ഏഷ്യ ദ ​ലെജൻഡ്സ്

ദോ​ഹ: ഖ​ത്ത​റി​ന്റെ മ​ണ്ണി​ൽ ക്രി​ക്ക​റ്റ് ആ​വേ​ശം വാ​നോ​ള​മു​യ​ർ​ത്തി​യ പോ​രാ​ട്ട​ത്തി​നൊ​ടു​വി​ൽ ലെ​ജ​ൻ​ഡ്സ് ലീ​ഗ് കി​രീ​ട​വു​മാ​യി ഏ​ഷ്യ​ൻ ല​യ​ൺ​സി​ന്റെ മ​ട​ക്കം. ഫൈ​ന​ലി​ൽ ലോ​ക​താ​ര​ങ്ങ​ൾ അ​ണി​നി​ര​ന്ന വേ​ൾ​ഡ് ജ​യ​ന്റ്സി​നെ ഏ​ഴു വി​ക്ക​റ്റി​ന് തോ​ൽ​പി​ച്ചാ​ണ് ഏ​ഷ്യ ല​യ​ൺ​സ് ​കി​രീ​ട​മ​ണി​ഞ്ഞ​ത്. ഏ​ഷ്യ​ൻ ടൗ​ൺ ക്രി​ക്ക​റ്റ് സ്റ്റേ​ഡി​യ​ത്തി​ൽ തി​ങ്ങി​നി​റ​ഞ്ഞ 14,000​ത്തോ​ളം കാ​ണി​ക​ൾ​ക്ക് അ​പൂ​ർ​വ​മാ​യൊ​രു ക്രി​ക്ക​റ്റ് വി​രു​ന്ന് സ​മ്മാ​നി​ച്ചാ​യി​രു​ന്നു ടൂ​ർ​ണ​മെ​ന്റി​ന് കൊ​ടി​യി​റ​ങ്ങി​യ​ത്.

ആ​ദ്യം ബാ​റ്റു ചെ​യ്ത വേ​ൾ​ഡ് ജ​യ​ന്റ്സ് മൂ​ന്നി​ന് 19 എ​ന്ന നി​ല​യി​ൽ തു​ട​ക്ക​ത്തി​ൽ പ​ത​റി​യെ​ങ്കി​ലും നാ​ലാം വി​ക്ക​റ്റി​ൽ ക്രീ​സി​ലൊ​ന്നി​ച്ച ജാ​ക് കാ​ലി​സ് (54 പ​ന്തി​ൽ 78 റ​ൺ​സ്), റോ​സ് ടെ​യ്‍ല​ർ (33 പ​ന്തി​ൽ 32) എ​ന്നി​വ​രു​ടെ മി​ക​വി​ൽ നാ​ലു വി​ക്ക​റ്റ് ന​ഷ്ട​ത്തി​ൽ 147 റ​ൺ​സെ​ടു​ത്തു. ഓ​പ​ണ​ർ​മാ​രെ​ല്ലാം വീ​ണു ത​ക​ർ​ന്നു​പോ​യ ടീ​മി​നെ പ​ഴ​യ​കാ​ല പ​ട​ക്കു​തി​ര​ക​ൾ ഉ​യി​ർ​ത്തെ​ഴു​ന്നേ​ൽ​പി​ക്കു​ന്ന​താ​യി​രു​ന്നു ഇ​ന്നി​ങ്സ്.

പ​ക്ഷേ, ശ്രീ​ല​ങ്ക​ൻ ഓ​പ​ണ​ർ​മാ​ർ ന​യി​ക്കു​ന്ന ഏ​ഷ്യ ല​യ​ൺ​സ് ത​ങ്ങ​ളു​ടെ മ​റു​പ​ടി ഇ​ന്നി​ങ്സി​ൽ ത​ന്നെ ക​ളി ക​വ​ർ​ന്നു. തി​ല​ക​ര​ത്ന ദി​ൽ​ഷ​നും (42 പ​ന്തി​ൽ 58), ഉ​പു​ൽ ത​രം​ഗ​യും (28 പ​ന്തി​ൽ 57) തു​ട​ങ്ങി​യ ത​രം​ഗ​ത്തി​ൽ ത​ന്നെ വി​ജ​യം ഉ​റ​പ്പി​ച്ചു. ഓ​പ​ണി​ങ് കൂ​ട്ടി​ൽ 115 റ​ൺ​സ് പി​റ​ന്ന​തോ​ടെ ഏ​ഷ്യ​യു​ടെ ജ​യം അ​നാ​യാ​സ​മാ​യി. 16.1 ഓ​വ​റി​ൽ മൂ​ന്നു വി​ക്ക​റ്റ് ന​ഷ്ട​ത്തി​ൽ ല​ക്ഷ്യം ക​ണ്ടാ​ണ് ഇ​വ​ർ ഏ​ഴു വി​ക്ക​റ്റ് ജ​യ​വും കി​രീ​ട​വും ചൂ​ടി​യ​ത്.

മൂ​ന്ന് സി​ക്സ​റു​ക​ളു​ടെ അ​ക​മ്പ​ടി​യോ​ടെ​യാ​യി​രു​ന്നു ഉ​പു​ൽ ത​രം​ഗ​യു​ടെ ഇ​ന്നി​ങ്സ്. വേ​ൾ​ഡ് ജ​യ​ന്റ്സി​നാ​യി കാ​ലി​സ് അ​ഞ്ച് ബൗ​ണ്ട​റി​യും മൂ​ന്ന് സി​ക്സും നേ​ടി. ലെ​ൻ​ഡ​ൽ സി​മ്മ​ൺ​സ് (17), മോ​ർ​നെ വാ​ൻ​വി​ക് (0), ഷെ​യ്ൻ വാ​ട്സ​ൻ (0), പോ​ൾ കോ​ളി​ങ് വു​ഡ് (6) എ​ന്നി​ങ്ങ​നെ​യാ​യി​രു​ന്നു വേ​ൾ​ഡ് ജ​യ​ന്റ്സി​ന്റെ മ​റ്റു ഇ​ന്നി​ങ്സു​ക​ൾ.

ഖ​ത്ത​റി​ൽ പ്ര​വാ​സി​ക​ളാ​യ പാ​കി​സ്താ​ൻ, ശ്രീ​ല​ങ്ക, ബം​ഗ്ലാ​ദേ​ശ് കാ​ണി​ക​ളു​ടെ നി​റ​ഞ്ഞ പി​ന്തു​ണ​യോ​ടെ​യാ​യി​രു​ന്നു ഏ​ഷ്യ ല​യ​ൺ​സ് പോ​രാ​ടി​യ​ത്. ഇ​ന്ത്യ മ​ഹാ​രാ​ജാ​സ് നേ​ര​ത്തെ പു​റ​ത്താ​യെ​ങ്കി​ലും വാ​ദ്യ​മേ​ള​ങ്ങ​ളും ആ​ഘോ​ഷ​ങ്ങ​ളു​മാ​യി മ​ല​യാ​ളി​ക​ൾ ഉ​ൾ​പ്പെ​ടെ കാ​ണി​ക​ളും ഇ​രു ടീ​മി​നും പി​ന്തു​ണ​യു​മാ​യെ​ത്തി. ലോ​ക​താ​ര​ങ്ങ​ൾ വി​വി​ധ ടീ​മു​ക​ളി​ലാ​യി മാ​റ്റു​ര​ച്ച മ​ത്സ​രം, ഖ​ത്ത​ർ വേ​ദി​യാ​യ ഏ​റ്റ​വും വ​ലി​യ ക്രി​ക്ക​റ്റ് മേ​ള​കൂ​ടി​യാ​യി മാ​റി.