സുഡാനിൽ എംബസിക്കുനേരെ ആക്രമണം; അപലപിച്ച് ഖത്തർ

ദോ​ഹ: ആ​ഭ്യ​ന്ത​ര​യു​ദ്ധം രൂ​ക്ഷ​മാ​യ സു​ഡാ​നി​ലെ ഖ​ർ​ത്തൂ​മി​ൽ ഖ​ത്ത​റി​ന്റെ ന​യ​ത​ന്ത്ര കാ​ര്യാ​ല​യ​ത്തി​നു​നേ​രെ ആ​​ക്ര​മ​ണം. സു​ഡാ​നി​ലെ ഇ​രു​വി​ഭാ​ഗ​ങ്ങ​ൾ ത​മ്മി​ലു​ള്ള ഏ​റ്റു​മു​ട്ട​ൽ ആ​റാ​ഴ്ച പി​ന്നി​ട​വേ​യാ​ണ് വെ​ള്ളി​യാ​ഴ്ച ഖ​ത്ത​റി​ന്റെ ന​യ​ത​ന്ത്ര കാ​ര്യാ​ല​യ​ത്തി​നു നേ​രെ​യും ആ​​ക്ര​മ​ണ​മു​ണ്ടാ​യ​ത്. സം​ഭ​വ​ത്തെ ഖ​ത്ത​ർ വി​ദേ​ശ​കാ​ര്യ മ​ന്ത്രാ​ല​യം ക​ടു​ത്ത ഭാ​ഷ​യി​ൽ അ​പ​ല​പി​ച്ചു. എം​ബ​സി ജീ​വ​ന​ക്കാ​രെ നേ​ര​ത്തേ​ത​ന്നെ ഒ​ഴി​പ്പി​ച്ച​തി​നാ​ൽ ആ​ർ​ക്കും പ​രി​ക്കി​ല്ലെ​ന്ന് വി​ദേ​ശ​കാ​ര്യ മ​ന്ത്രാ​ല​യം സ്ഥി​രീ​ക​രി​ച്ചു. ആ​ഭ്യ​ന്ത​ര സം​ഘ​ർ​ഷ​ങ്ങ​ളി​ൽ​നി​ന്ന് എം​ബ​സി​ക​ൾ, ന​യ​ത​ന്ത്ര ദൗ​ത്യ​ങ്ങ​ൾ, അ​ന്താ​രാ​ഷ്ട്ര സം​ഘ​ട​ന​ക​ളു​ടെ ആ​സ്ഥാ​നം, സി​വി​ലി​യ​ൻ സൗ​ക​ര്യ​ങ്ങ​ൾ എ​ന്നി​വ ഒ​ഴി​വാ​ക്ക​ണ​മെ​ന്ന് ഖ​ത്ത​ർ വ്യ​ക്ത​മാ​ക്കി. ആ​ക്ര​മ​ണ​ത്തി​ന് ഉ​ത്ത​ര​വാ​ദി​ക​ളാ​യ​വ​രെ പ്രോ​സി​ക്യൂ​ട്ട് ചെ​യ്ത് അ​ർ​ഹ​മാ​യ ശി​ക്ഷ ന​ൽ​ക​ണ​മെ​ന്നും ഇ​ത്ത​രം ആ​ക്ര​മ​ണ​ങ്ങ​ൾ അ​ന്താ​രാ​ഷ്ട്ര നി​യ​മ​ങ്ങ​ളു​ടെ​യും ക​രാ​റു​ക​ളു​ടെ​യും ലം​ഘ​ന​മാ​ണെ​ന്നും വി​ദേ​ശ​കാ​ര്യ മ​ന്ത്രാ​ല​യം പ്ര​സ്താ​വ​ന​യി​ൽ വ്യ​ക്ത​മാ​ക്കി.

സു​ഡാ​നി​ലെ സം​ഘ​ർ​ഷം എ​ത്ര​യും​വേ​ഗം അ​വ​സാ​നി​പ്പി​ക്ക​ണ​മെ​ന്നും ആ​വ​ശ്യ​പ്പെ​ട്ടു. ഏ​പ്രി​ൽ ആ​ദ്യ​വാ​ര​ത്തി​ൽ ആ​രം​ഭി​ച്ച ആ​ഭ്യ​ന്ത​ര യു​ദ്ധ​ത്തി​നു പി​ന്നാ​​ലെ ഖ​ത്ത​ർ ത​ങ്ങ​ളു​ടെ പൗ​ര​ന്മാ​രെ ഒ​ഴി​പ്പി​ച്ചി​രു​ന്നു. തു​ട​ർ​ന്ന് രാ​ജ്യ​ത്തേ​ക്ക് ഭ​ക്ഷ​ണ​വും മ​രു​ന്നും ഉ​ൾ​പ്പെ​ടെ മാ​നു​ഷി​ക സ​ഹാ​യ​ങ്ങ​ൾ എ​ത്തി​ക്കു​ക​യും ഖ​ത്ത​രി റെ​സി​ഡ​ന്റു​മാ​രാ​യ ആ​യി​ര​ത്തോ​ളം സു​ഡാ​നി​​ക​ളെ ദോ​ഹ​യി​ൽ എ​ത്തി​ക്കു​ക​യും ചെ​യ്തി​രു​ന്നു. രാ​ജ്യ​ത്ത് ഏ​റ്റു​മു​ട്ട​ൽ അ​വ​സാ​നി​പ്പി​ച്ച് സ​മാ​ധാ​നം നി​ല​നി​ർ​ത്താ​നു​ള്ള ശ്ര​മ​ങ്ങ​ൾ​ക്കി​ട​യി​ലാ​ണ് ക​ഴി​ഞ്ഞ ദി​വ​സം ഖ​ത്ത​ർ ന​യ​ത​ന്ത്ര കാ​ര്യാ​ല​യ​വും ആ​ക്ര​മി​ച്ച​ത്. യു.​എ.​ഇ, സൗ​ദി അ​റേ​ബ്യ, ഒ​മാ​ൻ തു​ട​ങ്ങി​യ വി​വി​ധ രാ​ജ്യ​ങ്ങ​ളും അ​പ​ല​പി​ച്ചു. ന​യ​ത​ന്ത്ര സ്ഥാ​പ​ന​ങ്ങ​ളെ​യും വ്യ​ക്തി​ക​ളെ​യും ഉ​ന്നം​വെ​ച്ച് ആ​ക്ര​മ​ണം ന​ട​ത്തു​ന്ന​ത് ഗു​രു​ത​ര നി​യ​മ​ലം​ഘ​ന​മാ​ണെ​ന്ന് ഗ​ൾ​ഫ് സ​ഹ​ക​ര​ണ കൗ​ൺ​സി​ൽ (ജി.​സി.​സി) പ്ര​സ്താ​വ​ന​യി​ൽ വ്യ​ക്ത​മാ​ക്കി.