കു​റ്റ​കൃ​ത്യ​ങ്ങ​ളി​ല്ലാ​ത്ത നാ​ട്; ദോ​ഹ സേ​ഫാ​ണ്

ദോ​ഹ: കു​റ്റ​കൃ​ത്യ​ങ്ങ​ളും അ​ക്ര​മ​ങ്ങ​ളു​മി​ല്ലാ​തെ പൗ​ര​ന്മാ​ർ​ക്ക് സു​ര​ക്ഷി​ത ജീ​വി​ത​മൊ​രു​ക്കു​ന്ന രാ​ജ്യ​ങ്ങ​ളു​ടെ പ​ട്ടി​ക​യി​ൽ മു​ൻ​നി​ര​യി​ലെ സ്ഥാ​നം നി​ല​നി​ർ​ത്തി ഖ​ത്ത​ർ. ലോ​ക​ത്തെ ഏ​റ്റ​വും സു​ര​ക്ഷി​ത ന​ഗ​ര​ങ്ങ​ൾ സം​ബ​ന്ധി​ച്ച് നം​ബ​യോ പു​റ​ത്തി​റ​ക്കു​ന്ന പ​ട്ടി​ക​യി​ലാ​ണ് ഖ​ത്ത​റി​ന്റെ ത​ല​സ്ഥാ​ന​മാ​യ​ ദോ​ഹ ആ​ദ്യ മൂ​ന്നി​ലൊ​ന്നാ​യി ഇ​ടം പി​ടി​ച്ച​ത്. കു​റ്റ​കൃ​ത്യ നി​ര​ക്ക് ഏ​റ്റ​വും കു​റ​ഞ്ഞ അ​ബൂ​ദ​ബി, അ​ജ്മാ​ൻ എ​ന്നീ ന​ഗ​ര​ങ്ങ​ൾ​ക്ക് പി​ന്നി​ൽ മൂ​ന്നാം സ്ഥാ​ന​ത്താ​ണ് ദോഹ. നാ​ലാ​മ​ത് ദു​ബൈ ആ​ണ്.

ലോ​ക​ത്തെ ഏ​റ്റ​വും സു​ര​ക്ഷി​ത​മാ​യ നാ​ല് ന​ഗ​ര​ങ്ങ​ളും ഗ​ൾ​ഫ് രാ​ജ്യ​ങ്ങ​ളി​ലാ​ണെ​ന്ന പ്ര​ത്യേ​ക​ത​യു​മു​ണ്ട്. ഓ​ണ്‍ലൈ​ന്‍ ഡേ​റ്റ ബേ​സ് സ്ഥാ​പ​ന​മാ​യ നം​ബ​യോ ത​യാ​റാ​ക്കി​യ അ​ര്‍ധ​വാ​ര്‍ഷി​ക ക്രൈം ​ഇ​ന്‍ഡെ​ക്സി​ലാ​ണ് ജി.​സി.​സി ന​ഗ​ര​ങ്ങ​ള്‍ മി​ക​ച്ച പ്ര​ക​ട​നം കാ​ഴ്ച​വെ​ച്ച​ത്.

പ​ട്ട‌ി​ക പ്ര​കാ​രം ഏ​റ്റ​വും കു​റ്റ​കൃ​ത്യ​ങ്ങ​ള്‍ കു​റ​ഞ്ഞ ന​ഗ​ര​മാ​യ അ​ബൂ​ദ​ബി​യി​ൽ 11.8 ആ​ണ് ക്രൈം ​ഇ​ൻ​ഡ്ക്സ്. സു​ര​ക്ഷാ ഇ​ൻ​ഡ​ക്സ് 88.2ഉം ​അ​ട​യാ​ള​പ്പെ​ടു​ത്തു​ന്നു. ര​ണ്ടാം സ്ഥാ​ന​ത്തു​ള്ള അ​ജ്മാ​ന് ഇ​ത് 15.8ഉം, 84.2​ഉം ആ​ണ്. ഖ​ത്ത​ര്‍ ത​ല​സ്ഥാ​ന​മാ​യ ദോ​ഹ​യു​ടെ ക്രൈം ​ഇ​ന്‍ഡ​ക്സ് 16.1 ആ​ണ്. 83.9 ആ​ണ് സേ​ഫ്റ്റി ഇ​ൻ​ഡ​ക്സ്.

ആ​റാം സ്ഥാ​ന​ത്താ​യി റാ​സ് അ​ൽ ഖൈ​മ​യും ഏ​ഴാ​മ​താ​യി ഒ​മാ​നി​ലെ മ​സ്ക​ത്തും ഗ​ൾ​ഫ് മേ​ഖ​ല​യി​ൽ​നി​ന്നു​ണ്ട്. ഇ​ന്ത്യ​യി​ൽ​നി​ന്ന് മം​ഗ​ളൂ​രു​വി​ലാ​ണ് ഏ​റ്റ​വും കു​റ്റ​കൃ​ത്യ​നി​ര​ക്ക് കു​റ​ഞ്ഞ ന​ഗ​രം. ക​വ​ര്‍ച്ച, അ​ക്ര​മം, പൊ​തു​മു​ത​ല്‍ ന​ശി​പ്പി​ക്ക​ല്‍ എ​ന്നി​വ അ​ടി​സ്ഥാ​ന​മാ​ക്കി​യാ​ണ് പ​ട്ടി​ക ത​യാ​റാ​ക്കി​യി​രി​ക്കു​ന്ന​ത്.

കു​റ്റ​കൃ​ത്യ​ങ്ങ​ളു​ടെ നി​ര​ക്ക് 20ല്‍ ​കു​റ​ഞ്ഞ ന​ഗ​ര​ങ്ങ​ളെ ഏ​റ്റ​വും സു​ര​ക്ഷി​ത​മാ​യാ​ണ് ക​ണ​ക്കാ​ക്കു​ന്ന​ത്. ലോ​ക​ത്തി​ന്റെ വി​വി​ധ​ഭാ​ഗ​ങ്ങ​ളി​ലു​ള്ള 311 ന​ഗ​ര​ങ്ങ​ളാ​ണ് പ​ട്ടി​ക​യി​ലു​ള്ള​ത്. ദ​ക്ഷി​ണാ​ഫ്രി​ക്ക​ന്‍ ന​ഗ​ര​ങ്ങ​ളാ​യ പീ​റ്റ​ർ​മ​രി​റ്റ്ബ​ർ​ഗ്, പ്രി​ട്ടോ​റി​യ എ​ന്നി​വ​യാ​ണ് കു​റ്റ​കൃ​ത്യ​ങ്ങ​ള്‍ ഏ​റ്റ​വും കൂ​ടു​ത​ലു​ള്ള ന​ഗ​ര​ങ്ങ​ള്‍. വെ​നി​സ്വേ​ല​യി​ലെ ക​റാ​ക്ക​സ്, പാ​പ്വ ന്യൂ​ഗി​നി​യി​ലെ ​പോ​ർ​ട് മൂ​ർ​സ്ബെ, ദ​ക്ഷി​ണാ​ഫ്രി​ക്ക​യി​ലെ ജൊ​ഹാ​ന​സ് ബ​ർ​ഗ്, പോ​ർ​ട് എ​ലി​സ​ബ​ത് എ​ന്നി​വ​യും മു​ൻ​നി​ര​യി​ലു​ണ്ട്.

ക​ഴി​ഞ്ഞ വ​ര്‍ഷം മി​ഡി​ലീ​സ്റ്റ്, നോ​ര്‍ത്ത് ആ​ഫ്രി​ക്ക മേ​ഖ​ല​യി​ലെ ഏ​റ്റ​വും സു​ര​ക്ഷി​ത രാ​ജ്യ​മാ​യി ഖ​ത്ത​ര്‍ പ​ട്ടി​ക​യി​ല്‍ ഇ​ടം പി​ടി​ച്ചി​രു​ന്നു. 2021 മു​ത​ല്‍ 2024 വ​രെ​യു​ള്ള മൂ​ന്ന് വ​ര്‍ഷ​ത്തി​നി​ടെ രാ​ജ്യ​ത്തെ കു​റ്റ​കൃ​ത്യ​ങ്ങ​ളു​ടെ നി​ര​ക്ക് 17 ശ​ത​മാ​നം കു​റ​ഞ്ഞ​താ​യും ക​ണ​ക്കു​ക​ള്‍ സൂ​ചി​പ്പി​ക്കു​ന്നു.