യാ​ത്ര​ക്കാ​ർ​ക്ക് ആ​ശ്വാ​സം; വി​മാ​ന സ​ർ​വി​സ് പ​ഴ​യ​പ​ടി

ദോ​ഹ: മൂ​ന്നു ദി​വ​സ​ത്തോ​ളം നീ​ണ്ട അ​നി​ശ്ചി​ത​ത്വ​ത്തി​നും ദു​രി​ത​പൂ​ർ​ണ​മാ​യ യാ​ത്ര​ക്കു​മൊ​ടു​വി​ൽ ശ​നി​യാ​ഴ്ച​യോ​ടെ കേ​ര​ള​ത്തി​ൽ​നി​ന്നു​ള്ള എ​യ​ർ ഇ​ന്ത്യ എ​ക്സ്പ്ര​സി​ന്റെ ദോ​ഹ സ​ർ​വി​സു​ക​ൾ സാ​ധാ​ര​ണ നി​ല​യി​ലാ​യി. ബു​ധ​ൻ, വ്യാ​ഴം, വെ​ള്ളി ദി​വ​സ​ങ്ങ​ളി​ൽ മു​ട​ങ്ങി​യ വി​മാ​ന​ങ്ങ​ളെ​ല്ലാം ​ശ​നി​യാ​ഴ്ച പ​തി​വു​പോ​ലെ സ​ർ​വി​സ് ന​ട​ത്തി. ദോ​ഹ-​കോ​ഴി​ക്കോ​ട് ഐ.​എ​ക്സ് 376, ദോ​ഹ -ക​ണ്ണൂ​ർ ഐ.​എ​ക്സ് 774, ദോ​ഹ-​കൊ​ച്ചി​ൻ ഐ.​എ​ക്സ് 476 വി​മാ​ന​ങ്ങ​ൾ ​ശ​നി​യാ​ഴ്ച മു​ട​ക്ക​മി​ല്ലാ​തെ പ​റ​ന്ന​ത് യാ​ത്ര​ക്കാ​ർ​ക്ക് ആ​ശ്വാ​സ​മാ​യി. കോ​ഴി​ക്കോ​ട്, ക​ണ്ണൂ​ർ വി​മാ​ന​ത്ത​വ​ള​ങ്ങ​ളി​ൽ​നി​ന്നു​ള്ള എ​യ​ർ ഇ​ന്ത്യ എ​ക്സ്പ്ര​സ് നി​ശ്ചി​ത സ​മ​യ​ത്തു​ത​ന്നെ ദോ​ഹ​യി​ലെ​ത്തി​യി​രു​ന്നു. രാ​ത്രി​യു​ള്ള കൊ​ച്ചി വി​മാ​നം ഒ​രു മ​ണി​ക്കൂ​റി​ലേ​റെ വൈ​കി​യാ​ണ് എ​ത്തി​യ​ത് എ​ന്ന​തൊ​ഴി​ച്ചാ​ൽ സ​ർ​വി​സ് സാ​ധാ​ര​ണ നി​ല​യി​ലെ​ത്തി.

ക​ഴി​ഞ്ഞ മൂ​ന്നു​ദി​വ​സ​ങ്ങ​ളി​ലാ​യി എ​ട്ടു വി​മാ​ന​ങ്ങ​ളാ​ണ് ദോ​ഹ​യി​ൽ​നി​ന്ന് റ​ദ്ദാ​ക്കി​യ​ത്. നേ​ര​ത്തേ ടി​ക്ക​റ്റ് എ​ടു​ത്ത ആ​യി​ര​ത്തി​ലേ​റെ യാ​ത്ര​ക്കാ​രാ​ണ് ഇ​തു​കാ​ര​ണം പെ​രു​വ​ഴി​യി​ലാ​യ​ത്. ചി​ല​ർ നാ​ട്ടി​ലേ​ക്കു​ള്ള യാ​ത്ര നീ​ട്ടി​വെ​ച്ച​പ്പോ​ൾ, വാ​ർ​ഷി​കാ​വ​ധി​ക്കും അ​ടി​യ​ന്ത​ര സാ​ഹ​ച​ര്യ​ങ്ങ​ളി​ലു​മാ​യി നാ​ട്ടി​ലേ​ക്ക് പു​റ​പ്പെ​ടാ​നി​രു​ന്ന​വ​ർ അ​ധി​ക നി​ര​ക്ക് ന​ൽ​കി മ​റ്റു​വി​മാ​ന​ങ്ങ​ളെ ആ​ശ്ര​യി​ച്ചാ​ണ് ല​ക്ഷ്യ​സ്ഥാ​ന​ങ്ങ​ളി​ലെ​ത്തി​യ​ത്. ആ​ശു​പ​ത്രി ചി​കി​ത്സ​ക്കാ​യി അ​ടി​യ​ന്ത​ര സാ​ഹ​ച​ര്യ​ത്തി​ൽ നാ​ട്ടി​ൽ പോ​കേ​ണ്ടി​യി​രു​ന്ന​വ​രും സം​ഘ​ത്തി​ലു​ണ്ടാ​യി​രു​ന്നു. അ​തേ​സ​മ​യം, ക​ഴി​ഞ്ഞ ദി​വ​സ​ങ്ങ​ളി​ൽ ഇ​ന്ത്യ​യി​ലേ​ക്കു​ള്ള ബ​ജ​റ്റ് എ​യ​ർ​ലൈ​ൻ​സ്, വി​ദേ​ശ വി​മാ​ന ക​മ്പ​നി​ക​ൾ എ​ന്നി​വ​യു​ടെ ടി​ക്ക​റ്റ് നി​ര​ക്ക് കു​ത്ത​നെ ഉ​യ​രു​ക​യും ചെ​യ്തു.