ഏ​ഷ്യ​ൻ അ​ത്‍ല​റ്റി​ക്സ്: ഖ​ത്ത​റി​ന് മൂ​ന്ന് സ്വ​ർ​ണം

ദോ​ഹ: ദ​ക്ഷി​ണ കൊ​റി​യ​യി​ലെ യെ​ചി​യോ​ണി​ൽ ന​ട​ക്കു​ന്ന അ​ണ്ട​ർ 20 ഏ​ഷ്യ​ൻ അ​ത്‍ല​റ്റി​ക് ചാ​മ്പ്യ​ൻ​ഷി​പ്പി​ൽ റെ​ക്കോ​ഡ് നേ​ട്ട​ത്തോ​ടെ ഖ​ത്ത​റി​ന്റെ ഇ​സ്മാ​യി​ൽ ദാ​വൂ​ദി​ന് സ്വ​ർ​ണം. പു​രു​ഷ വി​ഭാ​ഗം 400 മീ​റ്റ​ർ ഹ​ർ​ഡി​ൽ​സി​ൽ 49.30 സെ​ക്ക​ൻ​ഡോ​ടെ​യാ​ണ് പു​തു​മു​ഖ താ​രം മി​ന്നും പ്ര​ക​ട​നം കാ​ഴ്ച​വെ​ച്ച​ത്.

ഇ​തോ​ടെ, ചാ​മ്പ്യ​ൻ​ഷി​പ്പി​ൽ ഖ​ത്ത​റി​ന്റെ സ്വ​ർ​ണ​നേ​ട്ടം മൂ​ന്നാ​യി. 400 മീ​റ്റ​റി​ൽ ഇ​സ്മാ​യി​ൽ അ​ക്ബ​ർ, പോ​ൾ​വാ​ൾ​ട്ടി​ൽ സൈ​ഫ് ​ഹ​ന​യ്ദ എ​ന്നി​വ​രും ഖ​ത്ത​റി​നാ​യി പൊ​ന്ന​ണി​ഞ്ഞി​രു​ന്നു. 5.50 മീ​റ്റ​ർ ഉ​യ​​രെ ചാ​ടി​യാ​ണ് സൈ​ഫ് ചാ​മ്പ്യ​ൻ​ഷി​പ് റെ​ക്കോ​ഡ് കു​റി​ച്ച് പോ​ൾ​വാ​ൾ​ട്ടി​ൽ സ്വ​ർ​ണം നേ​ടി​യ​ത്. മൂ​ന്ന് സ്വ​ർ​ണ​വും ര​ണ്ട് വെ​ള്ളി​യു​മാ​യി അ​ഞ്ച് മെ​ഡ​ലു​ക​ളോ​ടെ ആ​റാം സ്ഥാ​ന​ത്താ​ണ് ഖ​ത്ത​ർ. ജ​പ്പാ​ൻ (14 സ്വ​ർ​ണം), ചൈ​ന (11), ഇ​ന്ത്യ (6) എ​ന്നി​വ​രാ​ണ് മു​ൻ​നി​ര​യി​ലു​ള്ള​ത്.