ഏ​ഷ്യ​ൻ ഗെ​യിം​സ്: 180 അം​ഗ സം​ഘ​വു​മാ​യി ഖ​ത്ത​ർ

ദോ​ഹ: സെ​പ്റ്റം​ബ​ർ 23 മു​ത​ൽ ചൈ​ന​യി​ലെ ഹാ​ങ്ഷു​വി​ൽ ആ​രം​ഭി​ക്കു​ന്ന ഏ​ഷ്യ​ൻ ഗെ​യിം​സി​ന് 180 അം​ഗ സം​ഘ​വു​മാ​യി ഖ​ത്ത​ർ ഒ​രു​ങ്ങു​ന്നു. പു​രു​ഷ, വ​നി​ത വി​ഭാ​ഗ​ങ്ങ​ളി​ലാ​യി 27 ഇ​ന​ങ്ങ​ളി​ൽ ഖ​ത്ത​ർ മാ​റ്റു​ര​ക്കു​മെ​ന്ന് ഒ​ളി​മ്പി​ക് ക​മ്മി​റ്റി അ​റി​യി​ച്ചു. ഷൂ​ട്ടി​ങ്, അ​ത്‍ല​റ്റി​ക്സ്, ബാ​സ്ക​റ്റ്ബാ​ൾ, ബോ​ക്സി​ങ്, ചെ​സ്, സൈ​ക്ലി​ങ്, ഇ-​സ്​​പോ​ർ​ട്സ്, എ​ക്വ​സ്ട്രി​യ​ൻ, ഫു​ട്ബാ​ൾ, ഫെ​ൻ​സി​ങ്, ജിം​നാ​സ്റ്റി​ക്സ്, ഗോ​ൾ​ഫ്, ഹാ​ൻ​ഡ്ബാ​ൾ, ജു​ജി ക​രാ​ട്ടേ, സെ​യ്‍ലി​ങ്, സ്ക്വാ​ഷ്, നീ​ന്ത​ൽ, ടെ​ന്നി​സ്, തൈ​ക്വാ​ൻ​ഡോ, ട്ര​യാ​ത്‍ല​ൺ, ടി.​ടി, വോ​ളി​ബാ​ൾ, ബാ​സ്ക​റ്റ്ബാ​ൾ ത്രീ ​ഓ​ൺ ത്രി, ​ബീ​ച്ച് വോ​ളി, വെ​യ്റ്റ് ലി​ഫ്റ്റി​ങ്, ആ​ർ​ച്ച​റി തു​ട​ങ്ങി​യ ഇ​ന​ങ്ങ​ളി​ൽ ഖ​ത്ത​റി​നാ​യി താ​ര​ങ്ങ​ൾ മാ​റ്റു​ര​ക്കും. ഖ​ത്ത​ർ അ​ണ്ട​ർ 23 ടീ​മാ​ണ് ഫു​ട്ബാ​ളി​ൽ മ​ത്സ​രി​ക്കു​ന്ന​ത്. ജ​പ്പാ​ൻ, ഫ​ല​സ്തീ​ൻ എ​ന്നി​വ​ർ​ക്കൊ​പ്പം ഗ്രൂ​പ് ‘എ’​യി​ലാ​ണ് ടീം.

2018​ൽ ജ​കാ​ർ​ത്ത​യി​ൽ ന​ട​ന്ന ഏ​ഷ്യ​ൻ ഗെ​യിം​സി​ൽ ആ​റ് സ്വ​ർ​ണ​വും നാ​ല് വെ​ള്ളി​യും മൂ​ന്ന് വെ​ങ്ക​ല​വു​മാ​യി 15ാം സ്ഥാ​ന​ത്താ​യി​രു​ന്ന ഖ​ത്ത​ർ ഇ​ത്ത​വ​ണ മി​ക​ച്ച താ​ര​ങ്ങ​ളു​മാ​യി വി​വി​ധ ഇ​ന​ങ്ങ​ളി​ൽ കു​തി​ച്ചു ക​യ​റാ​നു​ള്ള ത​യാ​റെ​ടു​പ്പ​മാ​യാ​ണ് പു​റ​പ്പെ​ടു​ന്ന​ത്.

താ​ര​ങ്ങ​ൾ​ക്ക് പൂ​ർ​ണ പി​ന്തു​ണ​യു​മാ​യി ഖ​ത്ത​ർ ഒ​ളി​മ്പി​ക് ക​മ്മി​റ്റി​യും രം​ഗ​ത്തു​ണ്ട്. വി​വി​ധ രാ​ജ്യ​ങ്ങ​ളി​ലാ​യി പ​രി​ശീ​ല​നം ന​ട​ത്തു​ന്ന കാ​യി​ക താ​ര​ങ്ങ​ൾ​ക്ക് ജ​ന​റ​ൽ സെ​ക്ര​ട്ട​റി ജാ​സിം ബി​ൻ റാ​ഷി​ദ് അ​ൽ ബു​ഐ​നൈ​ൻ വി​ജ​യാ​ശം​സ​ക​ൾ നേ​ർ​ന്നു. അ​ത്‍ല​റ്റി​ക്സി​ലും മി​ക​ച്ച പ്ര​തീ​ക്ഷ​യോ​ടെ​യാ​ണ് ഖ​ത്ത​ർ ഇ​റ​ങ്ങു​ന്ന​ത്. വി​വി​ധ ട്രാ​ക്ക് ഇ​ന​ങ്ങ​ളി​ലും ഫീ​ൽ​ഡ് ഇ​ന​ങ്ങ​ളി​ലും മി​ക​ച്ച താ​ര​ങ്ങ​ൾ ത​ന്നെ ഖ​ത്ത​റി​ന്റെ മെ​റൂ​ൺ കു​പ്പാ​യ​ത്തി​ൽ മ​ത്സ​രി​ക്കും.

ര​ണ്ടു​വ​ർ​ഷം മു​മ്പ് ദോ​ഹ​യി​ൽ അ​പ​ക​ട​ത്തി​ൽ മ​രി​ച്ച അ​ബ്ദു​ല്ല ഹാ​റൂ​ൺ ​ജ​കാ​ർ​ത്ത ഏ​ഷ്യ​ൻ ഗെ​യിം​സി​ൽ 400 മീ​റ്റ​റി​ലും 4-400 മീ. ​റി​ലേ​യി​ലും ഖ​ത്ത​റി​നാ​യി സ്വ​ർ​ണം നേ​ടി​യി​രു​ന്നു. 2014 വു​ഹാ​ൻ ഏ​ഷ്യ​ൻ ഗെ​യിം​സി​ൽ 10 സ്വ​ർ​ണ​വും നാ​ല് വെ​ങ്ക​ല​വു​മാ​യി​രു​ന്നു ഖ​ത്ത​റി​​ന്റെ നേ​ട്ടം.