ലോകകപ്പ്​ യോഗ്യത മത്സരം സമനിലയിൽ

മ​സ്ക​ത്ത്​: ​ക​ഴി​ഞ്ഞ ദി​വ​സം സു​ൽ​ത്താ​ൻ ഖാ​ബൂ​സ്​ സ്​​പോ​ർ​ട്​​സ്​ കോം​പ്ല​ക്സി​ൽ ആ​സ്‌​ട്രേ​ലി​യ​ക്കെ​തി​രെ ന​ട​ന്ന ​ലോ​ക​ക​പ്പ്​ ഫു​ട്​​ബാ​ൾ യോ​ഗ്യ​ത മ​ത്സ​ര​ത്തി​ൽ തെ​ളി​ഞ്ഞ​ത്​ ഒ​മാ​​ന്‍റെ പോ​രാ​ട്ട വീ​ര്യം. അ​നു​കൂ​ല ഘ​ട​ക​ങ്ങ​ൾ ഒ​രു​പാ​ടു​ണ്ടാ​യി​ട്ടും സ​മ​നി​ല​കൊ​ണ്ട്​ ആ​സ്‌​ട്രേ​ലി​യ​ക്ക്​ തൃ​പ​തി​പ്പെ​ടേ​ണ്ടി​വ​ന്നു (2-2). ഒ​മാ​ൻ ദേ​ശീ​യ ടീ​മി​ലെ മു​ൻ​നി​ര ക​ളി​ക്കാ​ർ അ​ട​ക്കം ഏ​ഴു പേ​ർ കോ​വി​ഡി​​ന്‍റെ പി​ടി​യി​ലാ​യി​രു​ന്നു. കോ​വി​ഡ് രോ​ഗ​വ്യാ​പ​നം മൂ​ലം കാ​ണി​ക​ൾ​ക്ക് പ്ര​വേ​ശ​നം ഉ​ണ്ടാ​യി​രു​ന്നി​ല്ല. വ​ലി​യ മാ​ർ​ജി​നി​ൽ ജ​യി​ച്ചു ക​യ​റാ​മെ​ന്ന ആ​ത്മ​വി​ശ്വാ​സ​ത്തി​ലാ​യി​രു​ന്നു ആ​സ്‌​ട്രേ​ലി​യ. ര​ണ്ടു വ​ട്ടം ലീ​ഡ് നേ​ടി​യെ​ങ്കി​ലും ഒ​മാ​ൻ അ​തി​ശ​ക്ത​മാ​യി തി​രി​ച്ച​ടി​ക്കു​ക​യാ​യി​രു​ന്നു. വി​ജ​യം ന​ഷ്ട​മാ​യി എ​ന്ന​തി​നേ​ക്കാ​ൾ ആ​സ്‌​ട്രേ​ലി​യ​യെ അ​ല​ട്ടു​ന്ന​ത് ലോ​ക​ക​പ്പി​ന് നേ​രി​ട്ട് യോ​ഗ്യ​ത നേ​ടാ​മെ​ന്ന സ്വ​പ്ന​ത്തി​ന് തി​രി​ച്ച​ടി നേ​രി​ട്ട​താ​ണ്. ക​ഴി​ഞ്ഞ ദി​വ​സം ന​ട​ന്ന ഗ്രൂ​പ്പി​ലെ മ​റ്റു മ​ത്സ​ര​ത്തി​ൽ സൗ​ദി അ​റേ​ബ്യ​യു​ടെ അ​പ​രാ​ജി​ത കു​തി​പ്പി​ന് വി​രാ​മ​മി​ട്ട്​ ജ​പ്പാ​ൻ 18 പോ​യ​ന്‍റു​മാ​യി ഗ്രൂ​പ്പി​ൽ ര​ണ്ടാം സ്ഥാ​നം അ​ര​ക്കി​ട്ടു​റ​പ്പി​ച്ചു.

ഏ​ക​പ​ക്ഷീ​യ​മാ​യ ര​ണ്ട് ഗോ​ളി​നാ​യി​രു​ന്നു ജ​പ്പാ​ന്റെ ജ​യം. ആ​സ്‌​ട്രേ​ലി​യ​ക്ക് ലോ​ക​ക​പ്പി​ന് നേ​രി​ട്ട് യോ​ഗ്യ​ത നേ​ട​ണ​മെ​ങ്കി​ൽ ബാ​ക്കി ര​ണ്ടു മ​ത്സ​ര​ങ്ങ​ൾ ജ​യി​ച്ചേ മ​തി​യാ​കൂ. ജ​പ്പാ​നും സൗ​ദി​ക്കു​മെ​തി​രെ​യാ​ണ്​ ശേ​ഷി​ക്കു​ന്ന മ​ത്സ​ര​ങ്ങ​ൾ. ആ​സ്‌​ട്രേ​ലി​യ തു​ട​ക്കം മു​ത​ൽ ത​ന്നെ ആ​ക്ര​മി​ച്ചു ക​ളി​ച്ച് ഏ​ഴാം മി​നി​റ്റി​ൽ​ത​ന്നെ ഗോ​ൾ നേ​ടി​യെ​ങ്കി​ലും റ​ഫ​റി ഓ​ഫ്‌​സൈ​ഡ് വി​ളി​ച്ചി​രു​ന്നു. പ​തി​ന​ഞ്ചാം മി​നി​റ്റി​ൽ ല​ഭി​ച്ച പെ​നാ​ൽ​റ്റി​യി​ലൂ​ടെ ആ​സ്‌​ട്രേ​ലി​യ മു​ന്നി​ലെ​ത്തി. എ​ന്നാ​ൽ ര​ണ്ടാം പ​കു​തി​യു​ടെ ഒ​മ്പ​താം മി​നി​റ്റി​ൽ ഒ​മാ​ൻ ഗോ​ൾ മ​ട​ക്കി. തു​ട​ർ​ന്ന് ആ​ക്ര​മി​ച്ചു ക​ളി​ച്ച ആ​സ്‌​ട്രേ​ലി​യ 79ാം മി​നി​റ്റി​ൽ വീ​ണ്ടും ലീ​ഡ് നേ​ടി. ഇ​തോ​ടെ പ്ര​തി​രോ​ധം ശ​ക്ത​മാ​ക്കി. എ​ന്നാ​ൽ, അ​മി​ത പ്ര​തി​രോ​ധ​ത്തി​ൽ വ​ന്ന പി​ഴ​വ് മൂ​ലം പെ​നാ​ൽ​റ്റി വ​ഴ​ങ്ങേ​ണ്ടി വ​ന്നു. കി​ക്കെ​ടു​ത്ത അ​ബ്​​ദു​ല്ല ഫ​വാ​സ് ആ​ക​ട്ടെ ഒ​രു പ​ഴു​തു​മി​ല്ലാ​തെ പ​ന്ത് വ​ല​യി​ലെ​ത്തി​ച്ചു. ഒ​മാ​നെ സം​ബ​ന്ധി​ച്ച്​ ലോ​ക​ക​പ്പ് പ്ര​തീ​ക്ഷ​ക​ൾ ഇ​ല്ലെ​ങ്കി​ലും ശേ​ഷി​ക്കു​ന്ന മ​ത്സ​ര​ങ്ങ​ൾ കൂ​ടി ജ​യി​ച്ചു വീ​രോ​ചി​ത​മാ​യി ലോ​ക​ക​പ്പ് യോ​ഗ്യ​ത മ​ത്സ​ര​ങ്ങ​ൾ അ​വ​സാ​നി​പ്പി​ക്കു​ക എ​ന്ന​താ​യി​രി​ക്കും ല​ക്ഷ്യം. ഒ​മാ​​ന്‍റെ അ​ടു​ത്ത മ​ത്സ​രം മാ​ർ​ച്ച്​ 24ന്​ ​വി​യ​റ്റ്നാ​മി​നെ​തി​രെ​യാ​ണ്.