തി​രു​മ്പി വ​ന്തി​ട്ടേ, ആ​രാ​ധ​ക​ർ ഹാ​പ്പി​യാ​ണ്

മ​സ്ക​ത്ത്: ലോ​ക​ക​പ്പ് ഫു​ട്ബാ​ൾ യോ​ഗ്യ​ത മൂ​ന്നാം റൗ​ണ്ടി​ലെ നി​ർ​ണാ​യ മ​ത്സ​ര​ത്തി​ൽ കു​വൈ​ത്തി​നെ​തി​​രെ നേ​ടി​യ മി​ന്നും വി​ജ​യം ഒ​മാ​ന്റെ ആ​ത്മവി​ശ്വാ​സം വ​ർ​ധി​പ്പി​ക്കും. സ്വ​ന്തം ത​ട്ട​ക​ത്തി​ൽ പു​തി​യ കോ​ച്ച് ജാ​ബി​ർ റ​ഷീ​ദി​നു കീ​ഴി​ൽ ക​ളി​ക്കാ​നി​റ​ങ്ങു​​​​മ്പോ​ൾ വി​ജ​യ​ത്തി​ൽ കു​റ​ഞ്ഞ​തൊ​ന്നും ഒ​മാ​ൻ ചി​ന്തി​ച്ചി​രു​ന്നി​ല്ല.

ഗോ​ൾ വ​ര​ൾ​ച്ച​ക്ക് അ​റു​തി​വ​രു​ത്തി റെ​ഡ്‍വാ​രി​യേ​ഴ്സ് നാ​ലു ത​വ​ണ​യാ​ണ് എ​തി​രാ​ളി​ക​ളു​ടെ വ​ല​കു​ലു​ക്കി​യ​ത്. ടീം ​ന​ട​ത്തി​യ ത​ക​ർ​പ്പ​ൻ പ്ര​ക​ട​ന​ത്തി​ൽ ആ​രാ​ധ​ക​ക്കൂ​ട്ട​വും സ​ന്തോ​ഷ​ത്തി​ലാ​ണ്. തീ​ർ​ച്ച​യാ​യും ഈ ​പ്ര​ക​ട​ന​വു​മാ​യി മു​ന്നോ​ട്ടു​പോ​കു​ക​യാ​ണെ​ങ്കി​ൽ ലോ​ക​ക​പ്പ് യോ​ഗ്യ​ത​യെ​ന്ന സ്വ​പ്നം സാ​ക്ഷാ​ത്ക​രി​ക്കാ​ൻ ക​ഴി​യു​മെ​ന്ന ആ​ത്മ വി​ശ്വാ​സ​ത്തോ​ടെ​യാ​ണ് ഇ​ന്ന​ലെ ആ​രാ​ധ​ക​ർ ഗ്രൗ​ണ്ട് വി​ട്ട​ത്. ചു​മ​ത​ല​യേ​റ്റെ​ടു​ത്ത് കു​റ​ഞ്ഞ ദി​വ​സ​ങ്ങ​ൾ​ക്കു​ള്ളി​ൽ​ത​ന്നെ ടീ​മി​ന്റെ മ​നോ​വീ​ര്യം ഉ​യ​ർ​ത്തു​ന്ന​തി​നാ​യി​രു​ന്നു കോ​ച്ച് മു​ൻ​ഗ​ണ​ന ന​ൽ​കി​യി​രു​ന്ന​ത്. ഇ​ത് വി​ജ​യം ക​ണ്ടു​ എ​ന്നാ​ണ് ഇ​ന്ന​ല​ത്തെ ക​ളി സാ​ക്ഷ്യ​പ്പെ​ടു​ത്തു​ന്ന​ത്.

തു​ട​ക്കം മു​ത​ൽ അ​വ​സാ​ന നി​മി​ഷം വ​രെ എ​തി​രാ​ളി​ക​ളു​ടെ മേ​ൽ സ​മ്പൂ​ർ​ണ ആ​ധിപ​ത്യ​മാ​യി​രു​ന്നു ടീം ​പു​ല​ർ​ത്തി​യി​രു​ന്ന​ത്. ഒ​പ്പം മു​ന്നേ​റ്റ നി​ര​യും ത​ക​ർ​പ്പ​ൻ പ്ര​ക​ട​നം കാ​ഴ്ച​വെ​ച്ച​പ്പോ​ൾ ഒ​മാ​ന്റെ വി​ജ​യ ച​രി​ത്ര​ത്തി​ൽ​ത​​ന്നെ പു​തി​യ ഏ​ട് എ​ഴു​തി​ച്ചേ​ർ​ക്കു​ന്ന​താ​യി കു​വൈ​ത്തി​നെ​തി​രെ​യു​ള്ള മ​ത്സ​രം. അ​തേ​സ​മ​യം, ഈ ​മ​ത്സ​ര വി​ജ​യ​ത്തി​ൽ ആ​ല​സ്യം കാ​ണി​ക്കു​ന്നി​ല്ലെ​ന്നും വ​ലി​യ ക​ട​മ്പ​ക​ൾ ഇ​നി​യും നേ​ട​ാനു​ണ്ടെ​ന്നാ​ണ് കോ​ച്ച് ജാ​ബി​ർ റ​ഷീ​ദ് മ​ത്സ​രം ശേ​ഷം ന​ട​ത്തി​യ വാ​ർ​ത്താസ​മ്മേ​ള​ന​ത്തി​ൽ പ​റ​ഞ്ഞ​ത്.

ക​ഴി​ഞ്ഞ ദി​വ​സം ബൗ​ശ​ർ സു​ൽ​ത്താ​ൻ ഖാ​ബൂ​സ് സ്പോ​ർ​ട്സ് കോം​പ്ല​ക്സി​ൽ ന​ട​ന്ന മ​ത്സ​ര​ത്തി​ൽ ഇ​രു​പ​കു​തി​ക​ളി​ലു​മാ​യി അ​ബ്ദു​ൽ റ​ഹ്മാ​ൻ അ​ൽ മു​ഷൈ​ഫ്രി (17,58), മു​ഹ്സി​ൻ അ​ൽ​ഹ​സാ​നി (30), അ​ബ്ദു​ല്ല ഫ​വാ​സ് (79) എ​ന്നി​വ​രാ​യി​രു​ന്നു സു​ൽ​ത്താ​നേ​റ്റി​നു​​വേ​ണ്ടി വ​ല കു​ലു​ക്കി​യ​ത്. ആ​ദ്യ മി​നി​റ്റ് മു​ത​ൽ ഇ​ട​തു​വ​ല​തു വി​ങ്ങു​ക​ളി​ലൂ​ടെ ആ​ക്ര​മ​ണം ശ​ക്ത​മാ​ക്കി​യ ഒ​മാ​ൻ, കു​​വൈ​ത്ത് പ്ര​തി​രോ​ധ​നി​ര​യെ നി​ര​ന്ത​രം പ​രീ​ക്ഷി​ച്ചി​രു​ന്നെ​ങ്കി​ലും ഗോ​ൾ മാ​ത്രം നേ​ടാ​നാ​യി​ല്ല.

ഒ​ടു​വി​ൽ 17ാം മി​നി​റ്റി​ൽ ഗ്രൗ​ണ്ടി​ന്റെ മ​ധ്യ ഭാ​ഗ​ത്തു​നി​ന്ന് നീ​ട്ടി​ക്കി​ട്ടി​യ പ​ന്തു​മാ​യി കു​തി​ച്ച അ​ബ്ദു​ൽ റ​ഹ്മാ​ൻ അ​ൽ മു​ഷൈ​ഫ്രി ഒ​മാ​ന് ലീ​ഡ് നേ​ടി​ക്കൊടു​ത്തു. ഗോ​ൾ നേ​ടി​യ​തോ​ടെ കൂ​ടു​ത​ൽ ഉ​ണ​ർ​ന്നു ക​ളി​ക്കു​ന്ന ഒ​മാ​നെ​യാ​ണ് പി​ന്നീ​ട് ക​ണ്ട​ത്. ഇ​തോ​ടെ​യാ​ണ് മ​റ്റു മൂ​ന്ന് ഗോ​ളു​ക​ളും ടീം ​സ്വ​ന്ത​മാ​ക്കി​യ​ത്. തി​ള​ക്ക​മാ​ർ​ന്ന വി​ജ​യ​വു​മാ​യി ഗ്രൂ​പ് ബി​യി​ൽ ഒ​മാ​ൻ നാ​ലാം സ്ഥാ​ന​ത്തേ​ക്ക് ഉ​യ​ർ​ന്നു. ഒ​ക്ടോ​ബ​ര്‍ 15ന് ​അ​മ്മാ​നി​ല്‍ ജോ​ര്‍ഡ​നെ​തി​രെ​യാ​ണ് ഒ​മാ​ന്റെ അ​ടു​ത്ത മ​ത്സ​രം. ന​വം​ബ​ര്‍ 14ന് ​ഫ​ല​സ്തീ​നെ​തി​രെ​യും 19ന് ​ഇ​റാ​ഖി​നെ​തി​രെ​യു​മാ​ണ് പി​ന്നീ​ടു​ള്ള മ​ത്സ​ര​ങ്ങ​ള്‍.