വേ​ത​ന സം​ര​ക്ഷ​ണ സം​വി​ധാ​നം; തൊ​ഴി​ലു​ട​മ​ക​ൾ​ക്ക് പ​രാ​തി​ക​ൾ​ സി.​ബി.​ഒ പോ​ർ​ട്ട​ലി​ലൂ​ടെ സ​മ​ർ​പ്പി​ക്കാം

മ​സ്ക​ത്ത്: തൊ​ഴി​ലു​ട​മ​ക​ൾ​ക്ക് വേ​ത​ന സം​ര​ക്ഷ​ണ സം​വി​ധാ​ന​ത്തെ (ഡ​ബ്ല്യു.​പി.​എ​സ്) സം​ബ​ന്ധി​ച്ച പ​രാ​തി​ക​ൾ സെ​ൻ​ട്ര​ൽ ബാ​ങ്ക് ഓ​ഫ് ഒ​മാ​ൻ (സി.​ബി.​ഒ) പോ​ർ​ട്ട​ലി​ലൂ​ടെ സ​മ​ർ​പ്പി​ക്കാ​മെ​ന്ന് ​തൊ​ഴി​ൽ മ​ന്ത്രാ​ല​യം അ​റി​യി​ച്ചു. സി.​ബി.​ഒ​യു​ടെ ഔ​ദ്യോ​ഗി​ക സം​വി​ധാ​നം വ​ഴി ലൈ​സ​ൻ​സു​ള്ള പ്രാ​ദേ​ശി​ക ബാ​ങ്കു​ക​ൾ മു​ഖേ​ന​യാ​ണ് പ​രാ​തി​ക​ൾ സ​മ​ർ​പ്പി​ക്കേ​ണ്ട​ത്. തൊ​ഴി​ൽ​ദാ​താ​ക്ക​ൾ​ക്ക് https://cbo.gov.om/ar വ​ഴി സെ​ൻ​ട്ര​ൽ ബാ​ങ്ക് ഓ​ഫ് ഒ​മാ​നി​ന്റെ പ​രാ​തി സം​വി​ധാ​ന​ത്തി​ലേ​ക്ക് പ്ര​വേ​ശി​ക്കാ​ൻ സാ​ധി​ക്കു​ന്ന​താ​ണെ​ന്നും അ​ധി​കൃ​ത​ർ വ്യ​ക്ത​മാ​ക്കി.

ബാ​ങ്കു​ക​ൾ വ​ഴി​യോ അ​ല്ലെ​ങ്കി​ൽ സേ​വ​നം ന​ൽ​കാ​ൻ അം​ഗീ​കൃ​ത​വും അം​ഗീ​കാ​ര​മു​ള്ള​തു​മാ​യ ധ​ന​കാ​ര്യ സ്ഥാ​പ​ന​ങ്ങ​ൾ വ​ഴി​യോ തൊ​ഴി​ലാ​ളി​ക​ളു​ടെ വേ​ത​നം ന​ൽ​കാ​ൻ ക​മ്പ​നി​ക​ളെ അ​നു​വ​ദി​ക്കു​ന്ന ഇ​ല​ക്ട്രോ​ണി​ക് ശ​മ്പ​ള കൈ​മാ​റ്റ സം​വി​ധാ​ന​മാ​ണ് ഡ​ബ്ല്യു.​പി.​എ​സ്. തൊ​ഴി​ൽ മ​ന്ത്രാ​ല​യം സെ​ൻ​ട്ര​ൽ ബാ​ങ്കു​മാ​യി സ​ഹ​ക​രി​ച്ചാ​ണ്​ ഈ ​സം​വി​ധാ​നം ഒ​രു​ക്കി​യി​രി​ക്കു​ന്ന​ത്. തൊ​ഴി​ലാ​ളി​ക​ളു​ടെ ശ​മ്പ​ളം അ​വ​രു​ടെ ബാ​ങ്ക് അ​ക്കൗ​ണ്ടു​ക​ളി​ലേ​ക്ക് ട്രാ​ൻ​സ്ഫ​ർ ചെ​യ്യു​ന്ന​തി​ലൂ​ടെ ക​മ്പ​നി​ക​ൾ തൊ​ഴി​ൽ നി​യ​മ​ങ്ങ​ൾ പാ​ലി​ക്കു​ന്നു​ണ്ടെ​ന്ന് ഉ​റ​പ്പാ​ക്കാ​ൻ സ​ഹാ​യി​ക്കു​ന്ന​താ​ണി​ത്.

സ്വ​കാ​ര്യ മേ​ഖ​ല​യി​ലെ ജീ​വ​ന​ക്കാ​രു​ടെ ശ​മ്പ​ള​ത്തി​ന്റെ കൃ​ത്യ​മാ​യ ഡാ​റ്റാ​ബേ​സ് സ്ഥാ​പി​ക്കു​ന്ന​തി​നും ല​ക്ഷ്യ​മി​ട്ടു​ള്ള സാ​മ്പ​ത്തി​ക പ​രി​ഷ്ക​ര​ണ​ത്തി​ന്റെ സു​പ്ര​ധാ​ന ഘ​ട​ക​മാ​യി ഡ​ബ്ല്യു.​പി.​എ​സി​​നെ ക​ണ​ക്കാ​ക്കു​ന്നു. ഈ ​സം​വി​ധാ​നം സു​സ്ഥി​ര​മാ​യ തൊ​ഴി​ലു​ട​മ-​തൊ​ഴി​ലാ​ളി ബ​ന്ധം പ്രോ​ത്സാ​ഹി​പ്പി​ക്കു​ക​യും ഉ​ൽ​പാ​ദ​ന​ക്ഷ​മ​ത വ​ർ​ധി​പ്പി​ക്കു​ക​യും ചെ​യ്യും. വേ​ത​ന​വു​മാ​യി ബ​ന്ധ​പ്പെ​ട്ട പ്ര​ശ്ന​ങ്ങ​ൾ കു​റ​ക്കാ​നും സ​ഹാ​യി​ക്കും.

തൊ​ഴി​ലാ​ളി​ക​ളു​ടെ വേ​ത​നം നി​ശ്ചി​ത തീ​യ​തി​യു​ടെ ഏ​ഴ് ദി​വ​സ​ത്തി​നു​ള്ളി​ൽ ബാ​ങ്കു​ക​ളി​ലേ​ക്ക് മാ​റ്റാ​ൻ തൊ​ഴി​ലു​ട​മ ബാ​ധ്യ​സ്ഥ​നാ​ണ്. തൊ​ഴി​ലാ​ളി​ക​ളു​ടെ വേ​ത​ന​ത്തി​ൽ എ​ന്തെ​ങ്കി​ലും മാ​റ്റം വ​രു​മ്പോ​ൾ തൊ​ഴി​ലു​ട​മ മ​ന്ത്രാ​ല​യ​വു​മാ​യു​ള്ള തൊ​ഴി​ൽ ക​രാ​റു​ക​ൾ അ​പ്‌​ഡേ​റ്റ് ചെ​യ്യു​ക​യും ​വേ​ണം. എ​ന്നാ​ൽ ചി​ല സ​ന്ദ​ർ​ഭ​ങ്ങ​ളി​ൽ ഡ​ബ്ല്യു.​പി.​എ​സി​ലൂ​ടെ തൊ​ഴി​ലാ​ളി​യു​ടെ വേ​ത​നം കൈ​മാ​റ്റം ചെ​യ്യു​ന്ന​തി​ൽ നി​ന്ന് തൊ​ഴി​ലു​ട​മ​യെ ഒ​ഴി​വാ​ക്കി​യി​ട്ടു​ണ്ട്. അ​വ താ​​ഴെ കൊ​ടു​ക്കു​ന്നു.

തൊ​ഴി​ലാ​ളി​യും ഉ​ട​മ​യും ത​മ്മി​ലു​ള്ള തൊ​ഴി​ൽ ത​ർ​ക്ക​വും (ജൂ​ഡീ​ഷ്യ​ൽ) അ​ത് തൊ​ഴി​ലാ​ളി​യു​ടെ ജോ​ലി നി​ർ​ത്തു​ന്ന​തി​ന് കാ​ര​ണ​മാ​കു​ക​യും ചെ​യ്യു​ക, നി​യ​മ​പ​ര​മാ​യ സാ​ധു​ത​യി​ല്ലാ​തെ തൊ​ഴി​ലാ​ളി സ്വ​മേ​ധ​യാ ജോ​ലി ഉ​പേ​ക്ഷി​ക്കു​ക, ജോ​ലി ആ​രം​ഭി​ച്ച തീ​യ​തി മു​ത​ൽ 30 ദി​വ​സം പൂ​ർ​ത്തി​യാ​ക്കാ​ത്ത പു​തി​യ തൊ​ഴി​ലാ​ളി​ക​ൾ, ശ​മ്പ​ള​മി​ല്ലാ​തെ അ​വ​ധി​യി​ൽ ക​ഴി​യു​ന്ന തൊ​ഴി​ലാ​ളി​ക​ൾ, അ​തേ​സ​മ​യം, തൊ​ഴി​ൽ മ​ന്ത്രാ​ല​യം പു​റ​പ്പെ​ടു​വി​ച്ച വേ​ത​ന സം​ര​ക്ഷ​ണ സം​വി​ധാ​ന​ത്തി​ന്റെ (ഡ​ബ്ല്യു.​പി.​എ​സ്) മാ​ർ​ഗ​നി​ർ​ദേ​ശ​ങ്ങ​ൾ പാ​ലി​ക്കാ​ത്ത 57,398 സ്വ​കാ​ര്യ സ്ഥാ​പ​ന​ങ്ങ​ൾ​ക്കെ​തി​രെ മു​ന്ന​റി​യി​പ്പ് ന​ൽ​കി​യി​രു​ന്നു.

ഡ​ബ്ല്യു.​പി.​എ​സ് ​സം​വി​ധാ​നം ന​ട​പ്പാ​ക്കി​യി​ട്ട് ഒ​രു വ​ർ​ഷം തി​ക​യു​ന്ന പ​ശ്ചാ​ത്ത​ല​ത്തി​ലാ​ണ് മ​ന്ത്രാ​ല​യം മു​ന്ന​റി​യി​പ്പു​മാ​യി എ​ത്തി​യി​രു​ന്ന​ത്. വേ​ജ് പ്രൊ​ട്ട​ക്ഷ​ൻ സി​സ്റ്റം (ഡ​ബ്ല്യു.​പി.​എ​സ്) വ​ഴി ജീ​വ​ന​ക്കാ​രു​ടെ ശ​മ്പ​ളം കൈ​മാ​റി​യി​ട്ടി​ല്ലെ​ങ്കി​ൽ 50 റി​യാ​ൽ പി​ഴ​ചു​മ​ത്തും. ആ​ദ്യം മു​ന്ന​റി​യി​പ്പും പ്രാ​രം​ഭ വ​ർ​ക്ക് പെ​ർ​മി​റ്റ് ന​ൽ​കു​ന്ന സേ​വ​ന​വും താ​ൽ​ക്കാ​ലി​ക​മാ​യി നി​ർ​ത്തി​വെ​ക്കും. പി​ന്നീ​ടാ​ണ്​ പി​ഴ ചു​മ​ത്തു​ക. തെ​റ്റ്​ ആ​വ​ർ​ത്തി​ക്കു​ക​യാ​ണെ​ങ്കി​ൽ പി​ഴ ഇ​ര​ട്ടി​യാ​ക്കു​ക​യും ചെ​യ്യും.