ലോ​ക​ക​പ്പ് ഫു​ട്ബാ​ൾ യോ​ഗ്യ​ത; ഒ​മാ​ന് ഇ​നി ജീ​വ​ന്മര​ണ​പേ​രാ​ട്ടം

മ​സ്ക​ത്ത്: ലോ​ക​ക​പ്പ് ഫു​ട്ബാ​ൾ ​​യോ​ഗ്യ​ത മ​ത്സ​ര​ങ്ങ​ളി​ലെ മൂ​ന്നാം റൗ​ണ്ടി​ലെ നി​ർ​ണാ​യ​ക മ​ത്സ​ര​ത്തി​ൽ ഇ​റാ​ഖി​നോ​ട് ഏ​ക​പ​ക്ഷീ​യ​മാ​യ ഒ​രു ഗോ​ളി​ന് തോ​റ്റ​തോ​ടെ ലോ​ക​ക​പ്പി​ന് ഗ്രൂ​പ്പി​ൽ​നി​ന്ന് നേ​രി​ട്ട് യോ​ഗ്യ​ത നേ​ടാ​മെ​ന്നു​ള്ള ഒ​മാ​ന്റെ സ്വ​പ്ന​ങ്ങ​ൾ​ക്ക് ഏ​റെ​ക്കു​റെ അ​വ​സാ​ന​മാ​യി. വി​ജ​യ​ത്തോ​ടെ 11 പോ​യ​ന്റു​മാ​യി ഗ്രൂ​പ്പി​ൽ ര​ണ്ടാം സ്ഥാ​ന​ത്തെ​ത്താ​നും ഇ​റാ​ഖി​നാ​യി. ഗ്രൂ​പ്പി​ലെ എ​ല്ലാ ടീ​മു​ക​ളും ആ​റ് മ​ത്സ​ര​ങ്ങ​ൾ പൂ​ർ​ത്തി​യാ​ക്കി​യ​പ്പോ​ൾ 14 പോ​യ​ന്റു​മാ​യി ഒ​ന്നാം സ്ഥാ​ന​ത്ത് ദ​ക്ഷി​ണ കൊ​റി​യ​യാ​ണ്.

ഒ​മ്പ​തു​​പോ​യ​ന്റു​മാ​യി ജോ​ർ​ഡ​ൻ മൂ​ന്നാം സ്ഥാ​ന​ത്തും ആ​റ് പോ​യ​ന്റു​ള്ള ഒ​മാ​ൻ നാ​ലാം സ്ഥാ​ന​ത്തു​മാ​ണ്. ഫ​ല​സ്തീ​ൻ, കു​വൈ​ത്ത് ടീ​മു​ക​ളാ​ണ് യ​ഥാ​ക്ര​മം അ​ഞ്ചും ആ​റും സ്ഥാ​ന​ങ്ങ​ളി​ൽ. ഗ്രൂ​പ്പി​ൽ​നി​ന്ന് ആ​ദ്യ ര​ണ്ടു സ്ഥാ​ന​ക്കാ​ർ നേ​രി​ട്ട് ലോ​ക​ക​പ്പി​ന് യോ​ഗ്യ​ത നേ​ടും. മൂ​ന്നും നാ​ലും സ്ഥാ​ന​ത്തു​ള്ള​വ​ർ യോ​ഗ്യ​ത മ​ത്സ​ര​ങ്ങ​ളി​ലെ അ​ടു​ത്ത റൗ​ണ്ടി​ലേ​ക്ക് അ​ർ​ഹ​ത നേ​ടും. ഓ​രോ ടീ​മു​ക​ൾ​ക്കും നാ​ലു വീ​തം മ​ത്സ​ര​ങ്ങ​ൾ ബാ​ക്കി​യു​ള്ള​പ്പോ​ൾ ദ​ക്ഷി​ണ കൊ​റി​യ ഒ​ന്നാം സ്ഥാ​നം ഉ​റ​പ്പി​ച്ച് ലോ​ക​ക​പ്പി​ന് യോ​ഗ്യ​ത നേ​ടി​ക്ക​ഴി​ഞ്ഞു. ര​ണ്ടാം സ്ഥാ​ന​ത്തി​നാ​യി ഇ​റാ​ഖും ജോ​ർ​ഡ​നും ഇ​ഞ്ചോ​ടി​ഞ്ച് പോ​രാ​ട്ട​മാ​ണ് ന​ട​ക്കു​ന്ന​ത്.

അ​തു​കൊ​ണ്ട് മൂ​​ന്നോ നാ​ലോ സ്ഥാ​ന​ത്തെ​ത്തി അ​ടു​ത്ത റൗ​ണ്ടി​ന് യോ​ഗ്യ​ത നേ​ടാ​നാ​യി​രി​ക്കും ഒ​മാ​ൻ ശ്ര​മി​ക്കു​ക. എ​ന്നാ​ൽ, അ​തും ഏ​റക്കു​റെ ദു​ഷ്‌​ക​ര​മാ​ണ്. ഇ​നി​യു​ള്ള നാ​ല് മ​ത്സ​ര​ങ്ങ​ൾ ജ​യി​ക്കു​ക എ​ന്ന​ത് നി​ല​വി​ലെ ഫോ​മി​ൽ ക​ഠി​ന​മാ​ണ്. മ​ത്സ​ര​ങ്ങ​ളി​ൽ മൂ​ന്നും എ​വേ മാ​ച്ചു​ക​ൾ ആ​ണെ​ന്ന​താ​ണ് ഒ​മാ​നെ കു​ഴ​ക്കു​ന്ന​​ത്. ബാ​ക്കി​യു​ള്ള ഒ​രു ഹോം ​മാ​ച്ച് ക​രു​ത്ത​രാ​യ ജോ​ർ​ഡ​നെ​തി​രെ​യു​മാ​ണ്. അ​തെ​സ​മ​യം ഫ​ല​സ്തീ​ൻ, കു​വൈ​ത്ത് ടീ​മു​ക​ൾ​ക്കെ​തി​രാ​യ എ​വേ മ​ത്സ​ര​ങ്ങ​ൾ ജ​യി​ക്കാം എ​ന്നു​ള്ള പ്ര​തീ​ക്ഷ​യാ​ണ്. ഫ​ല​സ്തീ​നെ പൂ​ർ​ണ​മാ​യും അ​വ​ഗ​ണി​ക്കാ​നും ക​ഴി​യി​ല്ല.

ദ​ക്ഷി​ണ കൊ​റി​യ പോ​ലു​ള്ള ടീ​മു​ക​ളെ സ​മ​നി​ല​യി​ൽ ത​ള​ച്ചാ​ണ് ഫ​ല​സ്തീ​ൻ മു​ന്നേ​റു​ന്ന​ത്. നീ​ണ്ട മൂ​ന്നു മാ​സ​ത്തെ ഇ​ട​വേ​ള​ക്കു ശേ​ഷം ഒ​മാ​ന്റെ അ​ടു​ത്ത മ​ത്സ​രം അ​ടു​ത്ത മാ​ർ​ച്ച് 20ന് ​ദ​ക്ഷി​ണ കൊ​റി​യ​ക്ക് എ​തി​രെ​യാ​ണ്. 25ന് ​കു​വൈ​ത്തു​മാ​യും ജൂ​ൺ അ​ഞ്ചി​ന് ജോ​ർ​ഡ​നു​മാ​യും പ​ത്തി​ന് ഫ​ല​സ്തീ​നു​മാ​യും ഏ​റ്റു​മു​ട്ടും. ഇ​നി​യു​ള്ള മ​ത്സ​ര​ങ്ങ​ളി​ൽ ജീ​വ​ന്മ​ര​ണ പോ​രാ​ട്ടം കാ​ഴ്ച​വെ​ച്ചാ​ൽ മാ​ത്ര​മേ ഒ​മാ​ന് ലോ​ക​ക​പ്പ് ഫൈ​ന​ൽ റൗ​ണ്ട് പ്ര​വേ​ശ​നം സാ​ധ്യ​മാ​കൂ. ക​ളി​ക്കാ​രെ​ല്ലാം ക്ഷീ​ണി​ത​രാ​ണെ​ന്നും മൂ​ന്നു മാ​സ​ക്കാ​ലം കൊ​ണ്ട് കൂ​ടു​ത​ൽ സ​ജ്ജ​രാ​യി മ​ത്സ​ര​ങ്ങ​ൾ​ക്ക് ത​യാ​റാ​യി കൂ​ടു​ത​ൽ ക​രു​ത്തോ​ടെ തി​രി​ച്ചു​വ​രു​മെ​ന്നും കോ​ച്ച് റാ​ഷി​ദ് ജാ​ബി​ർ മ​ത്സ​ര ശേ​ഷം മാ​ധ്യ​മ പ്ര​വ​ർ​ത്ത​ക​രോ​ട് പ​റ​ഞ്ഞു.

ചെ​ഞ്ചാ​യ​മ​ണി​യി​ച്ച് കാ​ണി​ക​ൾ; പ​രു​ക്ക​ൻ അ​ട​വു​മാ​യി ക​ളി​ക്കാ​ർ

ദേ​ശീ​യ ദി​നാ​ഘോ​ഷ ആ​വേ​ശ​ത്തി​ൽ​ത്ത​ന്നെ ന​ട​ന്ന മ​ത്സ​ര​ത്തി​ൽ സു​ൽ​ത്താ​ൻ ഖാ​ബു​സ് സ്റ്റേ​ഡി​യ​ത്തി​ലേ​ക്ക് ഒ​ഴു​കി​യ​ത് ഏ​ക​ദേ​ശം 27,000 കാ​ണി​ക​ൾ. ഇ​തി​ൽ പ്ര​വാ​സി​ക​ളാ​യ 3000ത്തോ​ളം ഇ​റാ​ഖി​ക​ളും ഉ​ണ്ടാ​യി​രു​ന്നു. കൊ​ടി​ക​ളൂം തോ​ര​ണ​ങ്ങ​ളു​മാ​യി വ​ന്ന ഓ​രോ സ്വ​ദേ​ശി​യും ടീം ​വി​ജ​യി​ക്കു​മെ​ന്ന വി​ശ്വാ​സ​ത്തി​ലാ​യി​രു​ന്നു. എ​ന്നാ​ൽ, ക​ളി ആ​രം​ഭി​ച്ച​പ്പോ​ൾ ത​ന്നെ പ​രു​ക്ക​ൻ അ​ട​വു​ക​ളാ​ണ് ഇ​റാ​ഖ് കാ​ഴ്ച​വെ​ച്ച​ത്. 26 ഫൗ​ളു​ക​ളാ​ണ് ഇ​റാ​ഖി താ​ര​ങ്ങ​ൾ ഒ​മാ​നെ​തി​രെ എ​ടു​ത്ത​ത്.

മൂ​ന്ന് ക​ളി​ക്കാ​ർ മ​ഞ്ഞ കാ​ർ​ഡും ക​ണ്ടു. ഗോ​ൾ നേ​ടി​യ​തോ​ടെ ഇ​റാ​ഖ് കൂ​ടു​ത​ൽ പ്ര​തി​രോ​ധ​ത്തെ ആ​ശ്ര​യി​ച്ചു. അ​ത് ക​ളി കൂ​ടു​ത​ൽ പ​രു​ക്ക​നാ​ക്കി. മ​ത്സ​രം അ​വ​സാ​നി​ച്ച​തോ​ടെ ക​ളി​ക്കാ​ർ ത​മ്മി​ൽ പ​ര​സ്പ​രം ആ​ലിം​ഗ​നം ചെ​യ്യു​ക​യോ ആ​ശ്വ​സി​പ്പി​ക്കു​ക​യോ ഉ​ണ്ടാ​യി​ല്ല എ​ന്ന് മാ​ത്ര​മ​ല്ല, വാ​ക്കേ​റ്റം കൈയാങ്ക​ളി​യു​ടെ വ​ക്കി​ൽ എ​ത്തി​യ​പ്പോ​ൾ ഒ​ഫി​ഷ്യ​ൽ​സ് ഇ​ട​പെ​ട്ട് ക​ളി​ക്കാ​രെ പി​ന്തി​രി​പ്പി​ക്കു​ക​യാ​യി​രു​ന്നു.

കാ​ണി​ക​ൾ​ക്ക് ഒ​മാ​ന്റെ തോ​ൽ​വി വ​ലി​യ തോ​തി​ലു​ള്ള നി​രാ​ശ​യാ​ണ് സ​മ്മാ​നി​ച്ച​ത്. അ​തെ​സ​മ​യം ത​ങ്ങ​ളു​ടെ മാ​തൃ​രാ​ജ്യം ഒ​മാ​നെ പ​രാ​ജ​യ​പ്പെ​ടു​ത്തി​യ​ത് ഇ​റാ​ഖി ആ​രാ​ധ​ക​രെ ആ​വേ​ശം കൊ​ള്ളി​ച്ചു. ഇ​നി മൂ​ന്നു മാ​സ​ത്തി​നു ശേ​ഷ​മാ​ണ് ഗ്രൂ​പ്പി​ലെ ര​ണ്ടാം ഘ​ട്ട യോ​ഗ്യ​ത മ​ത്സ​ര​ങ്ങ​ൾ ന​ട​ക്കു​ക.