​പ്പാ​ടു​ക​ളു​മി​ല്ല. അ​മ്മ​യു​ടെ അ​സു​ഖ​ത്തെ​തു​ട​ർ​ന്നാ​ണ് എ​ട്ട്​ മാ​സം പ്രാ​യ​മാ​യ ദ​ർ​ശ​ൻ ബ​ദ​ർ അ​ൽ​സ​മ​യി​ൽ എ​ത്തു​ന്ന​ത് . പി​ന്നീ​ട​ങ്ങോ​ട്ടു​ള്ള ഒ​രു മാ​സം ആ​ശു​പ​ത്രി ജീ​വ​ന​ക്കാ​രു​ടേ​യും ഡ്യൂ​ട്ടി ന​ഴ്സു​മാ​രു​ടേ​യും പ​രി​ച​ര​ണ​ത്തി​ലാ​യി​രു​ന്നു ദ​ർ​ശ​ൻ.

ക​ളി​യും ചി​രി​യു​മാ​യി ജോ​ലി​ക്കി​ട​യി​ൽ ദ​ർ​ശ​ൻ ആ​ശ്വാ​സ​മാ​യി​രു​ന്നു​വെ​ന്ന്​ ബ​ദ​ർ അ​ൽ സ​മ​യി​ലെ ജീ​വ​ന​ക്കാ​രി ജാ​ൻ​സി പ​റ​ഞ്ഞു. മ​തി​യാ​യ രേ​ഖ​ക​ളി​ല്ലാ​തെ ഒ​മാ​നി​ൽ ക​ഴി​യു​ന്ന ക​രി​ശി​നി എ​ന്ന ശ്രീ​ല​ങ്ക​ൻ യു​വ​തി നാ​ട്ടി​ലേ​ക്കു പോ​കാ​ൻ ശ്ര​മ​ങ്ങ​ൾ ന​ട​ത്തി വ​രു​ന്ന​തി​നി​ട​യി​ലാ​ണ് ഗ​ർ​ഭാ​ശ​യ സം​ബ​ന്ധ​മാ​യ അ​സു​ഖ ബാ​ധി​ത​യാ​വു​ന്ന​തും സാ​മൂ​ഹി​ക പ്ര​വ​ർ​ത്ത​ക അ​ജി​ത​യു​ടെ നേ​തൃ​ത്വ​ത്തി​ൽ റൂ​വി ബ​ദ​ർ അ​ൽ​സ​മ ആ​ശു​പ​ത്രി​യി​ൽ ചി​കി​ത്സ​ക്കെ​ത്തു​ന്ന​തും.

വ​ള​രെ സ​ങ്കീ​ർ​ണാ​വ​സ്ഥ​യി​ലു​ള്ള ക​രി​ശി​നി​ക്ക് ര​ക്തം വേ​ണ​മെ​ന്ന ആ​വ​ശ്യ​വു​മാ​യാ​ണ് അ​ജി​ത റൂ​വി കെ.​എം.​സി.​സി പ്ര​സി​ഡ​ന്റ് റ​ഫീ​ക്ക് ശ്രീ​ക​ണ്ഠ​പു​ര​ത്തി​നെ സ​മീ​പി​ക്കു​ന്ന​ത്. 13 കു​പ്പി ര​ക്ത​മാ​ണ് ക​രി​ശി​നി​ക്ക് വേ​ണ്ടി​വ​ന്ന​ത്. തു​ട​ർ ചി​കി​ത്സ​ക്ക്​ നാ​ട്ടി​ലേ​ക്കു മ​ട​ങ്ങേ​ണ്ട​തി​നാ​ൽ പാ​സ്പോ​ർ​ട്ട്, മ​റ്റു രേ​ഖ​ക​ൾ എന്നിവ ഉ​ണ്ടാ​കേ​ണ്ട​ത് ആ​വി​ശ്യ​മാ​യി​രു​ന്നു.

തി​മി​ഴ് സൊ​സൈ​റ്റി​യി​ൽ സാ​മൂ​ഹി​ക സേ​വ​നം ന​ട​ത്തു​ന്ന അ​ബ്ദു​ൽ റ​ഷീ​ദ് മു​ഖേ​നെ ശ്രീ​ല​ങ്ക​ൻ എം​ബ​സി​യു​മാ​യി ഇ​ട​പെ​ട്ട് കു​ട്ടി​യു​ടെ​യും അ​മ്മ​യു​ടെ​യും യാ​ത്ര രേ​ഖ​ക​ൾ റെ​ഡി​യാ​ക്കാ​ൻ മു​ൻകൈ​ എ​ടു​ക്കു​ക​യും ചെ​യ്തു.

ശ്രീ​ല​ങ്ക​ൻ എം​ബ​സി​യു​ടെ​യും ബ​ദ​ർ അ​ൽ​സ​മ ആ​ശു​പ​ത്രി മാ​നേ​ജ്മെ​ന്റി​ന്റെ​യും സ​ഹ​ക​ര​ണം എ​ടു​ത്തു​പ​റ​യേ​ണ്ട​താ​ണെ​ന്ന് കെ.​എം.​സി.​സി ഭാ​ര​വാ​ഹി​ക​ളാ​യ ന​വാ​സ് ചെ​ങ്ക​ല, മു​ഹ​മ്മ​ദ് വാ​ണി​മേ​ൽ, അ​മീ​ർ കാ​വ​ന്നൂ​ർ തു​ട​ങ്ങി​യ​വ​ർ കൂ​ട്ടി​ച്ചേ​ർ​ത്തു. ഒ​രു​പാ​ട് സ​മ്മാ​ന​പ്പൊ​തി​ക​ളു​മാ​യി ക​ണ്ണീ​രോ​ടെ​യാ​ണ് അ​മ്മ​യെ​യും കു​ഞ്ഞി​നെ​യും ബ​ദ​ർ അ​ൽ​സ​മ​യി​ലെ ജീ​വ​ന​ക്കാ​ർ യാ​ത്ര​യാ​ക്കി​യ​ത്.