യു​ദ്ധ​ഭൂ​മി​യി​ലെ ബാ​ല്യ​ങ്ങ​ൾ​ക്ക് സ​ന്തോ​ഷ കാ​ർ​ണി​വ​ലു​മാ​യി ഖ​ത്ത​ർ ടൂ​റി​സം

ദോ​ഹ: പ്രി​യ​പ്പെ​ട്ട​വ​രെ ന​ഷ്ട​പ്പെ​ട്ടും വീ​ടും നാ​ടും ത​ക​ർ​ന്ന​ടി​ഞ്ഞും ശ​രീ​ര​ത്തി​നും മ​ന​സ്സി​നും മു​റി​വേ​റ്റും ദു​രി​ത​ത്തി​ലാ​യ ഫ​ല​സ്തീ​ൻ കു​ട്ടി​ക​ൾ​ക്കാ​യി ക​രു​ത​ലി​ന്റെ ക​ര​ങ്ങ​ളൊ​രു​ക്കി ഖ​ത്ത​ർ ടൂ​റി​സം. ഇ​സ്രാ​യേ​ൽ ആ​ക്ര​മ​ണ​ത്തി​ൽ പ​രി​ക്കേ​റ്റ് ചി​കി​ത്സ​ക്കാ​യി ദോ​ഹ​യി​ലെ​ത്തി​യ ഗ​സ്സ​യി​ൽ നി​ന്നു​ള്ള കു​ട്ടി​ക​ൾ​ക്കാ​ണ് ക​ളി​യും വി​നോ​ദ​വു​മാ​യി ​ഖ​ത്ത​ർ ടൂ​റി​സം സം​ഗ​മം ഒ​രു​ക്കി​യ​ത്. പരിപാടി കഴിഞ്ഞ ദിവസം സമാപിച്ചു. ഓ​ർ​ഫ​ർ കെ​യ​ർ സെ​ന്റ​റു​മാ​യി (ഡ്രീ​മ) സ​ഹ​ക​രി​ച്ച് അ​ൽ തു​മാ​മ കോം​പ്ല​ക്‌​സി​ലെ ഔ​ട്ട്‌​ഡോ​ർ സ്‌​റ്റേ​ഡി​യ​ത്തി​ലാ​ണ് ഗ​സ്സ ബ​ഡ്‌​സ് കാ​ർ​ണി​വ​ൽ എ​ന്ന ത​ല​ക്കെ​ട്ടി​ൽ ഖ​ത്ത​ർ ടൂ​റി​സ​ത്തി​ന്റെ പ​രി​പാ​ടി​ക​ൾ സം​ഘ​ടി​പ്പി​ച്ച​ത്.

വി​വി​ധ കാ​യി​ക, വി​നോ​ദ പ​രി​പാ​ടി​ക​ളി​ലൂ​ടെ കു​ട്ടി​ക​ളു​ടെ മാ​ന​സി​കാ​രോ​ഗ്യ ആ​വ​ശ്യ​ങ്ങ​ൾ നി​റ​വേ​റ്റു​ക​യും അ​വ​ർ​ക്ക് സ​ന്തോ​ഷ​മു​ണ്ടാ​ക്കു​ന്ന അ​നു​ഭ​വ​ങ്ങ​ൾ പ​ക​ർ​ന്ന് ന​ൽ​കു​ക​യു​മാ​ണ് കാ​ർ​ണി​വ​ലി​ലൂ​ടെ സം​ഘാ​ട​ക​ർ ല​ക്ഷ്യ​മിട്ടിരുന്ന​ത്. വി​വി​ധ ഏ​ജ​ൻ​സി​ക​ൾ ത​മ്മി​ലു​ള്ള സ​ഹ​ക​ര​ണം ശ​ക്തി​പ്പെ​ടു​ത്തു​ന്ന​തി​ലും പൊ​തു-​സ്വ​കാ​ര്യ അ​ധി​കാ​രി​ക​ളു​മാ​യി സ​ഹ​ക​രി​ച്ച് വി​വി​ധ കാ​മ്പ​യി​നു​ക​ൾ സം​ഘ​ടി​പ്പി​ക്കു​ന്ന​തി​ലും ഖ​ത്ത​ർ ടൂ​റി​സം വ​ള​രെ​യ​ധി​കം ശ്ര​ദ്ധ​യും പ്രാ​ധാ​ന്യ​വും ന​ൽ​കു​ന്ന​താ​യും ഗ​സ്സ ബ​ഡ്‌​സ് കാ​ർ​ണി​വ​ൽ അ​ത്ത​രം പ​ങ്കാ​ളി​ത്ത​ത്തി​ൽ നി​ന്നു​ള്ള മി​ക​ച്ച സം​രം​ഭ​മാ​ണെ​ന്നും ഖ​ത്ത​ർ ടൂ​റി​സം പു​റ​ത്തി​റ​ക്കി​യ പ്ര​സ്താ​വ​ന​യി​ൽ വ്യ​ക്ത​മാ​ക്കി. കു​ട്ടി​ക​ൾ​ക്കാ​യി ഗെ​യി​മു​ക​ൾ, ക​ള​റി​ങ്, ഫെ​യ്‌​സ് പെ​യി​ന്റി​ങ് എ​ന്നി​വ​യും മ​റ്റു വി​നോ​ദ പ​രി​പാ​ടി​ക​ളും ആ​ക്ടി​വി​റ്റി​ക​ളു​മാ​യി പാ​ൻ-​അ​റ​ബ് ടെ​ലി​വി​ഷ​ൻ ചാ​ന​ലാ​യ സ്‌​പേ​സ്ടൂ​ണും ഗ​സ്സ ബ​ഡ്‌​സ് കാ​ർ​ണി​വ​ലി​ൽ സ​ജീ​വ​മാ​യി രം​ഗ​ത്തു​ണ്ടായിരുന്നു.