ഒമാനിൽ സർക്കാർ ജീവനക്കാരുടെ പ്രവർത്തന മികവ്​ വിലയിരുത്തും

മസ്​കത്ത്​: ഒമാനിൽ സർക്കാർ വകുപ്പുകളിലെയും സർക്കാർ ഉടമസ്​ഥതയിലുള്ള കമ്പനികളിലെയും ജീവനക്കാരുടെ പ്രവർത്തന മികവ്​ വിലയിരുത്താൻ പദ്ധതി. ഓരോ മൂന്നു മുതൽ ആറു മാസം വരെ കാലയളവിൽ മികവ്​ വിലയിരുത്തുന്നതിനുള്ള സ​മ്പ്രദായത്തിനാണ്​ രൂപം നൽകുകയെന്ന്​ തൊഴിൽ മന്ത്രാലയം അറിയിച്ചു. അടുത്ത വർഷം ജനുവരി ഒന്നു​ മുതൽ മികവ്​ വിലയിരുത്തുന്ന സ​മ്പ്രദായം നിലവിൽ വരും.

1.75 ലക്ഷം സർക്കാർ ജീവനക്കാരാണ്​ ആകെയുള്ളത്​. ഇവരുടെ വ്യക്​തിഗത പ്രകടനവും സ്​ഥാപനത്തിലെ മികവുമാണ്​ വിലയിരുത്തുകയെന്ന്​ തൊഴിൽ മന്ത്രാലയം വക്​താവ്​ പറഞ്ഞു.സ്​ഥാപനത്തിലെ ഹാജർ, പെരുമാറ്റം തുടങ്ങി പതിവ്​ കാര്യങ്ങളാകില്ല ഇതിൽ കണക്കിലെടുക്കുക.

തൊഴിലിലെ മികവ്​, നിർമാണാത്​മകത, ഉൽ​പാദനക്ഷമത, ഏൽപിക്കപ്പെട്ട ജോലികളുടെ പൂർത്തീകരണം തുടങ്ങിയ കാര്യങ്ങളാണ്​ കണക്കിലെടുക്കുക. പ്രമോഷൻ, ബോണസ്​, ഇൻസെൻറീവുകൾ തുടങ്ങിയവ ഈ വിലയിരുത്തലി‍െൻറ അടിസ്​ഥാനത്തിലായിരിക്കും നൽകുക.