ദോ​ഹ അ​ന്താ​രാ​ഷ്​​​ട്ര ഹോ​ർ​ട്ടി​ക​ൾ​ച​റ​ൽ എക്​സ്​പോയിൽ 88 രാജ്യങ്ങൾ

ദോ​ഹ: മൂ​ന്നാ​ഴ്​​ച​യി​ൽ കു​റ​ഞ്ഞ ദി​വ​സ​ങ്ങ​ളു​ടെ കാ​ത്തി​രി​പ്പു​ മാ​ത്രം ശേ​ഷി​ക്കെ, ഒ​ക്​​ടോ​ബ​ർ ര​ണ്ടി​ന്​ തു​ട​ക്കം കു​റി​ക്കു​ന്ന ദോ​ഹ അ​ന്താ​രാ​ഷ്​​​ട്ര ഹോ​ർ​ട്ടി​ക​ൾ​ച​റ​ൽ എ​ക്​​സ്​​പോ​യു​ടെ ഒ​രു​ക്കം പൂ​ർ​ത്തി​യാ​ക്കി സം​ഘാ​ട​ക​ർ. 88 രാ​ജ്യ​ങ്ങ​ൾ എ​ക്​​സ്​​പോ​യി​ൽ പ​ങ്കാ​ളി​ക​ളാ​കു​മെ​ന്ന്​ എ​ക്​​സ്​​പോ ക​മീ​ഷ​ണ​ർ ജ​ന​റ​ൽ ബ​ദ​ർ അ​ൽ ദ​ഫ അ​റി​യി​ച്ചു.

ആ​റു​മാ​സം നീ​ണ്ടു​നി​ൽ​ക്കു​ന്ന എ​ക്​​സ്​​പോ​യു​ടെ ത​യാ​റെ​ടു​പ്പു​ക​ൾ സം​ബ​ന്ധി​ച്ച് പ​ങ്കാ​ളി​ക​ളാ​കു​ന്ന രാ​ജ്യ​ങ്ങ​ളു​ടെ ക​മീ​ഷ​ണ​ർ ജ​ന​റ​ൽ​മാ​രു​മാ​യി ദോ​ഹ എ​ക്​​സ്​​പോ സം​ഘാ​ട​ക​രു​ടെ​ അ​വ​സാ​ന​വ​ട്ട അ​വ​ലോ​ക​ന യോ​ഗം ക​ഴി​ഞ്ഞ ദി​വ​സം ചേ​ർ​ന്നു. ഇ​തി​നി​ടെ​യാ​ണ്​ എ​ക്​​സ്​​പോ​യി​ൽ പ​​ങ്കെ​ടു​ക്കു​ന്ന രാ​ജ്യ​ങ്ങ​ളു​ടെ എ​ണ്ണം സം​ബ​ന്ധി​ച്ച്​ അ​ധി​കൃ​ത​ർ വ്യ​ക്​​ത​ത വ​രു​ത്തി​യ​ത്. പ​രി​സ്​​ഥി​തി​യും, കൃ​ഷി​യും പ്ര​മേ​യ​മാ​വു​ന്ന ഹോ​ർ​ട്ടി​ക​ൾ​ച​റ​ൽ എ​ക്​​സ്​​പോ​യി​ൽ, ഏ​റ്റ​വും വ​ലി​യ പ​ങ്കാ​ളി​ത്ത​ത്തി​നാ​ണ്​ ഖ​ത്ത​ർ​വേ​ദി​യൊ​രു​ക്കു​ന്ന​ത്.

എ​ക്​​സ്​​പോ​യി​ലേ​ക്ക്​ 30 ല​ക്ഷം സ​ന്ദ​ർ​ശ​ക​രെ പ്ര​തീ​ക്ഷി​ക്കു​ന്ന​താ​യും അ​ൽ ദ​ഫ പ​റ​ഞ്ഞു. പ്ര​ധാ​ന​മാ​യും മൂ​ന്ന്​ ആ​ശ​യ​ങ്ങ​ളി​ൽ കേ​ന്ദ്രീ​ക​രി​ച്ചാ​ണ്​ എ​ക്​​സ്​​പോ​യെ​ന്ന്​ അ​ദ്ദേ​ഹം വി​ശ​ദീ​ക​രി​ച്ചു. പു​തു​മ​യേ​റി​യ ക​ണ്ടെ​ത്ത​ലു​ക​ൾ, സാ​​ങ്കേ​തി​ക വ​ത്ക​ര​ണം, വി​ദ്യാ​ഭ്യാ​സം, കാ​ലാ​വ​സ്​​ഥ വ്യ​തി​യാ​നം എ​ന്നി​വ​യു​മാ​യി ബ​ന്ധ​പ്പെ​ട്ട ആ​ശ​യ​ങ്ങ​ളു​ടെ കൈ​മാ​റ്റ​മാ​ണ്​ എ​ക്​​സ്​​പോ​യു​ടെ പ്ര​ധാ​ന ഘ​ട​ക​ങ്ങ​ൾ.

കാ​ലാ​വ​സ്​​ഥ വ്യ​തി​യാ​നം ഒ​രു യാ​ഥാ​ർ​ഥ്യ​വും നി​ര​വ​ധി രാ​ജ്യ​ങ്ങ​ൾ നേ​രി​ടു​ന്ന​തു​മാ​യ ഒ​ന്നാ​ണ്. വെ​ള്ള​ത്തി​ന്റെ​യും ഭ​ക്ഷ​ണ​ത്തി​ന്റെ​യും ല​ഭ്യ​ത​ക്കു​റ​വും പ്ര​ധാ​ന വെ​ല്ലു​വി​ളി​യാ​ണ്. കാ​ർ​ഷി​ക മേ​ഖ​ല​യി​ലെ നി​ക്ഷേ​പ​ക്കു​റ​വും, ഭ​ക്ഷ്യ​ദൗ​ർ​ബ​ല്യ​വും പ​ട്ടി​ണി​യും ലോ​ക​ത്തി​നു മു​ന്നി​ലെ കാ​ഴ്​​ച​ക​ളാ​ണ്​ -അ​ദ്ദേ​ഹം വി​ശ​ദീ​ക​രി​ച്ചു.

വ്യ​വ​സാ​യ രാ​ജ്യ​ങ്ങ​ൾ അ​വി​ക​സി​ത രാ​ജ്യ​ങ്ങ​ളു​ടെ ക്ഷേ​മ​ത്തി​നാ​യി 10000 കോ​ടി ഡോ​ള​റി​ന്റെ സ​ഹാ​യ​ങ്ങ​ൾ പ്ര​ഖ്യാ​പി​ച്ചി​ട്ടും അ​വ​യി​ൽ 20ശ​ത​മാ​നം​പോ​ലും അ​ർ​ഹ​രാ​യ ആ​ളു​ക​ളി​ലേ​ക്ക്​ എ​ത്തി​യി​ല്ലെ​ന്ന്​ എ​ക്സ്​​പോ പ്ര​തി​നി​ധി പ​റ​ഞ്ഞു. കാ​ർ​ഷി​ക മേ​ഖ​ല ആ​ധു​നി​ക​വ​ത്ക​രി​ക്കാ​ൻ​ ആ​വ​ശ്യ​മാ​യ സാ​​ങ്കേ​തി​ക വി​ദ്യ​ക​ളു​ടെ ആ​വ​ശ്യ​വും അ​ദ്ദേ​ഹം ചൂ​ണ്ടി​ക്കാ​ട്ടി.

സാ​​ങ്കേ​തി​ക മി​ക​വ്​ ഉ​പ​യോ​ഗ​പ്പെ​ടു​ത്തി ചി​ല ഇ​നം പ​ച്ച​ക്ക​റി കൃ​ഷി​ക​ളി​ൽ ഖ​ത്ത​ർ സ്വ​യം​പ​ര്യാ​പ്​​ത​ത നേ​ടി. പ​ഴ​ങ്ങ​ൾ, പാ​ൽ ഉ​ൽ​പ​ന്ന​ങ്ങ​ൾ തു​ട​ങ്ങി​യ മേ​ഖ​ല​ക​ളി​ലും ഖ​ത്ത​ർ മി​ക​വു നേ​ടി​യെ​ന്നും അ​ൽ ദ​ഫ പ​റ​ഞ്ഞു. ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ​നി​ന്നു​ള്ള ക​ലാ​കാ​ര​ന്മാ​ർ ഒ​ത്തു​ചേ​രു​ന്ന എ​ക്​​സ്​​പോ അ​വി​സ്​​മ​ര​ണീ​യ​മാ​യ സം​ഗീ​ത, ക​ല, സാം​സ്​​കാ​രി​ക വി​രു​ന്ന്​ കൂ​ടി സ​ന്ദ​ർ​ശ​ക​ർ​ക്ക്​ സ​മ്മാ​നി​ക്കു​മെ​ന്നും ചൂ​ണ്ടി​ക്കാ​ട്ടി. ഭ​ക്ഷ്യ​വൈ​വി​ധ്യ​ങ്ങ​ളും ഉ​ണ്ടാ​വും.