വി​വി​ധ പ​ദ്ധ​തി​ക​ൾ ഒ​രു​ങ്ങു​ന്നു; പ​ച്ച​പ്പ​ണി​യാ​ൻ മ​സ്ക​ത്ത്

മ​സ്ക​ത്ത്: ഹ​രി​ത ഇ​ട​ങ്ങ​ൾ കൂ​ടു​ത​ൽ സ്ഥ​ല​ങ്ങ​ളി​ലേ​ക്ക് വ്യാ​പി​പ്പി​ച്ച് മ​സ്ക​ത്ത് ഗ​വ​ർ​ണ​റേ​റ്റ്. പ​രി​സ്ഥി​തി സു​സ്ഥി​ര​ത​ക്കു​ള്ള പ്ര​തി​ജ്ഞാ​ബ​ദ്ധ​ത​യു​ടെ ഭാ​ഗ​മാ​യി 2.73 ദ​ശ​ല​ക്ഷം ച​തു​ര​ശ്ര മീ​റ്റ​ർ സ്ഥ​ല​ങ്ങ​ളി​ലാ​ണ് ഹ​രി​താ​ഭ​മാ​ക്കി​യി​ട്ടു​ള്ള്.

ഈ ​പ്ര​ദേ​ശ​ത്ത് 19,565 ഈ​ത്ത​പ്പ​ന​ക​ളും, 51,831 വൈ​വി​ധ്യ​മാ​ർ​ന്ന മ​ര​ങ്ങ​ളും, 336,777 ചെ​ടി​ക​ളും , 84,205 ച​തു​ര​ശ്ര മീ​റ്റ​ർ സീ​സ​ണ​ൽ പൂ​ക്ക​ളും, 426,577 ച​തു​ര​ശ്ര മീ​റ്റ​ർ മ​ണ്ണ് ക​വ​റു​ക​ളും ഉ​ൾ​പ്പെ​ടു​ന്നു. ഇ​ത് താ​മ​സ​ക്കാ​രു​ടെ ജീ​വി​ത നി​ല​വാ​രം വ​ർ​ധി​പ്പി​ക്കു​ക​യും ഹ​രി​ത ന​ഗ​ര പ​രി​സ്ഥി​തി പ്രോ​ത്സാ​ഹി​പ്പി​ക്കു​ക​യും ചെ​യ്യു​ന്നു.

അ​ടു​ത്തി​ടെ ന​ട​ന്ന ഒ​മാ​നി കാ​ർ​ഷി​ക ദി​ന​ാഘോ​ഷ​ത്തി​ന്റെ ഭാ​ഗ​മാ​യി മ​സ്ക​ത്ത് ഗ​വ​ർ​ണ​റേ​റ്റി​ന്‍റെ മു​നി​സി​പ്പ​ൽ മേ​ഖ​ല സു​സ്ഥി​ര​ത​ക്കും ഹ​രി​ത ഇ​ടം പ്രോ​ത്സാ​ഹി​പ്പി​ക്കു​ന്ന​തി​നു​മു​ള്ള സ​മ​ർ​പ്പ​ണ​ത്തി​ന് ഊ​ന്ന​ൽ ന​ൽ​കി നി​ര​വ​ധി പ​രി​സ്ഥി​തി സം​രം​ഭ​ങ്ങ​ൾ ആ​രം​ഭി​ച്ചു. സ​സ്യ​ങ്ങ​ളെ സം​ര​ക്ഷി​ക്കു​ന്ന​തി​നും മ​രു​ഭൂ​വ​ൽ​ക്ക​ര​ണം ത​ട​യു​ന്ന​തി​നും ഹ​രി​ത ഇ​ട​ങ്ങ​ൾ വി​പു​ലീ​ക​രി​ക്കു​ന്ന​തി​നും സ​മൂ​ഹ​ത്തെ പ​ങ്കെ​ടു​പ്പി​ക്കു​ക​യെ​ന്ന ല​ക്ഷ്യ​ത്തോ​ടെ​യു​ള്ള ‘ഗ്രീ​ൻ മ​സ്‌​ക​ത്ത്' സം​രം​ഭ​ത്തി​ന്‍റെ ഭാ​ഗ​മാ​ണി​ത്.

ഗ്രീ​ൻ മ​സ്‌​ക​ത്ത് സം​രം​ഭ​ത്തി​ലൂ​ടെ 10 ദ​ശ​ല​ക്ഷം മ​ര​ങ്ങ​ൾ ന​ട്ടു​പി​ടി​പ്പി​ക്കാ​ൻ പ​ദ്ധ​തി​യി​ടു​ക​യും അ​തി​ന്‍റെ ആ​ദ്യ ഘ​ട്ടം സൂ​ർ അ​ൽ ഹ​ദീ​ദ് ബീ​ച്ചി​ൽ മ​സ്‌​ക​ത്ത് ചാ​രി​റ്റി ടീ​മി​ന്‍റെ​യും സീ​ബ് ചാ​രി​റ്റി ടീ​മി​ന്‍റെ​യും സ​ഹ​ക​ര​ണ​ത്തോ​ടെ തൈ​ക​ൾ വി​ത​ര​ണം ചെ​യ്യു​ക​യും ചെ​യ്തു. ഇ​തി​ന്റെ ഭാ​ഗ​മാ​യി മ​സ്‌​ക​ത്ത് ചാ​രി​റ്റി ടീ​മി​ന്‍റെ സ​ഹ​ക​ര​ണ​ത്തോ​ടെ 2,000 തൈ​ക​ൾ ന​ട്ടു​പി​ടി​പ്പി​ച്ചു.

4,000 ത്തി​ല​ധി​കം തൈ​ക​ൾ വി​വി​ധ പ്ര​ദേ​ശ​ങ്ങ​ളി​ൽ വി​ത​ര​ണം ​ചെ​യ്യു​ക​യും ചെ​യ്തു. പാ​രി​സ്ഥി​തി​ക അ​വ​ബോ​ധം വ​ള​ർ​ത്തു​ന്ന​തി​നാ​യി രൂ​പ​ക​ൽ​പ​ന ചെ​യ്ത ഈ ​ക​മ്മ്യൂ​ണി​റ്റി കേ​ന്ദ്രീ​കൃ​ത സ​മീ​പ​നത്തി​ൽ പ്ര​ത്യേ​കി​ച്ച് യു​വാ​ക്ക​ൾ​ക്കി​ട​യി​ൽ, ന​ഗ​ര​ത്തി​ന്‍റെ ഹ​രി​ത ഇ​ട​ങ്ങ​ൾ പ​രി​പാ​ലി​ക്കു​ന്ന​തി​ൽ സ​ജീ​വ പ​ങ്കാ​ളി​ത്ത​ത്തെ പ്രോ​ത്സാ​ഹി​പ്പി​ക്കു​ന്നു.

ക​ഴി​ഞ്ഞ ദി​വ​സം ഖു​റി​യാ​ത്ത് ക്ല​ബി​ൽ ബ​സ്മ​ത്ന ഗീ​ർ ടീം 2,000 ​തൈ​ക​ൾ വി​ത​ര​ണം ചെ​യ്തു. ഒ​മാ​നി​ലെ സു​സ്ഥി​ര ന​ഗ​ര​വി​ക​സ​ന​ത്തി​ന് മ​സ്‌​ക​ത്ത് ഗ​വ​ർ​ണ​റേ​റ്റി​നെ മാ​തൃ​ക​യാ​ക്കാ​വു​ന്ന പ​ദ്ധ​തി​യാ​ണ് ഗ്രീ​ൻ മ​സ്‌​ക​ത്ത് സം​രം​ഭം.

2.73 ദ​ശ​ല​ക്ഷ​ത്തി​ല​ധി​കം ച​തു​ര​ശ്ര മീ​റ്റ​റി​ൽ ഹ​രി​ത ഇ​ട​ങ്ങ​ളു​ള്ള മ​സ്‌​ക​ത്ത്, വാ​യു​വി​ന്‍റെ ഗു​ണ​നി​ല​വാ​ര​വും ജൈ​വ​വൈ​വി​ധ്യ​വും വ​ർ​ധി​പ്പി​ക്കു​ക​യും നി​വാ​സി​ക​ൾ​ക്ക് പ്ര​കൃ​തി ആ​സ്വ​ദി​ക്കാ​നും വി​നോ​ദ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടാ​നും ക​ഴി​യു​ന്ന ഊ​ർ​ജ്ജ​സ്വ​ല​മാ​യ പ്ര​ദേ​ശ​ങ്ങ​ൾ സൃ​ഷ്ടി​ക്കു​ക​യും ചെ​യ്യു​ന്നു.

ഈ ​ശ്ര​മ​ങ്ങ​ളി​ലൂ​ടെ, ഭാ​വി ത​ല​മു​റ​ക​ൾ​ക്കാ​യി ഹ​രി​ത​വും ആ​രോ​ഗ്യ​ക​ര​വും സു​സ്ഥി​ര​വു​മാ​യ ന​ഗ​രം എ​ന്ന കാ​ഴ്ച​പ്പാ​ട് മ​സ്ക​ത്ത് സാ​ക്ഷാ​ത്ക​രി​ക്കു​ക​യാ​ണ്. ന​ടീ​ൽ കാ​മ്പ​യ​നി​ക​ൾ​ക്കു​പു​റ​മേ, ഗ​വ​ർ​ണ​റേ​റ്റി​ലു​ട​നീ​ളം പ​രി​സ്ഥി​തി സൗ​ഹൃ​ദ പാ​ർ​ക്കു​ക​ളും ന​ട​പ്പാ​ത​ക​ളും സൃ​ഷ്ടി​ക്കു​ന്ന​തി​നു​ള്ള ഒ​ന്നി​ല​ധി​കം പ​ദ്ധ​തി​ക​ൾ മ​സ്‌​ക​ത്ത് മു​നി​സി​പ്പാ​ലി​റ്റി ആ​വി​ഷ്‌​ക​രി​ച്ചി​ട്ടു​ണ്ട്. ഖു​റി​യാ​ത്തി​ലെ ഫി​ൻ​സ് ബീ​ച്ച് പാ​ർ​ക്ക് ഉ​ൾ​പ്പെ​ടെ​യു​ള്ള പ്ര​ധാ​ന പു​തി​യ പ​ദ്ധ​തി​ക​ളി​ലൊ​ന്നാ​ണ്.

പൈ​തൃ​ക വി​നോ​ദ​സ​ഞ്ചാ​ര മ​ന്ത്രാ​ല​യ​വു​മാ​യി സ​ഹ​ക​രി​ച്ച് വി​ക​സി​പ്പി​ച്ച ഈ 7,000 ​ച​തു​ര​ശ്ര മീ​റ്റ​ർ പാ​ർ​ക്കി​ൽ ഹ​രി​ത പ്ര​ദേ​ശ​ങ്ങ​ൾ, കു​ട്ടി​ക​ളു​ടെ ക​ളി​സ്ഥ​ലം, പാ​ർ​ക്കി​ങ് സൗ​ക​ര്യ​ങ്ങ​ളോ​ടു​കൂ​ടി​യ ക്യാ​മ്പി​ങ് വാ​ഹ​ന​ങ്ങ​ൾ​ക്കു​ള്ള ഇ​ട​ങ്ങ​ൾ, സ്മാ​ർ​ട്ട് ലൈ​റ്റി​ങ്, ആ​ധു​നി​ക ജ​ല​സേ​ച​ന സം​വി​ധാ​നം എ​ന്നി​വ ഉ​ൾ​പ്പെ​ടു​ന്നു.

6,000 ച​തു​ര​ശ്ര മീ​റ്റ​ർ വി​സ്തൃ​തി​യു​ള്ള അ​മീ​റാ​ത്തി​ലെ അ​ൽ ന​ഹ്ദ സി​റ്റി പാ​ർ​ക്കാ​ണ് മ​റ്റൊ​ന്ന്. ഈ ​പാ​ർ​ക്കി​ൽ ന​ട​പ്പാ​ത​ക​ൾ, ഇ​രി​പ്പി​ട​ങ്ങ​ൾ, ത​ണ​ൽ പ്ര​ദേ​ശ​ങ്ങ​ൾ, കു​ട്ടി​ക​ളു​ടെ ക​ളി​സ്ഥ​ലം, ഒ​രു മി​നി ഫു​ട്ബാ​ൾ സ്റ്റേ​ഡി​യം എ​ന്നി​വ ഉ​ൾ​പ്പെ​ടു​ന്നു. സീ​ബി​ലെ അ​ൽ മാ​ബി​ല സൗ​ത്ത് പാ​ർ​ക്ക് (സ്റ്റേ​ജ് 8) ആ​ണ് മ​റ്റൊ​രു പ്ര​ധാ​ന പ​ദ്ധ​തി.

10,000 ച​തു​ര​ശ്ര മീ​റ്റ​റി​ൽ വ്യാ​പി​ച്ചു​കി​ട​ക്കു​ന്ന ഈ ​പാ​ർ​ക്കി​ൽ സൈ​ക്കി​ൾ പാ​ത​ക​ൾ, സ്‌​പോ​ർ​ട്‌​സ് ഏ​രി​യ​ക​ൾ, കു​ട്ടി​ക​ളു​ടെ ക​ളി​സ്ഥ​ല​ങ്ങ​ൾ, ലാ​ൻ​ഡ്‌​സ്‌​കേ​പ്പ് ചെ​യ്‌​ത പൂ​ന്തോ​ട്ട​ങ്ങ​ൾ, വി​പു​ല​മാ​യ ലൈ​റ്റി​ങ് എ​ന്നി​വ​യു​ൾ​പ്പെ​ടു​ന്നു.