ഇ​സ്മാ​ഈ​ൽ ഹ​നി​യ്യ​യു​ടെ കൊ​ല​പാ​ത​കം; ഒ​മാ​ൻ അ​പ​ല​പി​ച്ചു

മ​സ്ക​ത്ത്​: ഹ​മാ​സ് രാ​ഷ്ട്രീ​യ​കാ​ര്യ സ​മി​തി ത​ല​വ​ൻ ഇ​സ്മാ​ഈ​ൽ ഹ​നി​യ്യ​യു​ടെ കൊ​ല​പാ​ത​ക​ത്തി​ൽ ഒ​മാ​ൻ അ​പ​ല​പി​ച്ചു. ഇ​ത്​ അ​ന്താ​രാ​ഷ്ട്ര, മാ​നു​ഷി​ക നി​യ​മ​ങ്ങ​ളു​ടെ ന​ഗ്ന​മാ​യ ലം​ഘ​ന​മാ​ണെ​ന്നും മേ​ഖ​ല​യി​ൽ സ​മാ​ധാ​ന​വും സു​സ്ഥി​ര​ത​യും കൈ​വ​രി​ക്കാ​നു​ള്ള ശ്ര​മ​ങ്ങ​ളെ തു​ര​ങ്കം​വെ​ക്കു​മെ​ന്നും ഒ​മാ​ൻ വി​ശേ​ഷി​പ്പി​ച്ചു.

തെ​ഹ്റാ​നി​ലു​ണ്ടാ​യ ആ​ക്ര​മ​ണ​ത്തി​ലാ​ണ് ഇ​സ്മാ​ഈ​ൽ ഹ​നി​യ്യ കൊ​ല്ല​പ്പെ​ട്ട​തെ​ന്ന് ഇ​റാ​ൻ സൈ​ന്യം അ​റി​യി​ച്ചു. ഇ​റാ​ൻ പ്ര​സി​ഡ​ന്റ് മ​സൂ​ദ് പെ​സശ്കിയാ​ന്റെ സ​ത്യ​പ്ര​തി​ജ്ഞാ ച​ട​ങ്ങി​ൽ പ​ങ്കെ​ടു​ക്കാ​നെത്തി​യ​താ​യി​രു​ന്നു ഹ​നി​യ്യ. ചൊ​വ്വാ​ഴ്ച ന​ട​ന്ന ച​ട​ങ്ങി​ന് മു​മ്പ് ഇ​രു​വ​രും കൂ​ടി​ക്കാ​ഴ്ച ന​ട​ത്തി​യി​രു​ന്നു.

കൂ​ടാ​തെ, ഇ​റാ​ൻ പ​ര​മോ​ന്ന​ത നേ​താ​വ് ആ​യ​ത്തു​ല്ല ഖാം​ന​ഈ​യു​മാ​യും അ​ദ്ദേ​ഹം കൂ​ടി​ക്കാ​ഴ്ച ന​ട​ത്തി. ഹ​നി​യ്യ താ​മ​സി​ച്ച വീ​ടി​ന് നേ​രെ​യു​ണ്ടാ​യ ഡ്രോ​ൺ ആ​ക്ര​മ​ണ​ത്തി​ൽ ഇ​ദ്ദേ​ഹ​ത്തി​ന്റെ അം​ഗ​ര​ക്ഷ​ക​നും കൊ​ല്ല​പ്പെ​ട്ടി​ട്ടു​ണ്ട്. ആ​ക്ര​മ​ണ​ത്തി​നു പി​ന്നി​ലെ കൂ​ടു​ത​ൽ വി​വ​ര​ങ്ങ​ൾ ഇ​റാ​ൻ പു​റ​ത്തു​വി​ട്ടി​ട്ടി​ല്ല. കൊ​ല​പാ​ത​ക​ത്തി​നു പി​ന്നി​ൽ ഇ​സ്രാ​യേ​ലാ​ണെ​ന്ന് ഹ​മാ​സ് ആ​രോ​പി​ച്ചു.

ഖ​ത്ത​റി​ൽ താ​മ​സി​ച്ചാ​ണ് ഹ​നി​യ്യ ഹ​മാ​സി​ന്‍റെ പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കി​യി​രു​ന്ന​ത്. ഗ​സ്സ​യി​ൽ ഇ​സ്രാ​യേ​ൽ ന​ട​ത്തി​യ ആ​ക്ര​മ​ണ​ത്തി​ൽ ഹ​നി​യ്യ​യു​ടെ മ​ക്ക​ളും പേ​ര​മ​ക്ക​ളും കൊ​ല്ല​പ്പെ​ട്ടി​രു​ന്നു. 2006ൽ ​ഫ​ല​സ്തീ​ൻ പ്ര​ധാ​ന​മ​ന്ത്രി​യാ​യി തെ​ര​ഞ്ഞെ​ടു​ക്ക​പ്പെ​ട്ടി​രു​ന്നു.