സു​ൽ​ത്താ​ന് ആ​ശം​സ​ക​ൾ നേ​ർ​ന്നു

മ​സ്ക​ത്ത്​: രാ​ജ്യ​ത്തി​ന്‍റെ 54ാം ദേ​ശീ​യ​ദി​നാ​ഘോ​ഷ​ത്തി​ന്‍റെ ഭാ​ഗ​മാ​യി വി​വി​ധ ലോ​ക​നേ​താ​ക്ക​ൾ, രാ​ജാ​ക്ക​ൻ​മാ​ർ, മു​തി​ർ​ന്ന ഉ​ദ്യോ​ഗ​സ്ഥ​ർ എ​ന്നി​വ​ർ സു​ൽ​ത്താ​ൻ ഹൈ​തം ബി​ൻ താ​രി​ഖി​ന്​ ആം​ശ​സ​ക​ൾ നേ​ർ​ന്നു. സു​ൽ​ത്താ​ന്‍റെ വി​വേ​ക​പൂ​ർ​ണ​മാ​യ ഭ​ര​ണ​ത്തി​നു​​കീ​ഴി​ൽ രാ​ജ്യം കൈ​വ​രി​ച്ച നേ​ട്ട​ങ്ങ​ളെ അ​ഭി​ന​ന്ദി​ക്കും സു​ൽ​ത്താ​നും ഒ​മാ​നി​ലെ ജ​ന​ങ്ങ​ൾ​ക്കും കൂ​ടു​ത​ൽ ന​ന്മ​ക​ൾ കൈ​വ​രി​ക്ക​ട്ടെ​യെ​ന്നും ആം​ശ​സ സ​ന്ദേ​ശ​ത്തി​ൽ നേ​താ​ക്ക​ൾ പ​റ​ഞ്ഞു.

ദേ​ശീ​യ ദി​നം ആ​ഘോ​ഷി​ക്കു​ന്ന സൗ​ഹൃ​ദ രാ​ഷ്​​ട്ര​മാ​യ​ ഒ​മാ​ന്​ ഖ​ത്ത​ർ അ​മീ​ർ​ശൈ​ഖ്​ ത​മീം ബി​ൻ ഹ​മ​ദ്​ ആ​ൽ​ ഥാ​നി ആ​ശം​സ​ നേ​ർ​ന്നു. കു​വൈ​ത്ത് അ​മീ​ർ ശൈ​ഖ് മി​ശ്അ​ൽ അ​ൽ അ​ഹ് മ​ദ് അ​ൽ ജാ​ബി​ർ അ​സ്സ​ബാ​ഹ്, കി​രീ​ടാ​വ​കാ​ശി ശൈ​ഖ് സ​ബാ​ഹ് ഖാ​ലി​ദ് അ​ൽ ഹ​മ​ദ് അ​ൽ മു​ബാ​റ​ക് അ​സ്സ​ബാ​ഹ്, പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് അ​ബ്ദു​ല്ല അ​ൽ അ​ഹ് മ​ദ് അ​സ്സ​ബാ​ഹ് എ​ന്നി​വ​രും ആ​ശം​സ സ​ന്ദേ​ശ​മ​യ​ച്ചു.

കു​വൈ​ത്തും ഒ​മാ​നും ത​മ്മി​ലു​ള്ള ദൃ​ഢ​വും ച​രി​ത്ര​പ​ര​വു​മാ​യ ബ​ന്ധ​ത്തെ​യും സു​ൽ​ത്താ​ന്‍റെ ജ്ഞാ​ന​പൂ​ർ​വ​ക​മാ​യ നേ​തൃ​ത്വ​ത്തി​ൽ ഒ​മാ​ൻ കൈ​വ​രി​ച്ച മി​ക​ച്ച നേ​ട്ട​ങ്ങ​ളെ​യും സ​ന്ദേ​ശ​ത്തി​ൽ അ​മീ​ർ അ​ഭി​ന​ന്ദി​ച്ചു. ഒ​മാ​ൻ സു​ൽ​ത്താ​ന് ന​ല്ല ആ​രോ​ഗ്യ​വും അ​ദ്ദേ​ഹ​ത്തി​ന്‍റെ നേ​തൃ​ത്വ​ത്തി​നു​കീ​ഴി​ൽ ഒ​മാ​ന് കൂ​ടു​ത​ൽ പു​രോ​ഗ​തി​യും സ​മൃ​ദ്ധി​യും ഉ​ണ്ടാ​ക​ട്ടെ​യെ​ന്നും അ​മീ​ർ ആ​ശം​സി​ച്ചു.

ഒ​മാ​ൻ സു​ൽ​ത്താ​ന് ആ​യൂ​രാരോ​ഗ‍്യ​ങ്ങ​ൾ നേ​ർ​ന്ന കി​രീ​ടാ​വ​കാ​ശി രാ​ജ്യ​ത്ത് കൂ​ടു​ത​ൽ സ​മൃ​ദ്ധി​കൈ​വ​ര​ട്ടെ​യെ​ന്നും സൂ​ചി​പ്പി​ച്ചു. പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് അ​ബ്ദു​ല്ല അ​ൽ അ​ഹ് മ​ദ് അ​സ്സ​ബാ​ഹും സ​ന്ദേ​ശ​ത്തി​ൽ സ​മാ​ന​മാ​യ ആ​ശം​സ​ക​ൾ നേ​ർ​ന്നു.

ഒ​മാ​നി​ലെ രാ​ജ​കു​ടും​ബാം​ഗ​ങ്ങ​ൾ, മ​ന്ത്രി​മാ​ർ, സു​ൽ​ത്താ​ന്‍റെ സാ​യു​ധ സേ​നാ ക​മാ​ൻ​ഡ​ർ​മാ​ർ, റോ​യ​ൽ ഒ​മാ​ൻ പൊ​ലീ​സ്, ശൂ​റ സൗ​ൺ​സി​ൽ അം​ഗ​ങ്ങ​ൾ മ​റ്റ് സു​ര​ക്ഷാ ഉ​ദ്യോ​ഗ​സ്ഥ​ർ, ഒ​മാ​നി അം​ബാ​സ​ഡ​ർ​മാ​ർ, ശൈ​ഖു​മാ​ർ തു​ട​ങ്ങി​യ​വ​രി​ൽ​നി​ന്നു​ള്ള ആ​ശം​സ സ​​​ന്ദേ​ശ​ങ്ങ​ളും സു​ൽ​ത്താ​ന്​ ല​ഭി​ച്ചു.