ചൂ​ട് കു​റ​യു​ന്നു; ക​ളി​മു​റ്റം ഉ​ണ​ർ​വി​ലേ​ക്ക്

സു​ഹാ​ർ: ക​ന​ത്ത ചൂ​ടി​ന് ​നേ​രി​യ കു​റ​വു വ​ന്നു തു​ട​ങ്ങി​യ​തോ​ടെ രാ​ജ്യ​ത്തെ പ്രാ​ദേ​ശി​ക ക​ളി​ക്ക​ളം ഉ​ണ​ർ​ന്നു. സെ​പ്റ്റം​ബ​ർ അ​വ​സാ​നി​ക്കാ​റാ​യി​ട്ടും താ​പ​നി​ല പ​തി​യെ കു​റ​ഞ്ഞു വ​രു​ന്ന​തേ​യു​ള്ളൂ. ശ​രി​ക്കും ത​ണു​പ്പ് വ​രേ​ണ്ട സ​മ​യ​മാ​യി​ട്ടും താ​പ​നി​ല​യി​ൽ ഗ​ണ്യ​മാ​യ മാ​റ്റം വ​ന്നുതു​ട​ങ്ങി​യി​ട്ടി​ല്ല. എ​ന്നാ​ലും ക​ളി​ക്ക​ളം ഉ​ണ​രു​ക​യാ​ണ്.

ഒ​ക്ടോ​ബ​ർ, ന​വം​ബ​ർ, ഡി​സം​ബ​ർ മാ​സ​ങ്ങ​ൾ പ്ര​വാ​സി​ക​ൾ​ക്ക് ടൂ​ർ​ണ​മെ​ന്റു​ക​ളു​ടെ മാ​സ​മാ​ണ്. ഇ​ന്ത്യ, പാ​കി​സ്താ​ൻ, ബം​ഗ്ലാ​ദേ​ശ്, ശ്രീ​ല​ങ്ക എ​ന്നീ രാ​ജ്യ​ക്കാ​രാ​ണ് ടൂ​ർ​ണ​മെ​ന്റ് ന​ട​ത്തി​പ്പു​കാ​ർ. ടൂ​ർ​ണ​മെ​ന്റു​ക​ളി​ൽ മു​ന്നി​ൽ നി​ൽ​ക്കു​ന്ന​ത് ക്രി​ക്ക​റ്റ് ത​ന്നെ​യാ​ണ്. ഫു​ട്ബാ​ളും ബാ​ഡ്മി​ന്റ​ണും വോ​ളി​ബാ​ളും തൊ​ട്ടു പി​റ​കി​ലു​ണ്ട്. പ്ര​ദേ​ശി​ക ക​ളി​ക​ൾ​ക്ക് ന​ല്ല സ്വീ​കാ​ര്യ​ത കി​ട്ടു​ന്നു​ണ്ട്. ഓ​രോ മേ​ഖ​ല​യി​ലു​ള്ള ടീ​മു​ക​ൾ ചേ​ർ​ന്നാ​ണ് ടൂ​ർ​ണ​മെ​ന്റു​ക​ൾ സം​ഘ​ടി​പ്പി​ക്കു​ന്ന​ത്.

വാ​ണി​ജ്യ സ്ഥാ​പ​ന​ങ്ങ​ളു​ടെ​യും ക​മ്പ​നി​ക​ളു​ടെ​യും സം​ഘ​ട​ന​ക​ളു​ടെ​യും കൂ​ട്ടാ​യ്മ​ക​ളു​ടെ​യും കീ​ഴി​ൽ ടൂ​ർ​ണ​മെ​ന്റു​ക​ൾ ന​ട​ക്കും. നി​ശ്ചി​ത തു​ക അ​ഡ്മി​ഷ​ൻ ഫീ​സ് വാ​ങ്ങി​യാ​ണ് ടീ​മു​ക​ളെ ചേ​ർ​ക്കു​ന്ന​ത്. ഒ​രു ടൂ​ർ​ണ​മെ​ന്റി​ൽ പ​തി​നാ​റു മു​ത​ൽ ഇ​രു​പ​തു വ​രെ ടീ​മു​ക​ളു​ണ്ടാ​വും. ക്രി​ക്ക​റ്റ് ലീ​ഗ് മാ​സ​ങ്ങ​ളോ​ളം നീ​ണ്ടു​നി​ൽ​ക്കു​മെ​ങ്കി​ലും ഫു​ട്ബാ​ൾ ടൂ​ർ​ണ​മെ​ന്റ് ഒ​രു ദി​വ​സം കൊ​ണ്ടോ ര​ണ്ട് ദി​വ​സം​കൊ​ണ്ടോ അ​വ​സാ​നി​ക്കും. വെ​ള്ളി​യാ​ഴ്ച​ക​ളി​ലാ​ണ് സാ​ധാ​ര​ണ ടൂ​ർ​ണ​മെ​ന്റു​ക​ൾ ഉ​ണ്ടാ​വു​ക.

സ്ഥ​ല​മു​ട​മ​യു​ടെ സ​മ്മ​ത​ത്തോ​ടെ ഒ​ഴി​ഞ്ഞ സ്ഥ​ലം തി​ര​ഞ്ഞെ​ടു​ത്ത് അ​തി​ൽ ക്രി​ക്ക​റ്റ് പി​ച്ച് നി​ർ​മി​ച്ച് അ​ത് സം​ര​ക്ഷി​ച്ചു നി​ർ​ത്തി​ക്കൊ​ണ്ടാ​ണ് ക്രി​ക്ക​റ്റ് ക​ളി​ക്കാ​ർ ഓ​രോ സ്ഥ​ല​ത്തും ത​ങ്ങ​ളു​ടെ ക​ളി​സ്ഥ​ലം ഒ​രു​ക്കു​ന്ന​ത്.

സ്വ​ദേ​ശി​ക​ൾ​ക്ക് ക്രി​ക്ക​റ്റി​ൽ വ​ലി​യ ക​മ്പം ഇ​ല്ലെ​ങ്കി​ലും കാ​യി​ക വി​നോ​ദ​ത്തോ​ട് താ​ൽ​പ​ര്യ​മു​ള്ള​തു​കൊ​ണ്ട് പ്ര​വാ​സി​ക​ൾ​ക്ക് വേ​ണ്ട പ്രോ​ത്സാ​ഹ​നം ന​ൽ​കാ​റു​ണ്ട്. ഫു​ട്ബാ​ളി​നും ബാ​ഡ്മി​ന്റ​ണി​നും

വോ​ളി​ബാ​ളി​നും ഇ​ൻ​ഡോ​ർ കോ​ർ​ട്ടു​ക​ളും ട​ർ​ഫു​ക​ളാ​ണ് ഉ​പ​യോ​ഗി​ക്കു​ക. സം​ഘ​ട​ന​ക​ളും കൂ​ട്ടാ​യ്മ​ക​ളും ഫു​ട്ബാ​ൾ ടൂ​ർ​ണ​മെ​ന്റു​ക​ൾ സം​ഘ​ടി​പ്പി​ക്കും. സെ​വെ​ൻ​സ് ആ​ണ് കൂ​ടു​ത​ലും ന​ട​ക്കു​ക. വോ​ളി​ബാ​ളി​ലും ക​ളി ക​മ്പ​ക്കാ​ർ ഏ​റെ​യാ​ണ്. സ്ഥി​ര​മാ​യി സു​ഹാ​ർ പാ​ർ​ക്കി​ൽ വോ​ളി​ബാ​ൾ ക​ളി​ക്കാ​നു​ള്ള സൗ​ക​ര്യ​ങ്ങ​ളോ​ടെ​യു​ള്ള കോ​ർ​ട്ട് ഒ​രു​ക്കി​യി​ട്ടു​ണ്ട്.

രാ​ജ്യാ​ന്ത​ര വോ​ളി​ബാ​ൾ മ​ത്സ​ര​വും ഇ​വി​ടെ അ​ര​ങ്ങേ​റാ​റു​ണ്ട്. താ​പ​നി​ല ഉ​യ​ർ​ന്ന നി​ല​യി​ൽ ആ​യ​തു കാ​ര​ണം തു​റ​സ്സാ​യ സ്ഥ​ല​ങ്ങ​ളി​ലെ ക​ളി പ്ര​വാ​സി​ക​ൾ ഒ​ഴി​വാ​ക്കി​യി​രു​ന്നു. പ്ര​ഭാ​ത ന​ട​ത്ത​വും വ്യാ​യാ​മ​വും വീ​ട്ടി​ന​ക​ത്തു​വെ​ച്ചോ ജി​മ്മി​ൽ വെ​ച്ചോ ആ​ണ് ചെ​യ്തി​രു​ന്ന​ത്.

ക​ഠി​ന ചൂ​ടി​ൽ ക​ളി​യും വ്യാ​യാ​മ​വും കൂ​ടി​യാ​വു​മ്പോ​ൾ ത​ള​ർ​ന്നു​പോ​കു​ന്ന താ​പ​നി​ല​യാ​യി​രു​ന്നു രാ​ജ്യ​ത്തു​ണ്ടാ​യി​രു​ന്ന​ത്. താ​പ​നി​ല കു​റ​ഞ്ഞു എ​ന്ന് പ​റ​യാ​ൻ ആ​യി​ല്ലെ​ങ്കി​ലും വ​രും ദി​വ​സ​ങ്ങ​ളി​ൽ താ​പ​നി​ല​യി​ൽ മാ​റ്റ​മു​ണ്ടാ​കും എ​ന്നു​ത​ന്നെ​യാ​ണ് കാ​ലാ​വ​സ്ഥ മു​ന്ന​റി​യി​പ്പ്.