വസന്തകാലം വിരുന്നുവന്നു, നമുക്ക്​​ വേണ്ടി...

ദോഹ: രാജ്യത്ത്​ ഇനി 'അൽ വസ്​മി' കാലം. നാട്ടിലെ ഞാറ്റുവേലക്കാലത്തിന്​ സമാനമാണിത്​. ഒക്​ടോബർ 16 മുതൽ ഇതി​െൻറ ശക്​തമായ തുടക്കം ഉണ്ടാവുമെന്ന്​ കാലാവസ്​ഥ നിരീക്ഷണകേന്ദ്രം അറിയിച്ചു. 52 ദിവസങ്ങൾ നീണ്ടുനിൽക്കും. ഈ ദിവസങ്ങളിൽ​ ലഭിക്കുന മഴസസ്യങ്ങൾക്ക്​ കൂടുതൽ വളരാൻ ഊർജമേകുന്നു. ഇതിനാലാണ്​ ഈ കാലത്തെ 'അൽ വസ്​മി സീസൺ' എന്ന്​ വിളിക്കുന്നത്​. കേരളത്തിലെ ഞാറ്റുവേലക്കാലമെന്നും പറയാം. അറബി നോവലുകളിലും സാഹിത്യങ്ങളിലുമുള്ള പൊതുപ്രയോഗമാണ്​ 'അൽ വസ്​മി'.

വസന്തകാലത്തിന്​ തുടക്കമിട്ട്​ പെയ്യുന്ന മഴക്കാണ്​ അൽ വസ്​മി എന്നുപറയുക. പടിഞ്ഞാറ്​ ഭാഗത്തുനിന്നും മേഘങ്ങൾ കിഴക്കോട്ട്​ നീങ്ങും. ശക്​തമായ മഴ പെയ്യാനുള്ള സൂചനയായിരിക്കും ഇത്​. തുടർന്ന്​ നല്ല മഴ ലഭിക്കും. മുൻകാല കാലാവസ്​ഥ റിപ്പോർട്ടുകൾ അനുസരിച്ച്​ ദോഹയിൽ അന്തരീക്ഷ താപനില ഏറെ കുറഞ്ഞ്​ 35 ഡിഗ്രി സെൽഷ്യസിനും താഴെയാകും.

മറ്റിടങ്ങളിൽ താപനില 20 ഡിഗ്രി സെൽഷ്യസിലേക്ക്​​ താഴും. പകൽ സമയത്ത്​ ചെറിയ ചൂടും തണുപ്പ്​ രാത്രികളുമാണ്​ വരാൻ പോകുന്നത്​. വടക്കുപടിഞ്ഞാറൻ കാറ്റും ഉണ്ടാകും. ഇക്കാലത്ത്​ പകർച്ചപ്പനി സാധാരണപോലെ ഉണ്ടാവുമെന്നും കാലാവസ്​ഥ നിരീക്ഷണ കേന്ദ്രം അറിയിക്കുന്നുണ്ട്​. പകർച്ചപ്പനി പ്രതിരോധ കുത്തിവെപ്പ്​ എടുക്കണമെന്നും കൈകൾ ഇടക്കിടെ സോപ്പുപയോഗിച്ച്​ വൃത്തിയാക്കണമെന്നും അസുഖങ്ങളുള്ള ആളുകളുമായി നേരിട്ടുള്ള സമ്പർക്കം ഒഴിവാക്കണമെന്നും അധികൃതർ അറിയിക്കുന്നു.

തണുപ്പുകാല ക്യാമ്പിങ്​ സീസണുമായി ബന്ധപ്പെട്ട്​ മുനിസിപ്പാലിറ്റി പരിസ്​ഥിതി മന്ത്രാലയം നടപടികളും പുരോഗമിക്കുകയാണ്​. മരുഭൂമിയടക്കമുള്ള വിവിധ സ്​ഥലങ്ങളിൽ ക്യാമ്പുകൾ സ്​ഥാപിക്കാനുള്ള രജിസ്​ട്രേഷൻ കഴിഞ്ഞ 11ന്​ തുടങ്ങിയിരുന്നു.

ബീച്ചുകൾ, സീസൈഡ്​, നാച്വറൽ റിസർവുകൾ എന്നിവിടങ്ങളിൽ ക്യാമ്പുകൾ സ്​ഥാപിക്കുന്നതിന്​ 10,000 റിയാലാണ്​ ഫീസ്​. ഒക്​ടോബർ 11ന്​​ രജിസ്ട്രേഷൻ നടത്തിയവർക്ക്​ 13 മുതൽ​ ക്യാമ്പിങ്​ നടത്താൻ അനുമതി നൽകും. ഇവർക്ക്​ അൽശമാൽ, അൽഗശമിയ, സീലൈൻ, റാസ്​ മത്​ബക്​, അറദ, സിക്രീത്ത്​, അൽ നഗ്​യാൻ, അൽ കറാന, അഷർജി, ഉം അൽ മാ എന്നിവിടങ്ങളാണ്​ അനുവദിക്കുക. ഒക്​ടോബർ 14ന്​ രജിസ്​ട്രേഷൻ നടത്തിയവർക്ക്​ 16 മുതൽ അൽറീം റിസർവ്​, അൽ മറൂന, അൽ മസ്​റുഅ, ഉം അൽ അഫാഇ, അൽ ഹാഷിം, അബൂദലൗഫ്​, അൽ സുബാറ, അൽ ഉദൈ​, സൗത്​ അൽ ഖറാഇജ്​, അബു സംറ എന്നിവിടങ്ങളിൽ ക്യാമ്പ്​ ചെയ്യാനുള്ള അനുമതി ലഭിക്കും. ഒക്​ടോർ 18ന്​ രജിസ്​റ്റർ ​െചയ്​തവർക്ക്​ 20 മുതൽ റൗദത്​ റാഷിദ്​, റൗദത്​ അയ്​ഷ, അൽഖോർ, അൽവാബ്​, മുഖിത്​ന, അൽഗരിയ, അൽ മുഫൈർ, റാസ്​ അൽനൗഫ്​, അൽ അതുരിയ, അൽ സനാ, വെസ്​റ്റ്​ അൽ റയിസ്​ എന്നിവിടങ്ങിലാണ്​ ക്യാമ്പിങ്ങിന്​​ അനുമതി ലഭിക്കുക. നൂറ്റാണ്ടുകൾക്ക് മുമ്പുള്ള ജീവിത രീതിയെ അനുസ്​മരിക്കുന്നതിനും നഗരത്തി​െൻറ തിരക്കുകളിൽ നിന്ന്​ അകന്ന് പ്രകൃതിയുടെ ലാളനയേറ്റ് സമയം ചെലവഴിക്കുന്നതിനുമുള്ള സുവർണാവസരം കൂടിയാണ് ഓരോ ക്യാമ്പിങ്​ സീസണും നൽകുന്നത്.