ഉ​ച്ച​വി​ശ്ര​മ നി​യ​മം: ഫീ​ൽ​ഡ്​ സ​ന്ദ​ർ​ശ​നം ഊ​ർ​ജി​ത​മാ​ക്കി​ തൊ​ഴി​ൽ മ​ന്ത്രാ​ല​യം

മ​സ്ക​ത്ത്​: ഉ​ച്ച​വി​ശ്ര​മ നി​യ​മ ലം​ഘ​ന​വു​മാ​യി ബ​ന്ധ​പ്പെ​ട്ട്​ മ​സ്ക​ത്തി​ൽ 49 കേ​സു​ക​ൾ ​റി​പ്പോ​ർ​ട്ട്​ ചെ​യ്തു​വെ​ന്ന്​ തൊ​ഴി​ൽ മ​ന്ത്രാ​ല​യം അ​ധി​കൃ​ത​ർ അ​റി​യി​ച്ചു.

ക​ത്തു​ന്ന വെ​യി​ലി​ൽ തൊ​ഴി​ലാ​ളി​ക​ൾ​ക്ക്​ ആ​ശ്വാ​സ​മേ​കാ​നാ​യു​ള്ള നി​യ​മം പ്രാ​ബ​ല്യ​ത്തി​ൽ​വ​ന്ന്​ ഒ​രു​മാ​സ​ത്തി​നി​ടെ​യാ​ണ്​ ഇ​ത്ത​രം ലം​ഘ​ന​ങ്ങ​ൾ ക​മ്പ​നി​ക​ളു​ടെ ഭാ​ഗ​ത്തു​നി​ന്നു​ണ്ടാ​യി​രി​ക്കു​ന്ന​ത്. നി​യ​മം പാ​ലി​ക്കാ​ത്ത ക​മ്പ​നി​ക​ൾ​ക്ക് പി​ഴ ചു​മ​ത്തു​ക​യും ചെ​യ്​​തു. ത​ല​സ്ഥാ​ന ന​ഗ​രി​യി​ൽ തൊ​ഴി​ൽ മ​ന്ത്രാ​ല​യം അ​ധി​കൃ​ത​ർ 143 ഫീ​ൽ​ഡ് സ​ന്ദ​ർ​ശ​ന​ങ്ങ​ളും തൊ​ഴി​ലു​ട​മ​ക​ൾ​ക്കും ജീ​വ​ന​ക്കാ​ർ​ക്കു​മാ​യി 72 ബോ​ധ​വ​ത്ക​ര​ണ സെ​ഷ​നു​ക​ളും ന​ട​ത്തി.

വ​ട​ക്ക​ൻ ബാ​ത്തി​ന​യി​ൽ തൊ​ഴി​ലു​ട​മ​ക​ൾ​ക്കും ജീ​വ​ന​ക്കാ​ർ​ക്കു​മാ​യി 54 ഫീ​ൽ​ഡ് സ​ന്ദ​ർ​ശ​ന​ങ്ങ​ളും 17 ബോ​ധ​വ​ത്ക​ര​ണ പ​രി​പാ​ടി​ക​ളും സം​ഘ​ടി​പ്പി​ച്ചു. ദാ​ഖി​ലി​യ​യി​ൽ 24 ഫീ​ൽ​ഡ് സ​ന്ദ​ർ​ശ​ന​ങ്ങ​ളാ​ണ് ന​ട​ത്തി​യ​ത്. ​147 ബോ​ധ​വ​ത്കര​ണ പ​രി​പാ​ടി​ക​ളും ഒ​രു​ക്കി.

ദാ​ഹി​റ​യി​ൽ 26 ഫീ​ൽ​ഡ് സ​ന്ദ​ർ​ശ​ന​ങ്ങ​ളും 50 ബോ​ധ​വ​ത്ക​ര​ണ സെ​ഷ​നു​ക​ളും ദോ​ഫാ​ർ മേ​ഖ​ല​യി​ൽ ഏ​ഴ്​ ബോ​ധ​വ​ത്കര​ണ സെ​ഷ​നു​ക​ളും 14 ഫീ​ൽ​ഡ് സ​ന്ദ​ർ​ശ​ന​ങ്ങ​ളും ബു​റൈ​മി​യി​ൽ 16 ഫീ​ൽ​ഡ് സ​ന്ദ​ർ​ശ​ന​ങ്ങ​ളും 16 ബോ​ധ​വ​ത്ക​ര​ണ പ​രി​പാ​ടി​ക​ളും തൊ​ഴി​ൽ മ​ന്ത്രാ​ല​യം അ​ധി​കൃ​ത​രു​ടെ നേ​തൃ​ത്വ​ത്തി​ൽ സം​ഘ​ടി​പ്പി​ച്ചു. മു​സ​ന്ദ​ത്ത്​ ന​ട​ത്തി​യ 45 ഫീ​ൽ​ഡ് സ​ന്ദ​ർ​ശ​ന​ത്തി​ൽ 15 ക​മ്പ​നി​ക​ൾ​ക്ക് തൊ​ഴി​ൽ മ​ന്ത്രാ​ല​യം പി​ഴ ചു​മ​ത്തി.

തൊ​ഴി​ൽ മ​ന്ത്രാ​ല​യം എ​ല്ലാ​ർ​വ​ർ​ഷ​വും പ്ര​ഖ്യാ​പി​ക്കാ​റു​ള്ള ഉ​ച്ച വി​ശ്ര​മ​വേ​ള ജൂ​ൺ ഒ​ന്ന്​ മു​ത​ലാ​ണ്​ പ്രാ​ബ​ല്യ​ത്തി​ൽ വ​ന്ന​ത്. ഒ​മാ​ൻ തൊ​ഴി​ൽ നി​യ​മ​ത്തി​ലെ ആ​ർ​ട്ടി​ക്ക്​​ൾ 16 പ്ര​കാ​ര​മാ​ണ്​ ജൂ​ൺ​മു​ത​ൽ ആ​ഗ​സ്​​റ്റു​വ​​രെ​യു​ള്ള കാ​ല​യ​ള​വി​ൽ പു​റ​ത്തു ജോ​ലി​യെ​ടു​ക്കു​ന്ന തൊ​ഴി​ലാ​ളി​ക​ൾ​ക്ക്​ വി​ശ്ര​മം ന​ൽ​കു​ന്ന​ത്.

ഇ​തു​പ്ര​കാ​രം പു​റ​ത്തു​ ജോ​ലി​യി​ലേ​ർ​പ്പെ​ട്ടി​രി​ക്കു​ന്ന തൊ​ഴി​ലാ​ളി​ക​ൾ​ക്ക് ഉ​ച്ച​ക്ക്​ 12.30 മു​ൽ 3.30 വ​രെ​യു​ള്ള സ​മ​യ​ങ്ങ​ളി​ൽ വി​ശ്ര​മം ന​ൽ​കാ​ൻ ക​മ്പ​നി​യും തൊ​ഴി​ൽ സ്ഥാ​പ​ന​ങ്ങ​ളും ബാ​ധ്യ​സ്ഥാ​രാ​ണ്. തൊ​ഴി​​ലാ​ളി​ക​ളു​ടെ ആ​രോ​ഗ്യ-​തൊ​ഴി​ൽ സു​ര​ക്ഷ​യും ​മ​റ്റും പ​രി​ഗ​ണി​ച്ചാ​ണ്​ അ​ധി​കൃ​ത​ർ മ​ധ്യ​ഹാ​ന അ​വ​ധി ന​ൽ​കു​ന്ന​ത്.

ഉ​ച്ച​വി​ശ്ര​മം ന​ട​പ്പി​ലാ​ക്കാ​ൻ തൊ​​ഴി​ൽ സ്ഥാ​പ​ന​ങ്ങ​ളു​​ടെ​യും ക​മ്പ​നി​ക​ളു​ടെ സ​ഹ​ക​ര​ണം ബ​ന്ധ​പ്പെ​ട്ട​വ​ർ ന​ട​ത്തി​യി​ട്ടു​ണ്ട്. അ​തേ​സ​മ​യം, ഇ​ത്​ ല​ഘി​ക്കു​ന്ന​വ​ർ​ക്കെ​തി​രെ നി​യ​മ​ന​ട​പ​ടി​ക​ൾ സ്വീ​ക​രി​ക്കു​മെ​ന്ന് മു​ന്ന​റി​യി​പ്പു ന​ൽ​കി. 500റി​യാ​ലി​ൽ കു​റ​യാ​ത്ത​തും 1000റി​യാ​ലി​ൽ കൂ​ടാ​ത്ത​തു​മാ​യ പി​ഴ​യും ചു​മ​ത്തും.

തൊ​ഴി​ലാ​ളി​ക​ളു​ടെ സം​ര​ക്ഷ​ണം ഉ​റ​പ്പാ​ക്കു​ന്ന​തി​നാ​യി എ​ല്ലാ നി​ർ​മാ​ണ, തു​റ​സ്സാ​യ സ്ഥ​ല​ങ്ങ​ളി​ൽ ഉ​ച്ച​സ​മ​യ​ങ്ങ​ളി​ൽ ജോ​ലി നി​ർ​ത്തി​വേ​ക്കേ​ണ്ട​താ​ണെ​ന്ന്​​ അ​ധി​കൃ​ത​ർ അ​റി​യ​ച്ചി​ട്ടു​ണ്ട്. ഉ​ച്ച സ​മ​യ​ങ്ങ​ളി​ൽ പ്ര​വ​ർ​ത്തി​ക്കു​ന്ന സ്ഥാ​പ​ന​ങ്ങ​ൾ ഏ​തെ​ങ്കി​ലും ത​ര​ത്തി​ലു​ള്ള ലം​ഘ​ന​ങ്ങ​ൾ ക​ണ്ടെ​ത്തി​യാ​ൽ, തൊ​ഴി​ൽ നി​യ​മ​ത്തി​ലെ ആ​ർ​ട്ടി​ക്കി​ൾ 118ലെ ​വ്യ​വ​സ്ഥ​ക​ള​നു​സ​രി​ച്ച് മ​ന്ത്രാ​ല​യം നി​യ​മ ന​ട​പ​ടി​ക​ൾ സ്വീ​ക​രി​ക്കും.

നി​യ​മം പാ​ലി​ക്കു​ന്നു​ണ്ടോ എ​ന്ന്​ ടാ​സ്‌​ക് ഫോ​ഴ്‌​സ് നി​രീ​ക്ഷി​ക്കും. കേ​സ് ആ​വ​ർ​ത്തി​ക്കു​ന്ന സാ​ഹ​ച​ര്യ​ത്തി​ൽ ജു​ഡീ​ഷ്യ​ൽ അ​ധി​കാ​രി​ക​ൾ​ക്ക് കൈ​മാ​റും. നി​യ​മം പാ​ലി​ക്കാ​ത്ത സ്ഥാ​പ​ന​ങ്ങ​ളെ​ക്കു​റി​ച്ച്​ ഫോ​ൺ വ​ഴി​യോ മ​ന്ത്രാ​ല​യ​ത്തി​ന്റെ വെ​ബ്‌​സൈ​റ്റു​ക​ൾ വ​ഴി​യോ അ​റി​യി​ക്കാ​വു​ന്ന​താ​ണെ​ന്നും അ​ധി​കൃ​ത​ർ അ​റി​യി​ച്ചു.

ഉ​ച്ച വി​ശ്ര​മ നി​യ​മം ന​ട​പ്പി​ലാ​ക്കേ​ണ്ട​തി​ന്‍റെ ആ​വ​ശ്യ​ക​ത​യി​ലൂ​ന്നി ക​ഴി​ഞ്ഞ​ദി​വ​സ​ങ്ങ​ളി​ൽ വി​വി​ധ ഗ​വ​ർ​ണ​റേ​റ്റു​ക​ളി​ൽ തൊ​ഴി​ൽ മ​ന്ത്രാ​ല​യ​ത്തി​ന്‍റെ നേ​തൃ​ത്വ​ത്തി​ൽ ബോ​ധ​വ​ത്​​ക​ര​ണ കാ​മ്പ​യി​നു​ക​ൾ ന​ട​പ്പാ​ക്കി​യി​രു​ന്നു. നി​ല​വി​ൽ രാ​ജ്യ​ത്ത്​ പ​ല​യി​ട​ത്തും 50ന്​ ​അ​ടു​ത്താ​ണ്​ താ​പ​നി​ല രേ​ഖ​പ്പെ​ടു​ത്തി​യി​രി​ക്കു​ന്ന​ത്.