മ​ഞ്ഞ​ൾ കൃ​ഷി; ദോ​ഫാ​റി​ൽ ര​ണ്ടാം ഘ​ട്ട​ത്തി​ന്​തു​ട​ക്കം

മ​സ്ക​ത്ത്​: ദോ​ഫാ​ർ ഗ​വ​ർ​ണ​റേ​റ്റി​ൽ മ​ഞ്ഞ​ൾ കൃ​ഷി വ്യാ​പി​പ്പി​ക്കു​ന്ന പ​ദ്ധ​തി​യു​ടെ ര​ണ്ടാം ഘ​ട്ട​ത്തി​ന്​ തു​ട​ക്ക​മാ​യി. അ​ഗ്രി​ക​ള്‍ച്ച​ര്‍ ആ​ൻ​ഡ്​ ഫി​ഷ​റീ​സ് ​െഡ​വ​ല​പ്‌​മെ​ന്റ് ഫ​ണ്ടി​ന്റെ പ​ങ്കാ​ളി​ത്ത​ത്തോ​ടെ ദോ​ഫാ​ര്‍ ഗ​വ​ര്‍ണ​റേ​റ്റി​ലെ കാ​ര്‍ഷി​ക, മ​ത്സ്യ​ബ​ന്ധ​ന, ജ​ല​വി​ഭ​വ മ​ന്ത്രാ​ല​യം ഡ​യ​റ​ക്ട​റേ​റ്റ് ജ​ന​റ​ല്‍ ആ​ണ്​ കൃ​ഷി​ക്ക്​ നേ​തൃ​ത്വം ന​ൽ​കു​ന്ന​ത്. ആ​ദ്യ ഘ​ട്ട​ത്തി​ല്‍ 1.4 ഏ​ക്ക​ര്‍ സ്ഥ​ല​ത്ത് ആ​റ് ട​ണ്‍ പു​തി​യ ജൈ​വ മ​ഞ്ഞ​ള്‍ ഉ​ൽ​പാ​ദി​പ്പി​ച്ചു.

ര​ണ്ടാം ഘ​ട്ട​ത്തി​ല്‍ 25 ട​ണ്‍ വ​രെ മ​ഞ്ഞ​ള്‍ വി​ള​വെ​ടു​ക്കാ​ന്‍ സാ​ധി​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. ഇ​തി​ന്‍റെ ഭാ​ഗ​മാ​യി സ്ഥ​ലം ത​യാ​റാ​ക്കു​ന്ന​ത​ട​ക്ക​മു​ള്ള ജോ​ലി​ക​ളി​ൽ ക​ർ​ഷ​ക​ർ ദി​വ​സ​ങ്ങ​ൾ​ക്ക്​ മു​ന്നേ തു​ട​ക്ക​മി​ട്ടി​രു​ന്നു. ആ​ദ്യ ഘ​ട്ട​ത്തി​ൽ, സ​ലാ​ല, താ​ഖ, ധാ​ൽ​കു​ട്ട്, റ​ഖ്യു​ത് എ​ന്നീ നാ​ല് വി​ലാ​യ​ത്തു​ക​ളി​ലാ​യി 12 ഗ്രാ​മ​ങ്ങ​ളാ​ണ് പ​ദ്ധ​തി ന​ട​പ്പാ​ക്കി​യി​രു​ന്ന​ത്. സാ​മ്പ​ത്തി​ക മൂ​ല്യ​മു​ള്ള ത​ന​ത് വി​ള​യാ​യി ഗ​വ​ർ​ണ​റേ​റ്റി​ൽ മ​ഞ്ഞ​ൾ കൃ​ഷി സ്ഥി​ര​പ്പെ​ടു​ത്തു​ന്ന​തി​ന് ക​ർ​ഷ​ക​രെ പ്രോ​ത്സാ​ഹി​പ്പി​ക്കാ​നാ​ണ്​ പ​ദ്ധ​തി ല​ക്ഷ്യം വെ​ക്കു​ന്ന​ത്.