ഏഷ്യൻ ജൂനിയർ ഹാൻഡ്ബാൾ:ഖത്തറിന് തോൽവി
text_fieldsദോഹ: ജോർഡനിലെ അമ്മാനിൽ നടക്കുന്ന ഏഷ്യൻ ജൂനിയർ (അണ്ടർ 21) ഹാൻഡ്ബാൾ ടൂർണമെന്റിൽ ഖത്തർ ചൈനയോട് (31 -36) സ്കോറിന് കീഴടങ്ങി.
ടൂർണമെന്റിലെ ആദ്യ നാലു സ്ഥാനക്കാർ 2025ൽ പോളണ്ടിൽ നടക്കുന്ന ലോക ചാമ്പ്യൻഷിപ്പിന് യോഗ്യത നേടും. വെള്ളിയാഴ്ച ഖത്തർ ഹോങ്കോങ്ങുമായി ഏറ്റുമുട്ടും. ശനിയാഴ്ച ഇന്ത്യക്കെതിരെയും ചൊവ്വാഴ്ച ചൈനീസ് തായ്പേയിക്കെതിരെയുമാണ് ഖത്തറിന്റ ഇനിയുള്ള ഗ്രൂപ് മത്സരങ്ങൾ. 1994, 2010, 2012, 2014, 2016 വർഷങ്ങളിൽ ഖത്തർ ഏഷ്യൻ ജൂനിയർ ഹാൻഡ്ബാൾ ചാമ്പ്യന്മാരായിട്ടുണ്ട്. കഴിഞ്ഞ ദിവസം ഖത്തർ ജപ്പാനോട് (25 -25) സമനില വഴങ്ങുകയും ദക്ഷിണ കൊറിയയോട് (24 -33) പരാജയപ്പെടുകയും ചെയ്തിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.