ലോ​ക​ക​പ്പ് ഫു​ട്ബാ​ൾ യോ​ഗ്യ​ത: തു​ട​ർ വി​ജ​യം ല​ക്ഷ്യ​മി​ട്ട് ഒ​മാ​ൻ ജോ​ർ​ഡ​നി​ൽ

മ​സ്ക​ത്ത്: ലോ​ക​ക​പ്പ് ഫു​ട്ബാ​ൾ യോ​ഗ്യ​ത റൗ​ണ്ടി​ൽ തു​ട​ർ വി​ജ​യം ല​ക്ഷ്യ​മി​ട്ട് ഒ​മാ​ൻ ടീം ​അ​മ്മാ​നി​ലെ​ത്തി. സ്വ​ന്തം ത​ട്ട​ക​ത്തി​ൽ കു​വൈ​ത്തി​നെി​രെ മി​ന്നും വി​ജ​യം നേ​ടി​യ​തി​ന്റെ ആ​ത്മ​വി​ശ്വാ​സ​ത്തി​ൽ ചൊ​വ്വാ​ഴ്ച ജോ​ര്‍ഡ​നെ നേ​രി​ടും. ഒ​മാ​ന്‍ ഫു​ട്‌​ബാ​ള്‍ അ​സോ​സി​യേ​ഷ​ന്‍ പ്ര​സി​ഡ​ന്റ് സാ​ലിം അ​ല്‍ വ​ഹൈ​ബി​യു​ടെ​യും പ​രി​ശീ​ല​ക​ന്‍ റാ​ശി​ദ് ജാ​ബി​റി​ന്റെ​യും നേ​തൃ​ത്വ​ത്തി​ലെ​ത്തി​യ സം​ഘ​ത്തെ ജോ​ർ​ഡ​നി​ലെ ഒ​മാ​ന്‍ അം​ബാ​സ​ഡ​ര്‍ ശൈ​ഖ് ഫ​ഹ​ദ് ബി​ന്‍ അ​ബ്ദു​ല്‍ റ​ഹ്മാ​ന്‍ അ​ല്‍ അ​ജി​ലി​യു​ടെ നേ​തൃ​ത്വ​ത്തി​ല്‍ സ്വീ​ക​രി​ച്ചു.

അ​മ്മാ​ൻ അ​ന്താ​രാ​ഷ്ട്ര സ്റ്റേ​ഡി​യ​ത്തി​ൽ ഒ​മാ​ന്‍ സ​മ​യം രാ​ത്രി എ​ട്ടി​നാ​ണ് മ​ത്സ​രം. അ​മ്മാ​നി​ലെ​ത്തി​യ ടീം ​കോ​ച്ചി​ന്റെ നേൃ​ത്വ​ത്വ​ത്തി​ൽ പ​രി​ശീ​ല​ന​ത്തി​ന് ഇ​റ​ങ്ങു​ക​യും ചെ​യ്തു. ക​ളി​ക്കാ​ർ​ക്ക് ആ​ർ​ക്കും പ​രി​ക്കി​ല്ലെ​ന്ന​ത് കോ​ച്ചി​ന് ആ​ത്മ​വി​ശ്വാ​സം ന​ൽ​കു​ന്ന കാ​ര്യ​മാ​ണ്.

ക​ഴി​ഞ്ഞ ക​ളി​യി​ൽ ടീം ​ന​ട​ത്തി​യ മു​ന്നേ​റ്റ​ത്തി​ൽ കോ​ച്ച് സം​തൃ​പ്തി പ്ര​ക​ടി​പ്പി​ച്ചെ​ങ്കി​ലും വ​ലി​യ ക​ട​മ്പ​ക​ൾ ക​ട​ന്ന് ഇ​നി​യും മ​ന്നോ​ട്ടു​പോ​കാ​നു​ണ്ടെ​ന്നും, വി​ജ​യ​ത്തി​ന്റെ ആ​ല​സ്യ​ത്തി​ൽ മു​ഴു​ക​രു​ത് എ​ന്നു​മാ​ണ് ക​ളി​ക്കാ​ർ​ക്ക് ന​ൽ​കി​യി​രി​ക്കു​ന്ന നി​ർ​​ദേ​ശം. ക​ഴി​ഞ്ഞ ക​ളി​യി​ൽ ഇ​റ​ക്കി​യ ടീ​മി​ൽ വ​ലി​യ മാ​റ്റ​മൊ​ന്നും വ​രു​ത്താ​ൻ സാ​ധ്യ​ത​യി​ല്ല.

എ​ന്നാ​ൽ, യു​വ​താ​ര​ങ്ങ​ൾ​ക്ക് അ​വ​സ​രം ന​ൽ​കി​യേ​ക്കും. കു​വൈ​ത്തി​നെ​തി​രെ ന​ട​ന്ന ക​ളി​യി​ൽ റെ​ഡ്‍വാ​രി​യേ​ഴ്സ് നാ​ലു ത​വ​ണ​യാ​ണ് എ​തി​രാ​ളി​ക​ളു​ടെ വ​ല​കു​ലു​ക്കി​യ​ത്. ചു​മ​ത​ല​യേ​റ്റെ​ടു​ത്ത് കു​റ​ഞ്ഞ ദി​വ​സ​ങ്ങ​ൾ​ക്കു​ള്ളി​ൽ​ത​ന്നെ ടീ​മി​ന്റെ മ​നോ​വീ​ര്യം ഉ​യ​ർ​ത്തു​ന്ന​തി​നാ​യി​രു​ന്നു കോ​ച്ച് മു​ൻ​ഗ​ണ​ന ന​ൽ​കി​യി​രു​ന്ന​ത്. ഇ​ത് വി​ജ​യം ക​ണ്ടു​ എ​ന്നാ​ണ് ക​ഴി​ഞ്ഞ ദി​വ​സ​ത്തെ ക​ളി സാ​ക്ഷ്യ​പ്പെ​ടു​ത്തു​ന്ന​ത്.

തു​ട​ക്കം മു​ത​ൽ അ​വ​സാ​ന നി​മി​ഷം​വ​രെ എ​തി​രാ​ളി​ക​ളു​ടെ മേ​ൽ സ​മ്പൂ​ർ​ണ ആ​ധി​പ​ത്യ​മാ​യി​രു​ന്നു ടീം ​പു​ല​ർ​ത്തി​യി​രു​ന്ന​ത്. ഒ​പ്പം മു​ന്നേ​റ്റ നി​ര​യും ത​ക​ർ​പ്പ​ൻ പ്ര​ക​ട​നം കാ​ഴ്ച​വെ​ച്ച​പ്പോ​ൾ ഒ​മാ​ന്റെ വി​ജ​യ ച​രി​ത്ര​ത്തി​ൽ​ത​​ന്നെ പു​തി​യ ഏ​ട് ഏ​ഴു​തി​ച്ചേ​ർ​ക്കു​ന്ന​താ​യി കു​വൈ​ത്തി​നെ​തി​രെ​യു​ള്ള മ​ത്സ​രം. ചൊ​വ്വാ​ഴ്ച​ത്തെ ക​ളി​യി​ലും വി​ജ​യ​ത്തി​ൽ കു​റ​ഞ്ഞ​തൊ​ന്നും ഒ​മാ​ൻ ചി​ന്തി​ക്കു​ന്നി​ല്ല.

എ​ന്നാ​ൽ, ഗ്രൂ​പ് ബി​യി​ല്‍ പോ​യ​ന്റ് പ​ട്ടി​ക​യി​ല്‍ ഒ​മാ​ന്റെ മു​ന്നി​ല്‍ മൂ​ന്നാം സ്ഥാ​ന​ത്തു​ള്ള ജോ​ര്‍ഡ​ന്‍ ക​രു​ത്ത​രാ​യ എ​തി​രാ​ളി​ക​ളാ​ണ്. അ​വ​സാ​ന മ​ത്സ​ര​ത്തി​ല്‍ ദ​ക്ഷി​ണ കൊ​റി​യ​യോ​ട് തോ​ല്‍വി വ​ഴ​ങ്ങി​യ​തി​നാ​ല്‍ത​ന്നെ നാ​ളെ​ത്തെ മ​ത്സ​ര​ഫ​ലം ജോ​ർ​ഡ​നും നി​ര്‍ണാ​യ​ക​മാ​ണ്.