മുൻ പ്രവാസി നാട്ടിൽ നിര്യാതനായി

മസ്കത്ത്​: മുൻ ഒമാൻ പ്രവാസി നാട്ടിൽ നിര്യാതനായി. തൃശ്ശൂർ പുതിയകാവ് സ്വദേശി മുളംപറമ്പിൽ മുഹാജിർ (62) ആണ് മരിച്ചത്. വർഷങ്ങളോളം ഒമാനിലെ റൂവി ഹൈസ്ട്രീറ്റിൽ റെഡിമെയ്​ഡ്​ ഷോപ്പ് നടത്തിയിരുന്നു. അർബുദ രോഗത്തിന് ചികിത്സയിലായിരുന്നു.

പരേതരായ മൂസഹാജി-ആയിഷാബി ദമ്പതികളുടെ മകനാണ്​. ഭാര്യ: ആരിഫ. മക്കൾ: നാസ്‌ലി, അബ്‌ദുൽ റഹ്മാൻ. സഹോദരൻ: ഹുസൈൻ ( ചോക്കോ നട്സ്​, മസ്ക്കത്ത്​). ഖബറടക്കം ശനിയാഴ്ച രാവിലെ 10.30നു പുതിയകാവ് മഹല്ല് ഖബർസ്ഥാനിൽ.