മംവാഖ് ഇഫ്താര്‍ വിരുന്ന് സംഘടിപ്പിച്ചു

ദോഹ: മലപ്പുറം ജില്ലയുടെ 48ാം പിറന്നാള്‍ദിനത്തില്‍ മലപ്പുറം ജില്ലാ മുസ്ലിം വെല്‍ഫയര്‍ അസോസിയേഷന്‍ ഖത്തര്‍ (മംവാഖ്) ഇഫ്താര്‍ വിരുന്ന് സംഘടിപ്പിച്ചു. സ്നേഹത്തിന്‍െറയും സൗഹാര്‍ദത്തിന്‍െറയും ദിവ്യസന്ദേശം വിളംബരം ചെയ്ത് സംഘടിപ്പിച്ച മംവാഖ് ഇഫ്താര്‍ വിരുന്ന് ജനപങ്കാളിത്തംകൊണ്ട് ശ്രദ്ധേയമായി. മംവാഖ് പ്രസിഡന്‍റ് ശംസുദ്ദീന്‍ ഒളകര അധ്യക്ഷത വഹിച്ചു.
എഫ്.സി.സി എക്സിക്യുട്ടീവ് ഡയറക്ടര്‍ ഹബീബ് റഹ്മാന്‍ കിഴിശ്ശേരി മുഖ്യപ്രഭാഷണം നടത്തി. മംവാഖ് വൈസ് പ്രസിഡന്‍റ് യു. ഹുസൈന്‍ മുഹമ്മദ്, പേള്‍ മുഹമ്മദലി, ഉസ്മാന്‍ കല്ലന്‍ എന്നിവര്‍ പ്രസീഡിയം നിയന്ത്രിച്ചു. ജൂലൈ 15ന് നടക്കുന്ന ജില്ലാപിറവിയാഘോഷ പരിപാടിയുടെ സ്വഗതസംഘം കമ്മിറ്റി പ്രഖ്യാപനം സുഹൈല്‍ ശാന്തപുരം നിര്‍വഹിച്ചു. ആക്ടിങ് സെക്രട്ടറി കോയ കൊണ്ടോട്ടി സ്വാഗതവും ട്രഷര്‍ മുസ്തഫ കാവില്‍കുത്ത് നന്ദിയും പറഞ്ഞു.