അനധികൃത ഭക്ഷ്യ സംഭരണശാല അടച്ചുപൂട്ടി
text_fieldsഅൽ -അതൈബ ഏരിയയിൽ മസ്കത്ത് മുനിസിപ്പാലിറ്റി നടത്തിയ റെയ്ഡിൽനിന്ന്
മസ്കത്ത്: അൽ -അതൈബ ഏരിയയിൽ അനധികൃതമായി പ്രവർത്തിച്ചിരുന്ന ഭക്ഷ്യ സംഭരണശാല മസ്കത്ത് മുനിസിപ്പാലിറ്റി അടച്ചുപൂട്ടി. മനുഷ്യ ഉപഭോഗത്തിന് യോഗ്യമല്ലാത്ത ഏകദേശം 450 കിലോഗ്രാം ശീതീകരിച്ച ഭക്ഷ്യവസ്തുക്കൾ ഇവിടെനിന്ന് കണ്ടെത്തിയതായും ഉദ്യോഗസ്ഥർ അറിയിച്ചു. അൽ-അതൈബയിലെ റെസിഡൻഷ്യൽ അപ്പാർട്ട്മെന്റിൽ മുനിസിപ്പാലിറ്റി നടത്തിയ റെയ്ഡിലാണ് വൃത്തിഹീനമായ സാഹചര്യത്തിൽ ഭക്ഷ്യ വസ്തുക്കൾ സംഭരിക്കുന്നത് കണ്ടെത്തിയത്.
വാണിജ്യാവശ്യങ്ങൾക്കായി വലിയ അളവിലായിരുന്നു ഇവ സൂക്ഷിച്ചിരുന്നത്. ഇത്തരം നിയമലംഘനങ്ങൾക്കെതിതിരെ ശക്തമായ നടപടികൾ സ്വീകരിക്കുമെന്നും ഭക്ഷ്യസുരക്ഷയും പൊതുജനാരോഗ്യവും ഉറപ്പാക്കുന്നതിനുള്ള മുനിസിപ്പാലിറ്റിയുടെ പ്രതിബദ്ധതയും അധികൃതർ ഊന്നിപ്പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.