വയനാട് ദുരന്തം: ആഘോഷ പരിപാടികൾ റദ്ദാക്കി വടകര സഹൃദയവേദി
text_fieldsമസ്കത്ത്: വടകര സഹൃദയവേദിയുടെ ആഭിമുഖ്യത്തിൽ നടത്താൻ തീരുമാനിച്ചിരുന്ന ഈ വർഷത്തെ എല്ലാ ആഘോഷ പരിപാടികളും റദ്ദാക്കാൻ തീരുമാനിച്ചതായി സംഘാടകർ അറിയിച്ചു. വയനാട്ടിൽ സംഭവിച്ച മഹാദുരന്തത്തിന്റെ പശ്ചാത്തലത്തിലാണ് തീരുമാനം. വടകര സഹൃദയ വേദിയുടെ 10ാം വാർഷിക പരിപാടിയും അതോടൊപ്പം ഓണാഘോഷ പരിപാടികളും നടത്താൻ സംഘടന തീരുമാനിച്ചിരുന്നു. ഈ പരിപാടികളെല്ലാം അടുത്ത വർഷത്തേക്ക് മാറ്റിവെച്ചതായി ഭാരവാഹികൾ അറിയിച്ചു.
വയനാട്, വിലങ്ങാട് മേഖലകളിലുണ്ടായ ഉരുൽപോട്ടലിൽ വലിയ നാശനഷ്ടങ്ങളാണ് സംഭവിച്ചത്. ദുരന്തത്തിൽ ജീവൻ നഷ്ടപ്പെടുകയും നാശനഷ്ടങ്ങൾ നേരിടുകയും ചെയ്ത ജനങ്ങളോട് ആദരവും അനുഭാവവും പ്രകടിപ്പിച്ചുകൊണ്ടാണ് ഈ വർഷത്തെ എല്ലാ ആഘോഷ പരിപാടികളും റദ്ദാക്കാൻ തീരുമാനമെടുത്തതെന്ന് സംഘാടകർ അറിയിച്ചു. അതോടൊപ്പം ദുരന്ത ബാധിതർക്കായി അംഗങ്ങൾ ധനസഹായം സമാഹരിച്ചു നൽകുമെന്നും വടകര സൗഹൃദ വേദി അറിയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.