തി​രു​വ​ന​ന്ത​പു​രം വി​മാ​ന​ത്താ​വ​ളം യൂ​സ​ർ​ഫീ വ​ർ​ധ​ന പ്ര​വാ​സി​ക​ൾ​ക്ക്​ തി​രി​ച്ച​ടി

ദോ​ഹ: അ​ദാ​നി ഗ്രൂ​പ് ഏ​റ്റെ​ടു​ത്ത തി​രു​വ​ന​ന്ത​പു​രം അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലെ യൂ​സ​ർ​ഫീ വ​ർ​ധ​ന തെ​ക്ക​ൻ കേ​ര​ള​ത്തി​ലെ പ്ര​വാ​സി​ക​ൾ​ക്ക് ക​ന​ത്ത തി​രി​ച്ച​ടി. വി​മാ​ന​ങ്ങ​ളു​ടെ ലാ​ൻ​ഡി​ങ് ഫീ ​ഉ​​ൾ​പ്പെ​ടെ മ​റ്റു ഫീ​സു​ക​ളു​ടെ വ​ർ​ധ​ന​യും ടി​ക്ക​റ്റ് നി​ര​ക്ക് വ​ർ​ധ​ന​യു​ടെ രൂ​പ​ത്തി​ൽ പ്ര​വാ​സി​ക​ൾ ത​ന്നെ വ​ഹി​ക്കേ​ണ്ടി​വ​രും. വി​മാ​ന​ത്താ​വ​ള​ത്തി​ൽ ആ​ദ്യ​മാ​യി വ​ന്നി​റ​ങ്ങു​ന്ന​വ​ർ​ക്കും യൂ​സ​ർ​ഫീ ബാ​ധ​ക​മാ​ക്കി. നി​ല​വി​ൽ ആ​ഭ്യ​ന്ത​ര യാ​ത്ര​ക്കാ​ർ​ക്ക്​ 506 രൂ​പ​യും അ​ന്താ​രാ​ഷ്ട്ര യാ​ത്ര​ക്കാ​ർ​ക്ക്​ 1069 രൂ​പ​യു​മാ​ണ്​ യൂ​സ​ർ​ഫീ. പു​തു​ക്കി​യ നി​ര​ക്ക​നു​സ​രി​ച്ച്​ ജൂ​ലൈ​ ഒ​ന്നു മു​ത​ൽ അ​ടു​ത്ത വ​ർ​ഷം മാ​ർ​ച്ച്​ 31 വ​രെ യാ​ത്ര തു​ട​ങ്ങു​ന്ന ആ​ഭ്യ​ന്ത​ര യാ​ത്ര​ക്കാ​ർ 770 രൂ​പ​യും വ​ന്നി​റ​ങ്ങു​ന്ന​വ​ർ 330 രൂ​പ​യും ന​ൽ​ക​ണം. 2025-26 വ​ർ​ഷം ഇ​ത്​ യ​ഥാ​ക്ര​മം 840ഉും 360​ഉം ആ​യി വ​ർ​ധി​ക്കും. 2026-27 വ​ർ​ഷം ഇ​ത്​ 910ഉും 390​ഉും ആ​യി ഉ​യ​രും.

തി​രു​വ​ന​ന്ത​പു​ര​ത്തു​നി​ന്ന് പു​റ​പ്പെ​ടു​ന്ന അ​ന്താ​രാ​ഷ്​​ട്ര യാ​ത്ര​ക്കാ​ർ​ക്ക്​ ഇ​ത്​ യ​ഥാ​ക്ര​മം 1540, 1680, 1820 എ​ന്നി​ങ്ങ​നെ​യാ​ണ്​ വ​ർ​ധി​പ്പി​ച്ച​ത്. വി​ദേ​ശ​ത്തു​നി​ന്ന്​ വ​ന്നി​റ​ങ്ങു​ന്ന​വ​ർ 660, 720, 780 എ​ന്നി​ങ്ങ​നെ ന​ൽ​കേ​ണ്ടി വ​രും. വി​മാ​ന​ങ്ങ​ളു​ടെ ലാ​ൻ​ഡി​ങ്​ ചാ​ർ​ജ്​ ഒ​രു മെ​ട്രി​ക്​ ട​ണ്ണി​ന്​ 309 എ​ന്ന​ത്​ മൂ​ന്നി​ര​ട്ടി​യോ​ളം വ​ർ​ധി​പ്പി​ച്ച്​ 890 രൂ​പ​യാ​ക്കി​യി​ട്ടു​ണ്ട്. അ​ടു​ത്ത സാ​മ്പ​ത്തി​ക വ​ർ​ഷ​ങ്ങ​ളി​ൽ ഇ​ത്​ 14,00ഉം 1650 ​മാ​യി വ​ർ​ധി​പ്പി​ക്കാം. വി​മാ​ന​ത്താ​വ​ള​ത്തി​ൽ സ​ർ​വി​സ്​ ന​ട​ത്തു​ന്ന ക​മ്പ​നി​ക​ൾ ന​ൽ​കേ​ണ്ട ലാ​ൻ​ഡി​ങ്​​ ചാ​ർ​ജും വ​ർ​ധി​പ്പി​ച്ചു. വി​മാ​ന​ക്ക​മ്പ​നി​ക​ൾ​ക്ക്​ 2200 രൂ​പ ഇ​ന്ധ​ന സ​ർ​ചാ​ർ​ജും ഏ​ർ​പ്പെ​ടു​ത്തി​യി​ട്ടു​ണ്ട്. നി​ര​ക്ക്​ വ​ർ​ധ​ന​യു​ടെ ന​ഷ്ടം നി​ക​ത്താ​ൻ വി​മാ​ന​ക്ക​മ്പ​നി​ക​ൾ ഉ​ട​ൻ ടി​ക്ക​റ്റ്​ നി​ര​ക്ക്​ ഉ​യ​ർ​ത്തും. ജി.​സി.​സി രാ​ജ്യ​ങ്ങ​ളി​ൽ വേ​ന​ല​വ​ധി ആ​രം​ഭി​ക്കു​ന്ന​തി​നാ​ൽ ടി​ക്ക​റ്റ്​ നി​ര​ക്ക്​ ക​മ്പ​നി​ക​ൾ ഉ​യ​ർ​ത്തി​യി​രി​ക്കു​ക​യാ​ണ്. ഇ​തി​നൊ​പ്പം യൂ​സ​ർ​ഫീ കൂ​ടി വ​രു​മ്പോ​ൾ താ​ങ്ങാ​വു​ന്ന​തി​ല​പ്പു​റ​മാ​വും ടി​ക്ക​റ്റ്​ നി​ര​ക്ക്. എ​യ​ർ​പോ​ർ​ട്ട്​ ഇ​ക്ക​ണോ​മി​ക്​ റെ​ഗു​ലേ​റ്റ​റി അ​തോ​റി​റ്റി​യാ​ണ്​ (എ.​ഇ.​ആ​ർ.​എ) വി​മാ​ന​ത്താ​വ​ള​ങ്ങ​ളു​ടെ യൂ​സ​ർ ഡെ​വ​ല​പ്​​മെ​ന്‍റ്​ ഫീ (​യു.​ഡി.​എ​സ്) നി​ശ്ച​യി​ക്കു​ന്ന​ത്. ഓ​രോ അ​ഞ്ചു വ​ർ​ഷം കൂ​ടു​മ്പോ​ൾ വി​മാ​ന​ത്താ​വ​ള​ങ്ങ​ളി​ൽ ന​ട​ത്താ​ൻ ല​ക്ഷ്യ​മി​ടു​ന്ന പ​ദ്ധ​തി​ക​ളും ഇ​തി​നാ​യു​ള്ള നി​ക്ഷേ​പ​ത്തു​ക​യും പ​രി​ഗ​ണി​ച്ചാ​ണ്​ അ​ഞ്ചു വ​ർ​ഷ​ത്തേ​ക്ക്​ മ​ൾ​ട്ടി ഇ​യ​ർ താ​രി​ഫ്​ പ്ര​പ്പോ​സ​ൽ നി​ശ്ച​യി​ക്കു​ന്ന​ത്. 2021 മു​ത​ൽ 25 വ​രെ​യു​ള്ള സാ​മ്പ​ത്തി​ക വ​ർ​ഷ​ത്തെ താ​രി​ഫാ​ണ്​ ഇ​പ്പോ​ൾ നി​ശ്ച​യി​ച്ചി​രി​ക്കു​ന്ന​ത്.

തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ലെ യൂ​സ​ർ​ഫീ കു​ത്ത​നെ ഉ​യ​ർ​ത്തി​യ​ത് പ്ര​തി​ഷേ​ധാ​ർ​ഹ​മാ​ണെ​ന്നും തെ​ക്ക​ൻ കേ​ര​ള​ത്തി​ലെ പ്ര​വാ​സി​ക​ളെ​യാ​ണ് ഇ​ത് ഏ​റ്റ​വു​മ​ധി​കം ബാ​ധി​ക്കു​ക​യെ​ന്നും ഫ്ര​ണ്ട്സ് ഓ​ഫ് തി​രു​വ​ല്ല പ്ര​സി​ഡ​ന്റ് ജി​ജി ജോ​ൺ പ്ര​തി​ക​രി​ച്ചു. അ​ടി​ക്ക​ടി ഉ​യ​രു​ന്ന വി​മാ​ന ടി​ക്ക​റ്റ്​ വ​ർ​ധ​ന മൂ​ലം ന​ടു​വൊ​ടി​ഞ്ഞ പ്ര​വാ​സി​ക​ൾ​ക്ക്​ വീ​ണ്ടും നി​ര​ക്ക് വ​ർ​ധ​ന​ക്ക് ക​ള​മൊ​രു​ങ്ങു​ന്ന​ത് ഇ​രു​ട്ട​ടി ത​ന്നെ​യാ​ണെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു. തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ലെ അ​നീ​തി​യാ​ണെ​ന്നും പി​ൻ​വ​ലി​ക്ക​ണ​മെ​ന്നും തി​രു​വ​ന​ന്ത​പു​രം ഇ​ന്റ​ര്‍നാ​ഷ​ന​ല്‍ എ​യ​ര്‍പോ​ര്‍ട്ട് യു​സേ​ര്സ് ഫോ​റം ഇ​ന്‍ ഖ​ത്ത​ര്‍ (തൗ​ഫി​ക്ക്) അ​ബ്ദു​ൽ റ​ഊ​ഫ് കൊ​ണ്ടോ​ട്ടി പ​റ​ഞ്ഞു.

എ​യ​ർ​പോ​ർ​ട്ട് റെ​ഗു​ലേ​റ്റ​റി അ​തോ​റി​റ്റി ഓ​ഫ് ഇ​ന്ത്യ യൂ​സ​ർ ഡെ​വ​ല​പ്മെ​ന്റ് ഫീ ​അ​ട​ക്കം നി​ര​വ​ധി താ​രി​ഫു​ക​ളെ സം​ബ​ന്ധി​ച്ച് ക​ൺ​സ​ൾ​ട്ടേ​ഷ​ൻ പേ​പ്പ​ർ ഇ​റ​ക്കു​ക​യും ജ​ന​പ്ര​തി​നി​ധി​ക​ളും യാ​ത്ര​ക്കാ​ർ​ക്കും പ​രാ​തി അ​റി​യി​ക്കാ​ൻ സ​മ​യം ന​ൽ​കു​ക​യും ചെ​യ്യാ​റു​ണ്ട്. ഇ​ത്ത​വ​ണ അ​തു​ണ്ടാ​യി​ല്ലെ​ന്നാ​ണ് മ​ന​സ്സി​ലാ​ക്കു​ന്ന​ത്. യ​ഥാ​സ​മ​യം പ്ര​തി​ക​ര​ണം അ​റി​യി​ക്കാ​ൻ പ്ര​വാ​സി​ക​ളും ജ​ന​പ്ര​തി​നി​ധി​ക​ളും മാ​ധ്യ​മ​ങ്ങ​ളും അ​ട​ക്കം ത​യാ​റാ​ക​ണ​മെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു.