മസ്​ജിദുകൾ തുറക്കുമെന്ന പ്രചാരണം വാസ്​തവവിരുദ്ധം

മസ്​കത്ത്​: മസ്​ജിദുകൾ തുറക്കാൻ തീരുമാനമായതായ പ്രചാരണങ്ങൾ വാസ്​തവവിരുദ്ധമാണെന്ന്​​ ഗവൺമെൻറ്​ കമ്യൂണിക്കേഷൻ സെൻറർ അറിയിച്ചു.നവംബർ 15ന്​ പള്ളികൾ തുറക്കുമെന്ന രീതിയിലാണ്​ സമൂഹമാധ്യമങ്ങളിൽ വാർത്തകൾ പ്രചരിക്കുന്നത്​​.

ഒൗദ്യോഗിക സ്രോതസ്സുകളിൽനിന്നുള്ള വാർത്തകളേ കണക്കിലെടുക്കാവൂവെന്നും ഉൗഹാപോഹങ്ങൾ പ്രചരിപ്പിക്കരുതെന്നും അധികൃതർ അറിയിച്ചു. മാർച്ച്​ അവസാനമാണ്​ രാജ്യത്തെ മസ്​ജിദുകൾ അടക്കം ആരാധനാലയങ്ങൾ അടച്ചത്​. നവംബർ 15നുശേഷമുള്ള സാഹചര്യങ്ങൾ വിലയിരുത്തിയാകും ഇവ തുറക്കുന്നതിൽ തീരുമാനമെടുക്കുകയെന്ന്​ സുപ്രീം കമ്മിറ്റി നേരത്തേ അറിയിച്ചിരുന്നു.