വ്ളാദിമിർ പുടിനുമായി ഖത്തര്‍ അമീർ സംഭാഷണം നടത്തി

ദോഹ: റഷ്യൻ പ്രസിഡൻറ് വ്ളാദിമിർ പുടിനുമായി അമീർ ശൈഖ് തമീം ബിൻ ഹമദ് ആൽഥാനി ടെലിഫോൺ സംഭാഷണം നടത്തി.ഖത്തറും റഷ്യയും തമ്മിലുള്ള ഉഭയകക്ഷി ബന്ധവും വിവിധ മേഖലകളിൽ പ്രത്യേകിച്ച് നിക്ഷേപ, സൈനിക, പ്രതിരോധ, ആരോഗ്യ, കായിക മേഖലകളിൽ സഹകരണം ശക്തമാക്കുന്നതുമായി ബന്ധപ്പെട്ടും ഇരുരാഷ്​ട്ര നേതാക്കളും ചർച്ച ചെയ്തു.

2022ലെ ഫിഫ ലോകകപ്പ് ഫുട്ബോൾ സംഘാടനരംഗത്ത് പരിചയ സമ്പത്ത് കൈമാറ്റം സംബന്ധിച്ചും അമീർ–റഷ്യൻ പ്രസിഡൻറ് ഫോൺ സംഭാഷണത്തിൽ പ്രത്യേകം വിശകലനം ചെയ്തു.ഊർജ വിപണിയിലെ ഏറ്റവും പുതിയ സംഭവവികാസങ്ങളും മേഖലാ, അന്തർദേശീയ തലങ്ങളിലെ ഏറ്റവും പുതിയ രാഷ്​ട്രീയ സാഹചര്യങ്ങളും ഇരുവരും ഫോൺ സംഭാഷണത്തിനിടെ ചർച്ച ചെയ്തു.