ഇന്ത്യൻ സ്കൂളുകളിൽ നാളെ മുതൽ വീണ്ടും ബെല്ലടി കേൾക്കും
text_fieldsമസ്കത്ത്: 18 മാസത്തെ ഇടവേളക്കുശേഷം ഒമാനിലെ ഏതാണ്ടെല്ലാ ഇന്ത്യൻ സ്കൂളുകളുടെയും വാതിലുകൾ ഞായറാഴ്ച മുതൽ വിദ്യാർഥികൾക്കായി തുറക്കും. നവംബറോടെ എല്ലാ ക്ലാസുകളും തുറക്കുന്ന രീതിയിലാണ് സ്കൂളുകൾ ഷെഡ്യൂൾ തയാറാക്കിയിരിക്കുന്നത്. മസ്കത്ത് മേഖലയിൽ വാദീ കബീർ ഇന്ത്യൻ സ്കൂൾ ഒഴികെ ബാക്കിയെല്ലാ വിദ്യാലയങ്ങളും ഞായറാഴ്ച മുതൽ ക്ലാസുകൾ ആരംഭിക്കും. വാദീ കബീർ ഇന്ത്യൻ സ്കൂൾ ആറാം തീയതി മുതലാണ് ആരംഭിക്കുന്നത്.
സ്കൂളുകളുടെ സൗകര്യവും സാഹചര്യവും അനുസരിച്ച് ക്ലാസുകൾ തുറക്കാമെന്ന നിലപാടിലാണ് സ്കൂൾ ബോർഡ് ഒാഫ് ഡയറക്ടേഴ്സ്. മസ്കത്ത്, അൽ ഗുബ്റ തുടങ്ങിയ സ്കൂളുകളിൽ 12ാം ക്ലാസ് മാത്രമാണ് ഒന്നാംഘട്ടത്തിൽ തുറക്കുന്നത്. ദാർസൈത്ത് വാദീ കബീർ സ്കൂളുകളിൽ 12, 10 ക്ലാസുകൾ ഒന്നാംഘട്ടത്തിൽ തുടങ്ങും.
പല സ്കൂളുകളിലും രാവിലെ മുതൽ ഉച്ചവരെ ക്ലാസും ഉച്ച മുതൽ വൈകുന്നേരം വരെ ഒാാൺലൈൻ ക്ലാസുമാണ് നടക്കുന്നത്. രാവിലെ ഏഴരക്ക് ആരംഭിക്കുന്ന ക്ലാസുകൾ ഒാഫ് ലൈനിലും ഒാൺലൈനിലുമായി വൈകുന്നേരം നാലുവരെ നീളും. ഇത് കുട്ടികൾക്ക് പ്രയാസമുണ്ടാക്കുമെന്നതടക്കം നിരവധി പരാതികൾ രക്ഷിതാക്കളിൽനിന്ന് ഉയരുന്നുണ്ട്. വിവിധ സമയങ്ങളിൽ ക്ലാസുകൾ ആരംഭിക്കുന്നത് നിരവധി പ്രതിസന്ധികൾ സൃഷ്ടിക്കുമെന്നും രക്ഷിതാക്കൾ പറയുന്നു.
വാദീ കബീർ ഇന്ത്യൻ സ്കൂളിൽ 10, 12 ക്ലാസുകൾക്ക് ഇൗ മാസം ആറു മുതലും കെ.ജി ഒന്ന്, രണ്ട് , മൂന്ന്, നാല്, അഞ്ച് ക്ലാസുകൾക്ക് ഏഴു മുതലും ആരംഭിക്കും. ഒമ്പത് 11, ക്ലാസുകൾ അടുത്തമാസം മൂന്നു മുതലും ആറ്, ഏഴ്, എട്ട് അടുത്ത മാസം ഏഴു മുതലും ക്ലാസുകൾ ആരംഭിക്കും. ദാർസൈത്ത് ഇന്ത്യൻ സ്കൂളിൽ പത്ത്,12 ക്ലാസുകൾക്ക് നാളെ മുതലും ഒമ്പത്,11 ക്ലാസുകൾക്ക് ഇൗമാസം 17 മുതലും ഏഴ്, എട്ട് ക്ലാസുകൾക്ക് അടുത്ത മാസം ഒന്നു മുതലും ക്ലാസുകൾ ആരംഭിക്കും. ഇൗ സ്കൂളുകൾക്കും ദിവസവും ഒാഫ്ലൈൻ ക്ലാസും ഒാൺലൈൻ ക്ലാസുകളും നടക്കുന്നുണ്ട്.
വാദീ കബീർ ഇന്ത്യൻ സ്കൂളിൽ സ്കൂൾ പട്ടികയിലെ ഒന്നു മുതൽ 20വരെ കുട്ടികൾക്ക് ഒരാഴ്ച സ്കൂളിൽ ക്ലാസും ബാക്കിയുള്ളവർക്ക് വീട്ടിൽ ഒാൺലൈൻ ക്ലാസും എന്ന രീതിയിലും 21 മുതലുള്ള കുട്ടികൾക്ക് അടുത്ത ആഴ്ചയിൽ സ്കൂൾ ക്ലാസും ആദ്യ ബാച്ചിന് വീട്ടിൽ ഒാൺലൈൻ ക്ലാസും എന്ന രീതിയിലുമാണ് നടക്കുക. രണ്ടു മുതൽ മേൽപോട്ടുള്ള ക്ലാസിലെ കുട്ടികൾക്ക് രാവിലെ ഏഴു മുതൽ 11.10 വരെ സ്കൂൾ ക്ലാസും ഉച്ചക്ക് ഒന്നു മുതൽ നാലുവരെ വീടുകളിൽ ഒാൺലൈൻ ക്ലാസുകളും നടക്കും. സ്കൂൾ യൂനിേഫാമിലാണ് ഒാൺലൈൻ, ഒാഫ് ലൈൻ ക്ലാസുകളിൽ പെങ്കടുക്കേണ്ടത്.
ദാർൈസത്ത് ഇന്ത്യൻ സ്കൂളിലും സമാന രീതിയിലാണ് ക്ലാസുകൾ നടക്കുന്നത്. രാവിലെ ഏഴു മുതൽ പത്തരവരെ സ്കൂൾ ക്ലാസും 11.30 മുതൽ 3.30 വരെ ഒാഫ് ലൈൻ ക്ലാസുമാണ് നടക്കുന്നത്. എന്നാൽ, സ്കൂൾ ക്ലാസുകൾ കഴിഞ്ഞ് ചുരുങ്ങിയ ഇടവേളക്കുള്ളിൽ വീടുകളിൽ ഒാൺലൈൻ ക്ലാസുകൾ ആരംഭിക്കുന്നതിൽ പ്രായോഗിക പ്രയാസങ്ങളുണ്ടെന്ന് രക്ഷിതാക്കൾ പ്രതികരിച്ചു.
ഇവ പാലിക്കണം
- സ്കൂൾ പ്രവൃത്തി സമയത്തിന് അഞ്ചു മിനിറ്റ് മുമ്പ് കുട്ടികൾ എത്തിയിരിക്കണം.
- കൈയിൽ ചെറിയ സാനിൈറ്റസർ കുപ്പികൾ കരുതണം.
- സ്കൂൾ പ്രവേശന കവാടത്തിൽ ഉൗഷ്മാവ് പരിശോധന നടക്കും.
- ശരീര ഉൗഷ്മാവ് 37.5 ഡിഗ്രി സെൽഷ്യസിൽ എത്തിയവരെ സ്കൂളിൽ പ്രവേശിക്കാൻ അനുവദിക്കില്ല.
- പഠനോപകരണങ്ങളും പുസ്തകവും പരസ്പരം കൈമാറാൻ പാടില്ല •സ്കൂൾ കാൻറീൻ പ്രവർത്തിക്കാത്തതിനാൽ വെള്ളവും ലഘു ഭക്ഷണവുമൊക്കെ കൊണ്ടുവരണം.
- ഭക്ഷണം പരസ്പരം കൈമാറാൻ പാടില്ല.
- രക്ഷിതാക്കളെയും വാഹന ഡ്രൈവർമാരെയും കുട്ടികളെ ഇറക്കാനും കയറ്റാനും സ്കൂളിൽ പ്രവേശിപ്പിക്കില്ല.
- സ്കൂൾ വിട്ട് അര മണിക്കൂറിനകം കുട്ടികളെ രക്ഷിതാക്കൾ കൊണ്ടുപോയിരിക്കണം. •കുട്ടികൾ സ്കൂളിന് പുറത്ത് കാത്തിരിക്കാൻ പാടില്ല
- ഒരു േജാഡി ഉടുപ്പുകൾ അധികം സൂക്ഷിക്കണമെന്നും എല്ലാ ഉപകരണങ്ങളിലും േപരുകൾ എഴുതണമെന്നും വാദീ കബീർ സ്കൂൾ ആവശ്യപ്പെടുന്നുണ്ട്
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.