ഖത്തറിൽ സിംഹത്തിൻെറ ആക്രമണത്തിൽ 17കാരന്​ ഗുരുതര പരിക്ക്​

ദോഹ: ഖത്തറിൽ സിഹത്തിൻെറ ആക്രമണത്തിൽ 17 കാരന്​ ഗുരുതര പരിക്ക്​. ​ഉംസലാൽ ​ഏരിയയി​ലെ വളർത്തു കേന്ദ്രത്തിൽ ​വെച്ച്​ സ്വദേശി യുവാവിനു നേരെ ആക്രമണമുണ്ടായതെന്ന്​ പ്രാദേശിക അറബിപത്രമായ ‘അൽ ശർഖ്​’ റിപ്പോർട്ട്​ ചെയ്​തു. തലക്കും മുഖത്തും പരിക്കേറ്റ യുവാവ്​ ഹമദ്​ മെഡിക്കൽ കോർപറേഷൻ ആശുപത്രിയിൽ വിദഗ്​ധ ചികിത്സ തേടിയ ശേഷം വിശ്രമത്തിലാണ്​. ജനുവരി 12നായിരുന്നു അക്രമം നടന്നത്​.

യുവാവ്​ 2022ൽ നാല്​ മാസം പ്രായമുള്ള സിംഹത്തെ വളർത്താനായി ദത്തെടുത്തിരുന്നതായി ‘അൽ ശർഖ്​’ റിപ്പോർട്ട്​ ചെയ്​തു. എന്നാൽ, താമസിയാതെ തന്നെ സിംഹകുട്ടിയിൽ നിന്നും അലർജി പിടിപെട്ടതോടെ ഇവയുടെ പരിപാലനത്തിനും പരിശീലനത്തിനും വിദഗ്​ധനായ ഒരാളെ ഏൽപിക്കുകയായിരുന്നു.

കഴിഞ്ഞ രണ്ടര വർഷത്തിനിടെ മൂന്നു തവണ മാത്രമാണ്​ ഇയാൾ താൻ വളർത്താൻ ഏൽപിച്ച സിംഹത്തെ സന്ദർശിച്ചത്​. കഴിഞ്ഞ വർഷം സെപ്​റ്റംബറിലും നവംബറിലും കാണാനെത്തിയപ്പോൾ കൂട്ടിൽ അടച്ച നിലയിലായിരുന്നുവത്രേ സിംഹത്തെ കണ്ടത്​. എന്നാൽ, ഇത്തവണ എത്തിയപ്പോൾ സിംഹത്തെ കൂട്ടിൽ നിന്നിറക്കിയ നിലയിലായിരുന്നു.

ഇ​േതസമയം, പരിശീലകനു കീഴിലെ ഏഴ്​ വയസ്സ്​ പ്രായമുള്ള മറ്റൊരു സിംഹം യുവാവിനെ ആക്രമിക്കുകയായിരുന്നുവെന്ന്​ റിപ്പോർട്ടിൽ വ്യക്​തമാക്കുന്നു. തലക്കും മുഖത്തും ആഴത്തിൽ മുറിവേറ്റ ഇയാളെ ഉടൻ ആശുപത്രിയിൽ പ്രവേശിപ്പിച്ചു. ശസ്​ത്രക്രിയക്കു ശേഷം നാലു ദിവസം തീവ്രപരിചരണ വിഭാഗത്തിലായിരുന്നു.

12 ദിവസത്തിനു ശേഷം വീട്ടിലേക്ക്​ മാറ്റുകയും ചെയ്​തു. അപകടനില തരണം ചെയ്​ത്​, ആരോഗ്യ നില വീണ്ടെടുക്കുന്നതായി മാതാവ്​ ‘അൽ ശർഖി’നോട്​ പറഞ്ഞു. മകൻെറ ഉടമസ്​ഥതയിലുള്ള സിംഹമല്ല ആക്രമിച്ചതെന്നും, പരിശീലകനു കീഴിലെ മറ്റൊരു സിംഹത്തിൻെറ ആക്രമണത്തിലാണ്​ മകന്​ പരിക്കേറ്റതെന്നും മാതാവ്​ അറിയിച്ചു.