വാ​ദി ക​ബീ​ർ വെ​ടി​വെ​പ്പ്; ഒ​മാ​ൻ ശൂ​റ കൗ​ൺ​സി​ൽ അ​പ​ല​പി​ച്ചു

മ​സ്ക​ത്ത്​: വാ​ദി ക​ബീ​ർ വെ​ടി​വെ​പ്പ്​ സം​ഭ​വ​ത്തി​ൽ ഒ​മാ​ൻ ശൂ​റ കൗ​ൺ​സി​ൽ അ​പ​ല​പി​ച്ചു. മ​രി​ച്ച റോ​യ​ൽ ഒ​മാ​ൻ പൊ​ലീ​സ് ഉ​ദ്യോ​ഗ​സ്ഥ​ൻ യൂ​സ​ഫ് അ​ൽ ന​ദാ​ബി​യു​ടെ കു​ടും​ബ​ത്തി​നും മ​റ്റു​ അ​ഞ്ച് പേ​രു​ടെ കു​ടും​ബ​ങ്ങ​ൾ​ക്കും ശൂ​റ കൗ​ൺ​സി​ൽ അ​ഗാ​ധ​മാ​യ അ​നു​ശോ​ച​ന​വും രേ​ഖ​പ്പെ​ടു​ത്തി.

സം​ഭ​വ​ത്തി​ൽ വി​വി​ധ രാ​ജ്യ​ങ്ങ​ളി​ൽ​നി​ന്നു​ള്ള 28 പേ​ർ​ക്ക് പ​രി​ക്കേ​റ്റു. ഇ​തി​ൽ നാ​ല് ആ​ർ.​ഒ.​പി അം​ഗ​ങ്ങ​ളും സി​വി​ൽ ഡി​ഫ​ൻ​സ് ആ​ൻ​ഡ് ആം​ബു​ല​ൻ​സ് അ​തോ​റി​റ്റി ഉ​ദ്യോ​ഗ​സ്ഥ​രും ഉ​ൾ​പ്പെ​ടു​ന്നു​ണ്ട്. മ​ര​ണ​പ്പെ​ട്ട​വ​ർ​ക്കു​വേ​ണ്ടി പ്രാ​ർ​ഥി​ക്കു​ക​യാ​ണെ​ന്നും സം​ഭ​വ​ത്തി​ൽ പ​രി​ക്കേ​റ്റ എ​ല്ലാ​വ​രും വേ​ഗ​ത്തി​ൽ സു​ഖം പ്രാ​പി​ക്ക​ട്ടെ​യെ​ന്നും പ്ര​സ്താ​വ​ന​യി​ൽ പ​റ​ഞ്ഞു.

സാ​ഹ​ച​ര്യം കൈ​കാ​ര്യം ചെ​യ്യു​ന്ന​തി​ൽ സു​ര​ക്ഷ, സൈ​നി​ക ഏ​ജ​ൻ​സി​ക​ൾ വ​ഹി​ച്ച പ​ങ്കി​നെ​യും പൗ​ര​ന്മാ​രു​ടെ​യും താ​മ​സ​ക്കാ​രു​ടെ​യും സം​ഭാ​വ​ന​ക​ളെ​യും ശൂ​റ കൗ​ൺ​സി​ൽ പ്ര​ശം​സി​ച്ചു. അ​തേ​സ​മ​യം, സം​ഭ​വ​ത്തി​ൽ അ​തൃ​പ്തി രേ​ഖ​പ്പെ​ടു​ത്തി​യ ശൂ​റ കൗ​ൺ​സി​ൽ, ഇ​ത്ത​രം പ്ര​വ​ർ​ത്ത​ന​ങ്ങ​ൾ ഒ​മാ​നി മ​ണ്ണി​ൽ അം​ഗീ​ക​രി​ക്കാ​നാ​വി​ല്ലെ​ന്നും ഊ​ന്നി​പ്പ​റ​ഞ്ഞു.

സു​ൽ​ത്താ​ൻ ഹൈ​തം ബി​ൻ താ​രി​ഖി​ന്‍റെ ജ്ഞാ​ന​പൂ​ർ​വ​ക​മാ​യ നേ​തൃ​ത്വ​ത്തി​ൽ ഒ​മാ​ന്‍റെ സു​ര​ക്ഷ​ക്കും സ്ഥി​ര​ത​ക്കു വേ​ണ്ടി​യു​ള്ള പ്രാ​ർ​ഥ​ന​യോ​ടെ​യാ​ണ് പ്ര​സ്താ​വ​ന അ​വ​സാ​നി​പ്പി​ക്കു​ന്ന​ത്.