കോവിഡ്​ വിഷയമാക്കിയുള്ള ഹ്രസ്വചിത്രം ശ്രദ്ധേയം

മസ്​കത്ത്​: കോവിഡ് മഹാമാരിയിൽ ലോകം വഴിമുട്ടിയിട്ട് ഒന്നര വർഷത്തിലധികം പിന്നിട്ടു. ആദ്യ രണ്ടു തരംഗങ്ങൾ ക്കപ്പുറം മൂന്നാം തരംഗത്തെ ആശങ്കയോടെ നോക്കുന്ന മാനവ ജനതക്കു​ മുന്നിൽ ഭയമല്ല, ജാഗ്രതയാണ് വേണ്ടത് എന്ന് വീണ്ടും ഓർമപ്പെടുത്തുന്ന ഹ്രസ്വചിത്രം ശ്രദ്ധേയമാകുന്നു.

'ഒരോർമപ്പെടുത്തൽ' എന്ന ചിത്രം ഒരു കൂട്ടം പ്രവാസി മലയാളി കല-സാംസ്​കാരിക പ്രവർത്തകരാണ്​ അണിയിച്ചൊരുക്കിയിട്ടുള്ളത്​. അനുരാജ് രാജനാണ്​ സംവിധാനം. സിമി അനുരാജാണ് നിർമാണം. ലിയോ ജോസഫ് സിയാണ് ചിത്രത്തിലെ കഥ രചിച്ചിരിക്കുന്നത്. അനുരാജ് രാജൻ, ഇന്ദു ബാബുരാജ്, പ്രദീപ് കല്ലറ, ശ്രീദേവി കിഴക്കനേല, മാസ്​റ്റർ ആരോമൽ അനുരാജ് എന്നിവരാണ്​ ചിത്രത്തിൽ അഭിനയിച്ചിരിക്കുന്നത്​. ഛായാഗ്രഹണം അർജുനും പ്രൊഡക്​ഷൻ കൺട്രോൾ ഇബ്രാഹിം നസീഫുമാണ്​.