പ്ര​ഫ​ഷ​ന​ൽ ലൈ​സ​ൻ​സി​ല്ലാ​തെ നി​യ​മ​നം; ആ​രോ​ഗ്യ​കേ​ന്ദ്രം അ​ട​പ്പി​ച്ചു

ദോ​ഹ: ഖ​ത്ത​റി​ൽ ജോ​ലി ചെ​യ്യാ​ൻ ആ​വ​ശ്യ​മാ​യ പ്ര​ഫ​ഷ​ന​ൽ ലൈ​സ​ൻ​സ് സ്വ​ന്ത​മാ​ക്കും മു​മ്പേ ഡോ​ക്ട​ർ​മാ​രെ നി​യ​മ​നം ന​ട​ത്തി​യ സം​ഭ​വ​ത്തി​ൽ ആ​രോ​ഗ്യ​കേ​ന്ദ്ര​ത്തി​നെ​തി​രെ ന​ട​പ​ടി. ഖ​ത്ത​ർ പൊ​തു​ജ​നാ​രോ​ഗ്യ മ​ന്ത്രാ​ല​യ​മാ​ണ് നി​യ​മ​ലം​ഘ​നം ചൂ​ണ്ടി​ക്കാ​ട്ടി ആ​രോ​ഗ്യ സ്ഥാ​പ​നം താ​ൽ​ക്കാ​ലി​ക​മാ​യി അ​ട​ച്ചി​ടാ​ൻ നി​ർ​ദേ​ശി​ച്ച​ത്. പ്രാ​ക്ടീ​സ് ചെ​യ്യാ​ൻ ആ​വ​ശ്യ​മാ​യ ​മ​ന്ത്രാ​ല​യ​ത്തി​ൽ​നി​ന്നു​ള്ള പ്ര​ഫ​ഷ​ന​ൽ ലൈ​സ​ൻ​സ് നേ​ടാ​നു​ള്ള ന​ട​പ​ടി​ക​ൾ പൂ​ർ​ത്തി​യാ​ക്കും മു​മ്പേ നാ​ല് ഡോ​ക്ട​ർ​മാ​രെ നി​യ​മി​ച്ച​തി​നാ​ണ് നി​യ​മ​ന​ട​പ​ടി സ്വീ​ക​രി​ച്ച​തെ​ന്ന് മ​ന്ത്രാ​ല​യം അ​റി​യി​ച്ചു.

ആ​രോ​ഗ്യ​സ്ഥാ​പ​ന​ങ്ങ​ൾ നി​യ​മ​ങ്ങ​ളും നി​ബ​ന്ധ​ന​ക​ളും പാ​ലി​ക്ക​ണ​മെ​ന്നും ആ​വ​ശ്യ​മാ​യ പ്ര​ഫ​ഷ​ന​ൽ ലൈ​സ​ൻ​സു​ക​ൾ നേ​ടു​ന്ന​തി​ന് മു​മ്പ് ആ​രോ​ഗ്യ​പ്ര​വ​ർ​ത്ത​ക​ർ ജോ​ലി ചെ​യ്യു​ന്ന​ത് ഒ​ഴി​വാ​ക്ക​ണ​മെ​ന്നും മ​ന്ത്രാ​ല​യം നി​ർ​ദേ​ശി​ച്ചു. ഡോ​ക്ട​ർ​മാ​രും ആ​രോ​ഗ്യ​മേ​ഖ​ല​യി​ൽ പ്ര​വ​ർ​ത്തി​ക്കു​ന്ന​വ​രും ത​ങ്ങ​ളു​ടെ ​സ്‍പെ​ഷ​ലൈ​സ് മേ​ഖ​ല​ക​ളു​മാ​യി ബ​ന്ധ​പ്പെ​ട്ട നി​യ​മ​ങ്ങ​ളും തൊ​ഴി​ൽ​മൂ​ല്യ​ങ്ങ​ളും പാ​ലി​ക്ക​ണ​മെ​ന്നും മ​ന്ത്രാ​ല​യം ഓ​ർ​മി​പ്പി​ച്ചു.