ചികിത്സക്കുപോയ ഒമാൻ പ്രവാസി നാട്ടിൽ നിര്യാതനായി

മസ്കത്ത്​: സൂറിലെ സാമൂഹിക, സാംസ്കാരിക രംഗത്ത പ്രമുഖ വ്യക്​തിത്വവും അൽഹരീബ്​ കമ്പനിയുടെ സി.ഇ.ഒയുമായ കോഴിക്കോട്​ ​കക്കോടിയിലെ പൂമക്കോത്ത് അബ്​ദുൽ അസീസ് (74) നാട്ടിൽ നിര്യാതനായി​.

40 വർഷത്തോളം ഒമാനിലുണ്ടായിരുന്ന ഇദ്ദേഹം ചികിത്സക്കായി രണ്ടു​ മാസം മുമ്പാണ്​ നാട്ടിലേക്ക്​ പോയത്​​. അൽജാമിഅ ഒമാൻ അലുമ്നിയുടെ വൈസ്​ പ്രസിഡന്‍റാണ്​.

ഭാര്യ: സഫിയ. മക്കൾ: മുഹമ്മദ്​ ദാനിഷ്​, മുഹമ്മദ്​ ജലീസ്, മുഹമ്മദ്​ ഷമീർ ​ (മൂവരും അൽഹരീബ്​), മുഹമ്മദ്​ തസ്നീം.