‘കേ​ര​ള​ത്തി​ലെ മു​പ്പ​ത് സ്വാ​ത​ന്ത്ര്യ​സ​മ​ര​ സേ​നാ​നി​ക​ൾ’ പ്ര​കാ​ശ​നം ചെ​യ്തു

മ​സ്ക​ത്ത്​: ഒ​മാ​നി​ലെ സാ​മൂ​ഹി​ക പ്ര​വ​ർ​ത്ത​ക​നും ലോ​ക​കേ​ര​ള സ​ഭാം​ഗ​വു​മാ​യ സി​ദ്ദി​ക്ക് ഹ​സ​ന്റെ ര​ണ്ടാ​മ​ത്തെ പു​സ്ത​കം ‘കേ​ര​ള​ത്തി​ലെ മു​പ്പ​ത് സ്വാ​ത​ന്ത്ര്യ​സ​മ​ര സേ​നാ​നി​ക​ൾ’ ഷാ​ർ​ജ പു​സ്ത​കോ​ത്സ​വ​ത്തി​ൽ പ്ര​കാ​ശ​നം ചെ​യ്തു.റൈ​റ്റേ​ഴ്‌​സ് ഫോ​റ​ത്തി​ൽ ന​ട​ന്ന ച​ട​ങ്ങി​ൽ എ​ഴു​ത്തു​കാ​രി ഹ​ണി ഭാ​സ്‌​ക​ർ നെ​ല്ല​റ ഗ്രൂ​പ് എം.​ഡി നെ​ല്ല​റ ഷം​സു​വി​ന് ന​ൽ​കി​യാ​ണ് പ്ര​കാ​ശ​നം നി​ർ​വ​ഹി​ച്ച​ത്.

ദു​ബൈ​യി​ലെ ജീ​വ​കാ​രു​ണ്യ പ്ര​വ​ർ​ത്ത​ക​ൻ അ​ഷ​റ​ഫ് താ​മ​ര​ശ്ശേ​രി, അ​ധ്യാ​പ​ക​നും എ​ഴു​ത്തു​കാ​ര​നു​മാ​യ നി​സാ​ർ ഇ​ൽ​ത്തു​മി​ഷ്, മോ​ട്ടി​വേ​റ്റ​ർ ഷി​ഹാ​ബു​ദ്ദീ​ൻ, എ​ഴു​ത്തു​കാ​ര​ൻ ഗോ​പാ​ൽ​ജി, ലു​ലു ഗ്രൂ​പ്പി​ന്റെ ജ​ന​റ​ൽ മാ​നേ​ജ​ർ ആ​ഷി​ക് തി​രൂ​ർ, ലി​പി അ​ക്ബ​ർ എ​ന്നി​വ​ർ പ​ങ്കെ​ടു​ത്തു. പ്ര​കാ​ശ​ന​ച്ച​ട​ങ്ങി​ന് തൊ​ട്ടു​മു​മ്പ് പ്ര​തി​പ​ക്ഷ​നേ​താ​വ് വി.​ഡി. സ​തീ​ശ​ൻ എ​ത്തി ച​ട​ങ്ങി​ന് ആ​ശം​സ​ക​ൾ നേ​ർ​ന്നു.

നേ​ര​ത്തേ കേ​ര​ള​ത്തി​ലെ നൂ​റ് ന​വോ​ത്ഥാ​ന നാ​യ​ക​രെ​ക്കു​റി​ച്ചു​ള്ള പു​സ്ത​കം ര​ചി​ച്ച​തി​ൽ​നി​ന്നു​ള്ള പ്ര​ചോ​ദ​ന​മാ​ണ് ര​ണ്ടാ​മ​ത്തെ പു​സ്ത​ക​മെ​ഴു​താ​ൻ പ്രേ​ര​ണ​യാ​യാ​തെ​ന്ന് സി​ദ്ദി​ക്ക് ഹ​സ​ൻ പ​റ​ഞ്ഞു. ലി​പി പ​ബ്ലി​ക്കേ​ഷ​ൻ​സ് പു​റ​ത്തി​റ​ക്കു​ന്ന പു​സ്ത​ക​ത്തി​ൽ കെ. ​കേ​ള​പ്പ​ൻ, മു​ഹ​മ്മ​ദ് അ​ബ്ദു​റ​ഹി​മാ​ൻ സാ​ഹി​ബ്, എ.​കെ.​ജി, വി.​എ​സ്. അ​ച്യു​താ​ന​ന്ദ​ൻ, ഇ.​എം.​എ​സ് തു​ട​ങ്ങി​യ മു​പ്പ​തു​പേ​രു​ടെ പോ​രാ​ട്ട​ങ്ങ​ളു​ടെ ല​ഘു കു​റി​പ്പു​ക​ളാ​ണു​ള്ള​ത്. മു​ൻ​മ​ന്ത്രി​യും മു​ൻ നി​യ​മ​സ​ഭ സ്പീ​ക്ക​റു​മാ​യ പി.​പി. ത​ങ്ക​ച്ച​ന്റേ​താ​ണ് അ​വ​താ​രി​ക.

എ​റ​ണാ​കു​ളം ജി​ല്ല​യി​ലെ പ​ള്ളി​ക്ക​ര സ്വ​ദേ​ശി​യാ​യ സി​ദ്ദി​ക്ക് ഹ​സ​ൻ ക​ഴി​ഞ്ഞ മൂ​ന്നു പ​തി​റ്റാ​ണ്ട് കാ​ല​മാ​യി ഒ​മാ​നി​ലെ സാ​മൂ​ഹി​ക രം​ഗ​ത്തു സ​ജീ​വ​മാ​ണ്. ആ​ദ്യ പു​സ്ത​ക​മാ​യ ‘കേ​ര​ള​ത്തി​ലെ നൂ​റ് ന​വോ​ത്ഥാ​ന നാ​യ​ക​ർ’ എ​ന്ന പു​സ്ത​ക​ത്തി​ന് മ​ദ്രാ​സ് യൂ​നി​വേ​ഴ്‌​സി​റ്റി​യു​ടെ അ​വാ​ർ​ഡ് ല​ഭി​ച്ചു. സ​ബി​ത​യാ​ണ് ഭാ​ര്യ. മു​ഹ​മ്മ​ദ് സു​ഹൈ​ൽ, മു​ഹ​മ്മ​ദ് സാ​ഹി​ൽ എ​ന്നി​വ​രാ​ണ് മ​ക്ക​ൾ.