അൽ ഖഫൂസ്​ സ്​ട്രീറ്റ്​ തുറന്ന്​ അശ്​ഗാൽ

ദോ​ഹ: മു​ഴു​വ​ൻ നി​ർ​മാ​ണ​വും പൂ​ർ​ത്തി​യാ​ക്കി​യ അ​ൽ ഖു​ഫൂ​സ്​ സ്​​ട്രീ​റ്റും ലി​ങ്ക്​ റോ​ഡു​ക​ളും ഗ​താ​ഗ​ത​ത്തി​നാ​യി തു​റ​ന്നു ന​ൽ​കി​യ​താ​യി പൊ​തു​മ​രാ​മ​ത്ത്​ വി​ഭാ​ഗ​മാ​യ അ​ശ്​​ഗാ​ൽ അ​റി​യി​ച്ചു.

6.2 കി.​മീ നീ​ള​ത്തി​ലാ​ണ്​ മു​റൈ​ഖ്, മു​ഹൈ​ര്‍ജ, ലു​ഐ​ബ് എ​ന്നീ പ്ര​ദേ​ശ​ങ്ങ​ളെ വി​ദ്യാ​ഭ്യാ​സ, കാ​യി​ക, വാ​ണി​ജ്യ സൗ​ക​ര്യ​ങ്ങ​ളു​മാ​യി ബ​ന്ധി​പ്പി​ക്കു​ന്ന റോ​ഡി​ന്‍റെ നി​ർ​മാ​ണം. 3,700 മീ​റ്റ​ര്‍ നീ​ള​മു​ള്ള അ​ല്‍ ഖു​ഫൂ​സ് സ്ട്രീ​റ്റ്, 1500 മീ​റ്റ​ര്‍ നീ​ള​മു​ള്ള ഏ​ഷ്യ ചാ​മ്പ്യ​ന്‍സ് സ്ട്രീ​റ്റ് 2019, 1,075 മീ​റ്റ​ര്‍ നീ​ള​മു​ള്ള അ​ല്‍ ബ​യാ സ്ട്രീ​റ്റ് എ​ന്നി​വ​ക്ക്​ പു​റ​മെ, മു​ഹൈ​ര്‍ജ സ്ട്രീ​റ്റ്, ഉ​മ്മു​ല്‍ ടി​ന്‍ സ്ട്രീ​റ്റ്, അ​ല്‍ സ​നി​യ സ്ട്രീ​റ്റ് തു​ട​ങ്ങി നി​ര​വ​ധി അ​നു​ബ​ന്ധ സ്​​ട്രീ​റ്റു​ക​ളും അ​ശ്​​ഗാ​ൽ നി​ർ​മി​ച്ചി​ട്ടു​ണ്ട്. അ​ല്‍ ഖു​ഫൂ​സ് സ്ട്രീ​റ്റ് ന​വീ​ക​ര​ണം പൂ​ർ​ത്തി​യാ​ക്കി​യ​തി​നു പി​റ​കെ മേ​ഖ​ല​യി​ലെ ഗ​താ​ഗ​ത സം​വി​ധാ​ന​ങ്ങ​ൾ മെ​ച്ച​പ്പെ​ടും.

മ​ണി​ക്കൂ​റി​ല്‍ 10,000 ത്തോ​ളം വാ​ഹ​ന​ങ്ങ​ള്‍ക്ക് സ​ഞ്ച​രി​ക്കാ​ന്‍ ക​ഴി​യു​ന്ന ത​ര​ത്തി​ല്‍ ഒ​റ്റ​യ​ടി​പ്പാ​ത​യെ ഓ​രോ ദി​ശ​യി​ലും മൂ​ന്നു​വ​രി​പ്പാ​ത​യാ​ക്കി മാ​റ്റി​യി​ട്ടു​ണ്ട്.​

അ​ൽ ഖ​ഫൂ​സ്​ ഗ​താ​ഗ​ത​യോ​ഗ്യ​മാ​വു​ന്ന​തോ​ടെ അ​ൽ സ​ദ്ദി​ൽ നി​ന്നും ദോ​ഹ എ​ക്സ്​​പ്ര​സ്​ വേ ​ഉ​ൾ​പ്പെ​ടെ​യു​ള്ള മേ​ഖ​ല​ക​ളി​ലേ​ക്ക്​ യാ​ത്ര​യും എ​ളു​പ്പ​മാ​വും. ചെ​ടി​ക​ളും മ​ര​ങ്ങ​ളും വെ​ച്ചു​പി​ടി​പ്പി​ച്ച്​ സൗ​ന്ദ​ര്യ​വ​ത്ക​ര​ണ പ്ര​വ​ർ​ത്ത​ന​ങ്ങ​ളോ​ടെ​യാ​ണ്​ പാ​ത പൂ​ർ​ത്തി​യാ​ക്കി​യ​ത്.