ഇ​ന്ത്യ​ൻ സ്കൂ​ളു​ക​ളി​ൽ പു​സ്​​ത​ക​മെ​ത്തി​യി​ല്ല; ല​ക്ഷ​ങ്ങ​ളു​ടെ ന​ഷ്ടം

മ​സ്ക​ത്ത്​: പു​തി​യ അ​ധ്യാ​യ​ന വ​ർ​ഷം തു​ട​ങ്ങി ഒ​രു​മാ​സം ആ​കാ​റാ​യി​ട്ടും ഇ​ന്ത്യ​ൻ സ്കു​ളു​ക​ളി​ൽ പു​സ്​​ത​ക​മെ​ത്തി​യി​ല്ല. ഇ​തോ​ടെ വി​വി​ധ സ്കൂ​ളു​ക​ൾ​ക്കു​​വ​ന്ന​ത്​ ല​ക്ഷ​ങ്ങ​ളു​ടെ ന​ഷ്ട​ങ്ങ​ൾ. വി​ദ്യാ​ർ​ഥി​ക​ൾ​ക്കാ​യു​ള്ള പ​ഠ​ന ഭാ​ഗ​ങ്ങ​ൾ ഫോ​ട്ടോ​കോ​പ്പി​യെ​ടു​ത്ത ഇ​ന​ത്തി​ലാ​ണ്​ ഇ​ത്ര​യും തു​ക ചി​ല​വാ​യ​ത്.

ടെ​ൻ​ഡ​ർ എ​ടു​ത്ത മ​സ്ക​ത്തി​ലെ ഏ​ജ​ൻ​സി​യു​ടെ അ​നാ​സ്ഥ​യാ​ണ്​ പു​സ്ത​ക വി​ത​ര​ണ​ത്തി​ലെ കാ​ല​താ​മ​സ​ത്തി​ന്​ കാ​ര​ണ​മെ​ന്നാ​ണ്​ വി​വി​ധ ഇ​ന്ത്യ​ൻ സ്കൂ​ളു​ക​ളു​മാ​യി ബ​ന്ധ​പ്പെ​ട്ട​വ​ർ പ​റ​യു​ന്ന​ത്. ഏ​ക​ദേ​ശം ര​ണ്ട്​ വ​ർ​ഷ​ങ്ങ​ൾ​ക്കു​മു​മ്പാ​ണ്​ പു​സ്ത​ക വി​ത​ര​ണ​ത്തി​ന്​ കേ​​​ന്ദ്രീ​കൃ​ത സം​വി​ധാ​നം ബോ​ർ​ഡ്​ സ്വീ​ക​രി​ക്കു​ന്ന​ത്. മൂ​ന്ന് ​പ്രെ​മോ​ട്ട​ർ​ സ്കൂ​ൾ ഒ​ഴി​കെ 18 ഇ​ന്ത്യ​ൻ സ്കൂ​ളി​ലേ​ക്കും പു​സ്ത​ക വി​ത​ര​ണം എ​ളു​പ്പ​ത്തി​ലാ​ക്കു​ക​യാ​യി​രു​ന്നു ല​ക്ഷ്യം.

എ​ന്നാ​ൽ, തു​ട​ക്ക​ത്തി​ൽ​ത​ന്നെ ഇ​ക്കാ​ര്യ​ത്തി​ൽ ക​ല്ലു​ക​ടി ​നേ​രി​ട്ടു. ക​ഴി​ഞ്ഞ വ​ർ​ഷ​ത്തെ പു​സ്ത​ക വി​ത​ര​ണം മോ​ശ​മാ​യി​രു​ന്നു. ഇ​ക്കാ​ര്യം പു​സ്ത​ക വി​ത​ര​ണ​ത്തെ​ക്കു​റി​ച്ച്​ അ​ഭി​പ്രാ​യം തേ​ടി​യ​പ്പോ​ൾ ബോ​ർ​ഡി​നെ സ്കൂ​ൾ അ​ധി​കൃ​ത​ർ അ​റി​യി​ക്കു​ക​യും ചെ​യ്തി​രു​ന്നു​. ഇ​ത്ത​രം അ​നാ​സ്ഥ ​നി​ല​നി​ൽ​ക്കെ​യാ​ണ്​ വീ​ണ്ടും ഈ ​ക​മ്പ​നി​യെ​ത​ന്നെ വി​ത​ര​ണം ഏ​ൽ​പ്പി​ക്കു​ന്ന​ത്. സ്കൂ​ളു​ക​ൾ നേ​രി​ട്ടു​ വാ​ങ്ങി​യ സ​മ​യ​ത്ത്​ മാ​ർ​​ച്ചോ​ടെ​ത​ന്നെ പു​സ്ത​കം ല​ഭി​ച്ചി​രു​ന്നു. പു​സ്ത​ക വി​ത​ര​ണ​ത്തി​ൽ മു​ൻ​പ​രി​ച​യ​മി​ല്ലാ​ത്ത ക​മ്പ​നി​യെ ഏ​ൽ​പ്പി​ച്ച​താ​ണ്​ പ്ര​ശ്ന​ങ്ങ​ൾ​ക്ക്​ കാ​ര​ണ​മെ​ന്നും ചി​ല​ർ ചൂ​ണ്ടി​ക്കാണി​ക്കു​ന്നു. ടെ​ൻ​ഡ​ർ വി​ളി​ച്ച​തി​നു​ശേ​ഷം, പു​സ്ത​ക​ങ്ങ​ളു​ടെ ​പ്രി​ന്‍റ്​ വി​ല​യി​ൽ ഏ​റ്റ​വും കു​റ​ഞ്ഞ നി​ര​ക്കി​ൽ സ്കൂ​ളി​ന്​ ന​ൽ​കു​ന്ന ക​മ്പ​നി​ക്കാ​ണ്​ വി​ത​ര​ണ​ത്തി​നു​ള്ള അ​വ​കാ​ശം ന​ൽ​കു​ന്ന​ത്. എ​ന്നാ​ൽ, മ​സ്ക​ത്തി​ൽ​നി​ന്ന്​ ഈ ​ക​മ്പ​നി മാ​ത്ര​മാ​ണ്​ ടെ​ൻ​ഡ​റി​ലു​ണ്ടാ​കാ​റു​ള്ള​ത്.

ഇ​വി​ടെ പു​സ്ത​കം എ​ത്തി​ക്കു​ന്ന​തി​ലെ സാ​​ങ്കേ​തി​ക ത​ട​സ്സ​ങ്ങ​ൾ​ ക​ണ​ക്കി​ലെ​ടു​ത്താ​ണ്​ ഇ​ന്ത്യ​യി​ൽ​നി​ന്നു​ള്ള ക​മ്പ​നി​ക​ൾ പ​​ങ്കെ​ടു​ക്കാ​തി​രു​ന്ന​ത്. എ​ന്നാ​ൽ, ഈ ​വ​ർ​ഷം ഇ​ന്ത്യ​യി​ൽ​നി​ന്നു​ള്ള ഒ​രു ക​മ്പ​നി ​ടെ​ൻ​ഡ​റി​ൽ പ​​ങ്കെ​ടു​ക്കാ​ൻ താ​ൽ​പ​ര്യം പ്ര​ക​ടി​പ്പി​ച്ചി​രു​ന്നു. എ​ന്നാ​ൽ, അ​വ​സാ​ന നി​മി​ഷം പി​ൻ​മാ​റു​ക​യാ​യി​രു​ന്നു. ഡ​ൽ​ഹി​യി​ലെ സ​മ​ര​വും മ​റ്റു​മാ​ണ്​ പു​സ്ത​കം എ​ത്തി​ക്കാ​ൻ വൈ​കു​ന്ന​ത്​ എ​ന്നാ​ണ്​ ടെ​ൻ​ഡ​ർ എ​ടു​ത്ത ക​മ്പ​നി പ​റ​യു​ന്ന​ത്.

അ​തേ​സ​മ​യം, ക​മ്പ​നി പു​സ്ത​ക വി​ത​ര​ണം ആ​രം​ഭി​ച്ചി​ട്ടു​ണ്ടെ​ന്നും ഈ ​ആ​ഴ്​​ച​യോ​ടെ​ത​ന്നെ പൂ​ർ​ത്തി​യാ​ക്കു​ന്ന​താ​ണെ​ന്നും ഇ​ന്ത്യ​ൻ സ്കൂ​ൾ ബോ​ർ​ഡ്​ ചെ​യ​ർ​മാ​ർ ശി​വ​കു​മാ​ർ മ​ാണി​ക്കം ഗ​ൾ​ഫ്​ മാ​ധ്യ​മ​ത്തോ​ട്​ പ​റ​ഞ്ഞു.