ഒമാനിലേക്കുള്ള വിസ രഹിത പ്രവേശനം: തീരുമാനം നിലവിൽ വന്നു

മസ്​കത്ത്​: ഇന്ത്യക്കാർ അടക്കം 103 രാജ്യങ്ങളിൽ നിന്നുള്ളവർക്ക്​ ഒമാനിലേക്ക്​ വിസാ രഹിത പ്രവേശനം അനുവദിക്കാനുള്ള തീരുമാനം നിലവിൽ വന്നതായി റോയൽ ഒമാൻ പൊലീസ്​ പാസ്​പോർട്ട്​ ആൻറ്​ റെസിഡൻസ്​ വിഭാഗം അസി.ഡയറക്​ടർ ജനറൽ കേണൽ അലി ബിൻ ഹമദ്​ അൽ സുലൈമാനി വാർത്താ സമ്മേളനത്തിൽ പറഞ്ഞു. വിസാ രഹിത പ്രവേശനം കർശന നിബന്ധനകളോടെയാകും നടപ്പിലാക്കുക. ആരോഗ്യ ഇൻഷൂറൻസ്​, സ്​ഥിരീകരിച്ച ഹോട്ടൽ താമസ രേഖ, റി​േട്ടൺ ടിക്കറ്റ്​ എന്നിവ കൈവശം ഉണ്ടാകണം. പത്ത്​ ദിവസമായിരിക്കും രാജ്യത്ത്​ തങ്ങാൻ അനുമതിയുണ്ടാവുക. കൂടുതൽ ദിവസം തങ്ങുന്നവർക്കെതിരെ നിയമ നടപടി സ്വീകരിക്കുകയും അധികമായി തങ്ങിയ ഒാരോ ദിവസവും പത്ത്​ റിയാൽ എന്ന കണക്കിൽ പിഴ ഇൗടാക്കുകയും ചെയ്യും.