അൽഖോറിൽ ബീച്ച് പാർക്കും പ്രകൃതിസംരക്ഷണ കേന്ദ്രവും തുറന്നു

ദോഹ: കോവിഡ് -19 നിയന്ത്രണങ്ങൾ പിൻവലിക്കുന്നതിെൻറ ഭാഗമായി അൽഖോറിൽ ഒരു ബീച്ച് പാർക്കും പ്രകൃതിസംരക്ഷണ കേന്ദ്രവും കൂടി സന്ദർശകർക്കായി തുറന്നു.

അൽഖോറിലെ അൽ ഖംറ ബീച്ച് പാർക്കും അൽ ശുആ നാച്വർ റിസർവുമാണ് നിയന്ത്രണങ്ങൾ പിൻവലിച്ചതോടെ തുറന്നത്. 13,000 ചതുരശ്രമീറ്റർ വിസ്​തൃതിയിലാണ് അൽ ശുആ നാച്വർ റിസർവിലെ ഹരിതാഭ മേഖല. ഇവിടെ 62 ഇനം മരങ്ങളും അറേബ്യൻ ഒറിക്സ്​, അപൂർവയിനം മാൻ, ഒട്ടകപക്ഷി പോലുള്ള ജീവികളും പ്രദർശനത്തിനുണ്ട്.

10,500 ചതുരശ്രമീറ്റർ വിസ്​തൃതിയിൽ വിശാലമായ അൽ ഖംറ ബീച്ച് പാർക്കിൽ 650 ചതുരശ്രമീറ്റർ വിസ്​തൃതിയിലാണ് പച്ചപ്പ് വിരിച്ചിരിക്കുന്നത്. വ്യത്യസ്​ത ഇനങ്ങളിലുള്ള തണൽമരങ്ങളും ഇവിടെ നട്ടുവളർത്തിയിട്ടുണ്ട്.