മ​സ്ക​ത്തി​ന്റെ ടൂ​റി​സ​ത്തി​ന് ഉ​ണ​ർ​വേ​കി യാ​ച്ചു​ക​ൾ

മ​സ്ക​ത്ത്: യാ​ച്ച് ടൂ​റി​സ​ത്തി​ലെ കു​തി​ച്ചു​ചാ​ട്ടം മ​സ്ക​ത്തി​നെ സാ​ഹ​സി​ക കേ​ന്ദ്ര​മാ​ക്കി മാ​റ്റു​ന്നു. യാ​ച്ച് ടൂ​റി​സം മേ​ഖ​ല​യി​ൽ ഗ​ണ്യ​മാ​യ വ​ള​ർ​ച്ച​യാ​ണ് മ​സ്ക​ത്ത് കൈ​വ​രി​ച്ചി​ട്ടു​ള്ള​ത്. ര​ജി​സ്റ്റ​ർ ചെ​യ്ത 500 ടൂ​റി​സ്റ്റ് യാ​ച്ചു​ക​ൾ ഇ​പ്പോ​ൾ ത​ല​സ്ഥാ​ന​ത്ത് പ്ര​വ​ർ​ത്തി​ക്കു​ന്നു​ണ്ടെ​ന്ന് ഗ​താ​ഗ​ത, വാ​ർ​ത്താ​വി​നി​മ​യ, വി​വ​ര​സാ​ങ്കേ​തി​ക മ​ന്ത്രാ​ല​യ​ത്തി​ലെ മാ​രി​ടൈം അ​ഫ​യേ​ഴ്‌​സ് ഡ​യ​റ​ക്ട​ർ ജ​ന​റ​ൽ ക്യാ​പ്റ്റ​ൻ മാ​ജി​ദ് ബി​ൻ സെ​യ്ഫ് അ​ൽ ബ​ർ​ഹി വ്യ​ക്ത​മാ​ക്കി.

മ​റൈ​ൻ ടൂ​റി​സം മെ​ച്ച​പ്പെ​ടു​ത്തു​ന്ന സു​പ്ര​ധാ​ന ഘ​ട​ക​മാ​ണ് യാ​ച്ച് ടൂ​റി​സം. അ​സാ​ധാ​ര​ണ​മാ​യ അ​നു​ഭ​വ​ങ്ങ​ൾ തേ​ടു​ന്ന സ​ന്ദ​ർ​ശ​ക​രെ ആ​ക​ർ​ഷി​ക്കു​ന്ന​തി​നാ​ൽ, ടൂ​റി​സം മേ​ഖ​ല വി​ക​സി​പ്പി​ക്കു​ന്ന​തി​ൽ യാ​ച്ചി​ന് വ​ള​രെ അ​ധി​കം പ്രാ​ധാ​ന്യ​മു​ണ്ടെ​ന്ന് അ​ദ്ദേ​ഹം പ​റ​ഞ്ഞു.

ദൈ​മാ​നി​യ​ത്ത് ഐ​ല​ൻ​ഡ്സ്, ബ​ന്ദ​ർ അ​ൽ ഖൈ​റാ​ൻ പ്ര​ദേ​ശം, മ​റ്റു പ്ര​ശ​സ്ത​മാ​യ സ്ഥ​ല​ങ്ങ​ൾ എ​ന്നി​വ​യു​ൾ​പ്പെ​ടെ ഒ​മാ​ന്റെ തീ​ര​ങ്ങ​ളി​ലെ സ​മ്പ​ന്ന​മാ​യ സ​മു​ദ്ര​ജീ​വി​ക​ളെ പ​ര്യ​വേ​ക്ഷ​ണം ചെ​യ്യാ​ൻ വി​നോ​ദ​സ​ഞ്ചാ​രി​ക​ൾ ഏ​റെ ഇ​ഷ്ട​പ്പെ​ടു​ന്ന​താ​ണ്.

മ​സ്‌​ക​ത്ത് ഗ​വ​ർ​ണ​റേ​റ്റി​ലെ അ​തി​മ​നോ​ഹ​ര​മാ​യ ബീ​ച്ചു​ക​ളും സു​സ​ജ്ജ​മാ​യ മ​റീ​ന​ക​ളും യാ​ച്ച് ടൂ​റി​സ​ത്തി​ന്റെ കു​തി​ച്ചു​ചാ​ട്ട​ത്തി​ന് കാ​ര​ണ​മാ​കു​മെ​ന്ന് അ​ദ്ദേ​ഹം ചൂ​ണ്ടി​ക്കാ​ട്ടി. നി​ല​വി​ൽ, ആ​റ് മ​റീ​ന​ക​ൾ പ്ര​വ​ർ​ത്ത​ന​ത്തി​ലു​ണ്ട്.

ഉ​പ​യോ​ക്തൃ സു​ര​ക്ഷ ഉ​റ​പ്പാ​ക്കാ​ൻ, പ്ര​ത്യേ​കി​ച്ച് തി​ര​ക്കേ​റി​യ സീ​സ​ണു​ക​ളി​ൽ മ​ന്ത്രാ​ല​യം യാ​ച്ച് യാ​ത്ര​ക​ൾ സ​ജീ​വ​മാ​യി നി​രീ​ക്ഷി​ക്കു​ന്നു​ണ്ടെ​ന്ന് ക്യാ​പ്റ്റ​ൻ ബ​ർ​ഹി കൂ​ട്ടി​ച്ചേ​ർ​ത്തു.

ടൂ​റി​സ്റ്റ് യാ​ച്ചു​ക​ൾ​ക്കാ​യി ശു​ദ്ധ​മാ​യ ഊ​ർ​ജ്ജ സാ​ങ്കേ​തി​ക വി​ദ്യ​ക​ൾ സം​യോ​ജി​പ്പി​ച്ച് ഈ ​മേ​ഖ​ല വി​ക​സി​പ്പി​ക്കു​ന്ന​തും വി​നോ​ദ​സ​ഞ്ചാ​രി​ക​ളെ മി​ക​ച്ച രീ​തി​യി​ൽ പ​രി​പാ​ലി​ക്കു​ന്ന​തി​നാ​യി ബീ​ച്ച് സൗ​ക​ര്യ​ങ്ങ​ൾ വ​ർ​ധി​പ്പി​ക്കു​ന്ന​തും ഭാ​വി പ​ദ്ധ​തി​ക​ളി​ൽ ഉ​ൾ​പ്പെ​ടു​ന്ന​താ​ണ്. യാ​ച്ചു​ക​ളി​ൽ സോ​ളാ​ർ പാ​ന​ലു​ക​ൾ പോ​ലെ​യു​ള്ള പു​ന​രു​പ​യോ​ഗ ഊ​ർ​ജ്ജ പ​രി​ഹാ​ര​ങ്ങ​ൾ ന​ട​പ്പി​ലാ​ക്കു​ന്ന​തി​നു​ള്ള പ്രോ​ജ​ക്ടു​ക​ൾ പ​ഠ​ന​ത്തി​ലാ​ണ്.

ഒ​മാ​ന്‍റെ അ​തി​മ​നോ​ഹ​ര​മാ​യ പ്ര​കൃ​തി​ഭം​ഗി​യാ​ണ് വി​നോ​ദ സ​ഞ്ചാ​രി​ക​ളു​ടെ വ​ർ​ധ​ിക്കാനു​ള്ള കാ​ര​ണ​മെ​ന്ന് ടൂ​റി​സ്റ്റ് യാ​ച്ചി​ന്‍റെ ഉ​ട​മ മു​ഹ​മ്മ​ദ് ബി​ൻ അ​ഹ​മ്മ​ദ് പ​റ​ഞ്ഞു.

ക​ട​ൽ വി​നോ​ദ​സ​ഞ്ചാ​രം സു​ഗ​മ​മാ​ക്കു​ന്ന​തി​നാ​യി അ​ടി​സ്ഥാ​ന സൗ​ക​ര്യ​ങ്ങ​ൾ മെ​ച്ച​പ്പെ​ടു​ത്തു​ന്ന​തി​നു​ള്ള സ​ർ​ക്കാ​റി​ന്‍റെ പ്ര​തി​ബ​ദ്ധ​ത, ഇ​ന്ധ​ന വി​ത​ര​ണ​വും അ​റ്റ​കു​റ്റ​പ്പ​ണി സേ​വ​ന​ങ്ങ​ളും ഉ​ൾ​ക്കൊ​ള്ളു​ന്ന ആ​ധു​നി​ക മ​റീ​ന​ക​ളു​ടെ ല​ഭ്യ​ത തു​ട​ങ്ങി​യ​വ ഏ​റെ പ്രം​ശ​സി​ക്കേ​ണ്ട​താ​ണെ​ന്ന് അ​ദ്ദേ​ഹം അ​ഭി​പ്രാ​യ​പ്പെ​ട്ടു.