അ​മീ​റി​ന് ഇ​ന്ത്യ​യി​ൽ ഊ​ഷ്മ​ള വ​ര​വേ​ൽ​പ്

ദോ​ഹ: ര​ണ്ടു​ദി​വ​സ​ത്തെ സ​ന്ദ​ർ​ശ​ന​ത്തി​ന് ഇ​ന്ത്യ​യി​ലെ​ത്തി​യ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​ക്ക് ത​ല​സ്ഥാ​ന​മാ​യ ന്യൂ​ഡ​ൽ​ഹി​യി​ൽ ഊ​ഷ്മ​ള വ​ര​വേ​ൽ​പ്. പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ ക്ഷ​ണം സ്വീ​ക​രി​ച്ച് എ​ത്തി​യ അ​മീ​റി​നെ ന്യൂ​ഡ​ൽ​ഹി​ അന്താരാഷ്ട്ര വി​മാ​ന​ത്താ​വ​ള​ത്തി​ൽ സ്വീ​ക​രി​ക്കാ​ൻ ന​രേ​ന്ദ്ര മോ​ദി നേ​രി​ട്ടെ​ത്തി. ഹസ്തദാനം നൽകിയ ശേഷം ആലിംഗനം ചെയ്താണ് മോദി അമീറിനെ സ്വാഗതം ചെയ്തത്. അമീറിന്റെ ഔദ്യോഗിക വിമാനത്തിന് സമീപമെത്തിയാണ് മോദി അദ്ദേഹത്തെ സ്വീകരിച്ചത്.

സാധാരണ പ്രോട്ടോക്കോള്‍ പ്രകാരം പ്രധാനമന്ത്രി ഇത്തരത്തില്‍ വിമാനത്താവളത്തില്‍ പോകാറില്ല. മോദി ഖത്തര്‍ അമീറിനെ സ്വീകരിച്ചത് പ്രത്യേക സുഹൃത്തിനായുള്ള പ്രത്യേക സ്വീകരണമാണെന്ന് വിദേശകാര്യ മന്ത്രാലയം വക്താവ് രണ്‍ധീര്‍ ജെയ്‌സ്വാള്‍ ട്വീറ്റ് ചെയ്തു.

തി​ങ്ക​ളാ​ഴ്ച രാ​ത്രി​യാ​ണ് അ​മീ​ർ ഇ​ന്ത്യ​യി​ലെ​ത്തി​യ​ത്. പ്ര​ധാ​ന​മ​ന്ത്രി​യും വി​ദേ​ശ​കാ​ര്യ മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​ൽ​റ​ഹ്മാ​ൻ ആ​ൽ​ഥാ​നി ഉ​ൾ​പ്പെ​ടെ മന്ത്രിമാർ, മുതിർന്ന ഉദ്യോഗസ്ഥർ, ഖത്തറിലെ വ്യാപാര വാണിജ്യ രംഗത്തെ പ്രമുഖർ ഉൾക്കൊള്ളുന്ന ഉന്നതതല സംഘം അമീറിനെ അനുഗമിക്കുന്നുണ്ട്.

ഇ​ന്ത്യ​ൻ വി​ദേ​ശ​കാ​ര്യ മ​ന്ത്രി എ​സ്. ജ​യ്ശ​ങ്ക​ർ, ഇ​ന്ത്യ​യി​ലെ ഖ​ത്ത​ർ അം​ബാ​സ​ഡ​ർ മു​ഹ​മ്മ​ദ് ബി​ൻ ഹ​സ​ൻ അ​ൽ ജാ​ബി​ർ, ഖ​ത്ത​റി​ലെ ഇ​ന്ത്യ​ൻ അം​ബാ​സ​ഡ​ർ വി​പു​ൽ, ഖ​ത്ത​ർ എം​ബ​സി ഉ​ദ്യോ​ഗ​സ്ഥ​ർ എ​ന്നി​വ​രും അ​മീ​റി​നെ സ്വീ​ക​രി​ക്കാ​ൻ ഉ​ണ്ടാ​യി​രു​ന്നു. രാ​ത്രി ജ​യ്ശ​ങ്ക​റി​ന്റെ വ​സ​തി​യി​ൽ അ​ദ്ദേ​ഹ​വു​മാ​യി അ​മീ​ർ കൂ​ടി​ക്കാ​ഴ്ച ന​ട​ത്തി. ഏ​റ്റ​വും പു​തി​യ പ്രാ​ദേ​ശി​ക, അ​ന്ത​ർ​ദേ​ശീ​യ സം​ഭ​വ​വി​കാ​സ​ങ്ങ​ൾ​ക്ക് പു​റ​മെ ഇ​രു​രാ​ജ്യ​ങ്ങ​ളും ത​മ്മി​ലെ ഉ​ഭ​യ​ക​ക്ഷി സ​ഹ​ക​ര​ണ ബ​ന്ധ​ങ്ങ​ളും ഇ​രു​വ​രും ച​ർ​ച്ച ചെ​യ്തു. പ്ര​ധാ​ന​മ​ന്ത്രി​യും വി​ദേ​ശ​കാ​ര്യ മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​ൽ​റ​ഹ്മാ​ൻ ആ​ൽ​ഥാ​നി​യും അ​നു​ഗ​മി​ക്കു​ന്ന ഔ​ദ്യോ​ഗി​ക പ്ര​തി​നി​ധി സം​ഘ​ത്തി​ലെ നി​ര​വ​ധി വി​ശി​ഷ്ട അം​ഗ​ങ്ങ​ളും യോ​ഗ​ത്തി​ൽ പ​ങ്കെ​ടു​ത്തു.2013ൽ ​​അ​​മീ​​റാ​​യി ചു​​മ​​ത​​ല​​യേ​​റ്റ​​തി​​നു പി​​ന്നാ​​ലെ 2015 മാ​ർ​ച്ചി​ലാ​​യി​​രു​​ന്നു ശൈ​​ഖ് ത​​മീം ബി​​ൻ ഹ​​മ​​ദ് ആ​​ൽ​ഥാ​​നി​​യു​​ടെ ആ​​ദ്യ ഇ​​ന്ത്യ സ​​ന്ദ​​ർ​​ശ​​നം.

ഖത്തറും ഇന്ത്യയും തമ്മിൽ പതിറ്റാണ്ടുകൾ നീണ്ട ബന്ധം

ദോഹ: ഖ​ത്ത​റും ഇ​ന്ത്യ​യും പ​ര​സ്പ​ര താ​ൽ​പ​ര്യ​ങ്ങ​ൾ, വി​ശ്വാ​സം, ബ​ഹു​മാ​നം, ഫ​ല​പ്ര​ദ​മാ​യ സ​ഹ​ക​ര​ണം എ​ന്നി​വ​യെ അ​ടി​സ്ഥാ​ന​മാ​ക്കി ദ​ശാ​ബ്ദ​ങ്ങ​ൾ നീ​ണ്ട നയത​ന്ത്ര​പ​ര​മാ​യ ബ​ന്ധ​മാ​ണ് പ​ങ്കി​ടു​ന്ന​ത്. ഇ​രു രാ​ജ്യ​ങ്ങ​ളും ഈ ​ബ​ന്ധ​ങ്ങ​ളെ ജ​ന​ങ്ങ​ളു​ടെ അ​ഭി​ലാ​ഷ​ങ്ങ​ൾ നി​റ​വേ​റ്റു​ന്ന പു​തി​യ ഉ​യ​ര​ങ്ങ​ളി​ലേ​ക്ക് ന​യി​ക്കാ​ൻ ആ​ഗ്ര​ഹി​ക്കു​ന്നു. ലോ​ക​മെ​മ്പാ​ടു​മു​ള്ള വി​വി​ധ സ​ജീ​വ രാ​ഷ്ട്രീ​യ-​സാ​മ്പ​ത്തി​ക ശ​ക്തി​ക​ളു​മാ​യി ഖ​ത്ത​റി​ന്റെ നയത​ന്ത്ര​പ​ര​മാ​യ ബ​ന്ധം വി​പു​ലീ​ക​രി​ക്കാ​നു​ള്ള അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​യു​ടെ താ​ൽ​പ​ര്യ​വു​മാ​യി ഒ​ത്തു​ചേ​രു​ന്ന സു​പ്ര​ധാ​ന നി​മി​ഷ​ത്തി​ലാ​ണ് അ​ദ്ദേ​ഹ​ത്തി​ന്റെ ഇ​ന്ത്യ​യി​ലേ​ക്കു​ള്ള ര​ണ്ടാ​മ​ത് സ​ന്ദ​ർ​ശ​നം.

പു​ന​രു​പ​യോ​ഗ ഊ​ർ​ജം, സാ​മ്പ​ത്തി​ക സാ​ങ്കേ​തി​ക​വി​ദ്യ, ആ​ർ​ട്ടി​ഫി​ഷ്യ​ൽ ഇ​ന്റ​ലി​ജ​ൻ​സ്, ഇ​ന്ന​വേ​ഷ​ൻ എ​ന്നി​വ​യു​ൾ​പ്പെ​ടെ സാ​മ്പ​ത്തി​ക, നി​ക്ഷേ​പ സ​ഹ​ക​ര​ണ​ത്തി​ന്റെ കൂ​ടു​ത​ൽ മേ​ഖ​ല​ക​ളും ച​ർ​ച്ച ചെ​യ്യും.

വി​വി​ധ മേ​ഖ​ല​ക​ളി​ലെ ഉ​ഭ​യ​ക​ക്ഷി ബ​ന്ധ​ങ്ങ​ളി​ൽ കൂ​ടു​ത​ൽ വ​ള​ർ​ച്ച​യും സ​മൃ​ദ്ധി​യും വാ​ഗ്ദാ​നം ചെ​യ്യു​ന്ന പ്രാ​ദേ​ശി​ക, അ​ന്ത​ർ​ദേ​ശീ​യ രം​ഗ​ങ്ങ​ളി​ൽ ഇ​രു രാ​ജ്യ​ങ്ങ​ളും വ​ഹി​ക്കു​ന്ന വി​ശി​ഷ്ട​മാ​യ പ​ങ്ക് ക​ണ​ക്കി​ലെ​ടു​ക്കു​മ്പോ​ൾ സ​ന്ദ​ർ​ശ​ന​ത്തി​ന് പ്ര​ത്യേ​ക പ്രാ​ധാ​ന്യ​മു​ണ്ട്.

1970ക​ളു​ടെ തു​ട​ക്ക​ത്തി​ൽ ഇ​രു​രാ​ജ്യ​ങ്ങ​ളും ത​ങ്ങ​ളു​ടെ ന​യ​ത​ന്ത്ര​ബ​ന്ധം സ്ഥാ​പി​ച്ചി​രു​ന്നു. ഇ​രു രാ​ജ്യ​ങ്ങ​ളും രാ​ഷ്ട്രീ​യ ആ​ശ​യ​വി​നി​മ​യ​ങ്ങ​ൾ, ഊ​ർ​ജ സ​ഹ​ക​ര​ണം, സാ​മ്പ​ത്തി​ക, സാം​സ്കാ​രി​ക, വി​ദ്യാ​ഭ്യാ​സ വി​നി​മ​യ​ങ്ങ​ൾ എ​ന്നി​വ ഉ​ൾ​ക്കൊ​ള്ളു​ന്ന ബ​ഹു​മു​ഖ ബ​ന്ധം രൂ​പ​പ്പെ​ടു​ത്തു​ന്ന​തി​ന് അ​ഞ്ച് പ​തി​റ്റാ​ണ്ടു​ക​ളാ​യി പ​രി​ണ​മി​ച്ച ന​യ​ത​ന്ത്ര ബ​ന്ധ​ങ്ങ​ളു​ടെ 50ാം വാ​ർ​ഷി​കം 2023ൽ ​ആ​ഘോ​ഷി​ച്ചി​രു​ന്നു.

2015 മാ​ർ​ച്ചി​ൽ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​യു​ടെ ഇ​ന്ത്യ സ​ന്ദ​ർ​ശ​ന​ത്തെ​ത്തു​ട​ർ​ന്ന് ഖ​ത്ത​ർ-​ഇ​ന്ത്യ ബ​ന്ധം ശ്ര​ദ്ധേ​യ​മാ​യി വി​ക​സി​ച്ചു. ഇ​ത് ഉ​ഭ​യ​ക​ക്ഷി ബ​ന്ധ​ങ്ങ​ൾ​ക്ക് ശ​ക്ത​മാ​യ പ്ര​ചോ​ദ​നം ന​ൽ​കു​ക​യും ബ​ന്ധ​ങ്ങ​ളു​ടെ പു​തി​യ ഘ​ട്ട​ത്തി​ന് അ​ടി​ത്ത​റ​യി​ടു​ക​യും ചെ​യ്തു. ഈ ​സ​ന്ദ​ർ​ശ​ന വേ​ള​യി​ൽ നി​ര​വ​ധി ക​രാ​റു​ക​ളി​ൽ ഒ​പ്പു​വെ​ച്ചു. കൂ​ടാ​തെ, നി​ല​വി​ലെ ഉ​ഭ​യ​ക​ക്ഷി ബ​ന്ധ​ങ്ങ​ളി​ൽ സം​തൃ​പ്തി പ്ര​ക​ടി​പ്പി​ക്കു​ന്ന സം​യു​ക്ത പ്ര​സ്താ​വ​ന​യും ഉ​ണ്ടാ​യി. ഇ​ത് പ​തി​വ് ഉ​ന്ന​ത​ത​ല സ​ന്ദ​ർ​ശ​ന​ങ്ങ​ളാ​ൽ കൂ​ടു​ത​ൽ ശ​ക്തി​പ്പെ​ടു​ത്തി വ​രു​ന്നു.1999, 2005, 2012 വ​ർ​ഷ​ങ്ങ​ളി​ൽ പി​താ​വ് അ​മീ​ർ ശൈ​ഖ് ഹ​മ​ദ് ബി​ൻ ഖ​ലീ​ഫ ആ​ൽ​ഥാ​നി മൂ​ന്ന് ഔ​ദ്യോ​ഗി​ക സ​ന്ദ​ർ​ശ​ന​ങ്ങ​ൾ ന​ട​ത്തി. ഉ​ഭ​യ​ക​ക്ഷി ബ​ന്ധം കൂ​ടു​ത​ൽ ശ​ക്തി​പ്പെ​ടു​ത്തു​ന്ന​തി​ന് സം​ഭാ​വ​ന ന​ൽ​കി.

വ്യാ​പാ​രം, നി​ക്ഷേ​പം, ഊ​ർ​ജം, പ്ര​തി​രോ​ധം, തൊ​ഴി​ൽ എ​ന്നീ മേ​ഖ​ല​ക​ളി​ലെ ഫ​ല​പ്ര​ദ​മാ​യ സ്ഥാ​പ​ന സം​വി​ധാ​ന​ങ്ങ​ളെ ഇ​രു​പ​ക്ഷ​വും പ്ര​ശം​സി​ക്കു​ക​യും സ​ഹ​ക​ര​ണം വ​ർ​ധി​പ്പി​ക്കു​ന്ന​തി​ന് പ​തി​വാ​യി സം​യു​ക്ത വ​ർ​ക്കി​ങ് ഗ്രൂ​പ് യോ​ഗ​ങ്ങ​ൾ ന​ട​ത്തു​ന്ന​ത് തു​ട​രേ​ണ്ട​തി​ന്റെ ആ​വ​ശ്യ​ക​ത ഊ​ന്നി​പ്പ​റ​യു​ക​യും ചെ​യ്തു.

പ്ര​വാ​സി ഇ​ന്ത്യ​ക്കാ​ർ​ക്കും അ​ഭി​മാ​നി​ക്കാ​നേ​റെ

ദോ​ഹ: അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​യു​ടെ ഇ​ന്ത്യ സ​ന്ദ​ർ​ശ​ന​ത്തി​ൽ പ്ര​വാ​സി​ക​ളാ​യ ഇ​ന്ത്യ​ക്കാ​ർ​ക്കും അ​ഭി​മാ​നി​ക്കാ​നേ​റെ. ഖ​​ത്ത​​റി​​ലെ ജ​​ന​​സം​​ഖ്യ​​യു​​ടെ 30 ശ​​ത​​മാ​​ന​​ത്തോ​​ളം വ​​രും ഇ​​ന്ത്യ​​ക്കാ​ർ. 8.35 ല​​ക്ഷം ഇ​​ന്ത്യ​​ക്കാ​​രാ​​ണ് ഖ​​ത്ത​​റി​​ൽ പ്ര​​വാ​​സി​​ക​​ളാ​​യു​​ള്ള​​ത്.ഖ​​ത്ത​​റി​​ലെ ഏ​​റ്റ​​വും വ​​ലി​​യ പ്ര​​വാ​​സി​ സ​​മൂ​​ഹ​​മാ​​യ ഇ​​ന്ത്യ​​ൻ സ​​മൂ​​ഹം ഖ​​ത്ത​​റി​​ന്റെ വ​​ള​​ർ​​ച്ച​​യി​​ലും വി​​ക​​സ​​ന​​ത്തി​​ലും വ​​ലി​​യ സം​​ഭാ​​വ​​ന​​ക​​ളാ​​ണ് അ​​ർ​​പ്പി​​ക്കു​​ന്ന​​ത്. 1400 കോ​​ടി ​ഡോ​​ള​​ർ മൂ​​ല്യ​​വു​​മാ​​യി ഇ​​ന്ത്യ​​ക്കും ഖ​​ത്ത​​റി​​നു​​മി​​ട​​യി​​ൽ വ്യാ​​പാ​​ര​​ബ​​ന്ധ​വും സു​​ദൃ​​ഢ​​മാ​​ണ്.

ഇ​​ന്ത്യ​​ൻ പ്ര​​ധാ​​ന​​മ​​ന്ത്രി ന​​രേ​​ന്ദ്ര മോ​​ദി 2016ലും ​​ഏ​​റ്റ​​വും ഒ​​ടു​​വി​​ലാ​​യി 2024 ഫെ​​ബ്രു​​വ​​രി​​യി​​ലും ഖ​​ത്ത​​ർ സ​​ന്ദ​​ർ​​ശി​​ച്ചി​രു​ന്നു. ക​​ഴി​​ഞ്ഞ വ​​ർ​​ഷം ഫെ​​ബ്രു​​വ​​രി 14, 15 തീ​​യ​​തി​​ക​​ളി​​ൽ ഖ​​ത്ത​​ർ സ​​ന്ദ​​ർ​​ശി​​ച്ച ഇ​​ന്ത്യ​​ൻ പ്ര​​ധാ​​ന​​മ​​ന്ത്രി​​ക്ക് ഊ​​ഷ്മ​​ള​ വ​​ര​​വേ​​ൽ​​പാ​​ണ് ദോ​​ഹ​​യി​​ൽ ല​​ഭി​​ച്ച​ത്. സ​​ന്ദ​​ർ​​ശ​​ന​​വേ​​ള​​യി​​ൽ അ​​മീ​​റി​​നെ ഇ​​ന്ത്യ സ​​ന്ദ​​ർ​​ശി​​ക്കാ​​ൻ മോ​​ദി ക്ഷ​​ണി​​ച്ചി​രു​​ന്നു. ഖ​​ത്ത​​റും ഇ​​ന്ത്യ​​യും ത​​മ്മി​​ൽ ന​​യ​​ത​​ന്ത്ര, വ്യാ​​പാ​​ര മേ​​ഖ​​ല​​യി​​ൽ ഊ​​ഷ്മ​​ള​​മാ​​യ ബ​​ന്ധം നി​​ല​​നി​​ൽ​​ക്കു​​ന്ന ഘ​​ട്ട​​ത്തി​​ലാ​​ണ് ഖ​​ത്ത​​ർ അ​​മീ​​റി​​ന്റെ ന്യൂ​​ഡ​​ൽ​​ഹി സ​​ന്ദ​​ർ​​ശ​​നം.

ഇ​​ന്ത്യ​​യു​​ടെ ഊ​​ർ​​ജ സു​​ര​​ക്ഷ​​യു​​ടെ പ്ര​​ധാ​​ന പ​​ങ്കാ​​ളി​ കൂ​​ടി​​യാ​​ണ് ഖ​​ത്ത​​ർ. 2022-23 വ​​ർ​​ഷ​​ങ്ങ​​ളി​​ൽ 1900 കോ​​ടി ഡോ​​ള​​റി​​ന്റെ വ്യാ​​പാ​​ര​​മാ​​ണ് ഇ​​രു രാ​​ജ്യ​​ങ്ങ​​ൾ​​ക്കു​​മി​​ട​​യി​​ൽ ന​​ട​​ന്ന​​ത്. ഖ​​ത്ത​​ർ എ​​ന​​ർ​​ജി​​യും ഇ​​ന്ത്യ​​യു​​ടെ ഊ​​ർ​​ജ​​വി​​ത​​ര​​ണ​​ക്കാ​​രാ​​യ പെ​​ട്രോ​​നെ​​റ്റ് എ​​ൽ.​​എ​​ൻ.​​ജി​​യും 20 വ​​ർ​​ഷ​​ത്തെ ദ്ര​​വീ​​കൃ​​ത പ്ര​​കൃ​​തി വാ​​ത​​ക വി​​ത​​ര​​ണ​​ത്തി​​ലും ക​​രാ​​റി​​ലെ​​ത്തി​​യി​​രു​​ന്നു.

2028 മു​​ത​​ൽ 20 വ​​ർ​​ഷ​​ത്തേ​​ക്ക് 75 ല​​ക്ഷം ട​​ൺ ദ്ര​​വീ​​കൃ​​ത പ്ര​​കൃ​​തി​​വാ​​ത​​കം കൈ​​മാ​​റു​​ന്ന ക​​രാ​​റാ​​ണ് ക​​ഴി​​ഞ്ഞ വ​​ർ​​ഷം പ്രാ​​ബ​​ല്യ​​ത്തി​​ൽ വ​​ന്ന​​ത്. ​‘ഗെ​​യ്‍ലി’​​ന് ‘ദ്ര​​വീ​​കൃ​​ത പ്ര​​കൃ​​തി​​വാ​​ത​​കം’ ന​​ൽ​​കാ​​ൻ ഖ​​ത്ത​​ർ എ​​ന​​ർ​​ജി​​യു​​മാ​​യി അ​​ഞ്ചു​​വ​​ർ​​ഷ ക​​രാ​​ർ അ​​ടു​​ത്തി​​ടെ ഒ​​പ്പു​​വെ​​ച്ചു. ഖ​​ത്ത​​റി​​ൽ​​നി​​ന്ന് നാ​​ഫ്ത വി​​ത​​ര​​ണ​​ത്തി​​ന് ഇ​​ന്ത്യ​​ൻ ക​​മ്പ​​നി​​യാ​​യ ഹാ​​ൽ​​ഡി​​യ പെ​​ട്രോ​​കെ​​മി​​ക്ക​​ൽ​​സും ക​​രാ​​റി​​ലെ​​ത്തി.