ഗ​സ്സ​യി​ലെ ഖ​ത്ത​ർ ക​മ്മി​റ്റി ആ​സ്ഥാ​ന​ത്തി​ന് നേ​രെ​യും ആ​ക്ര​മ​ണം

ദോ​ഹ: ഗ​സ്സ​യു​ടെ പു​ന​ർ​നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്ക് മേ​ൽ​നോ​ട്ടം വ​ഹി​ക്കു​ന്ന ഖ​ത്ത​ർ ക​മ്മി​റ്റി ആ​സ്ഥാ​ന​ത്തി​ന് നേ​രെ​യും ഇ​സ്രാ​യേ​ലി​ന്റെ ആ​​ക്ര​മ​ണം. സം​ഭ​വ​ത്തെ ഖ​ത്ത​ർ വി​ദേ​ശ​കാ​ര്യ​മ​ന്ത്രാ​ല​യം ശ​ക്ത​മാ​യ ഭാ​ഷ​യി​ൽ അ​പ​ല​പി​ച്ചു. സാ​ധാ​ര​ണ ജ​ന​ങ്ങ​ൾ, ആ​ശു​പ​ത്രി​ക​ൾ, സ്‌​കൂ​ളു​ക​ൾ എ​ന്നി​വ​യു​ൾ​പ്പെ​ടെ​യു​ള്ള സ്ഥാ​പ​ന​ങ്ങ​ളെ​യും വ്യ​ക്തി​ക​ളെ​യും ല​ക്ഷ്യ​മാ​ക്കി​യു​ള്ള ആ​ക്ര​മ​ണ​ങ്ങ​ൾ അ​ന്താ​രാ​ഷ്ട്ര നി​യ​മ​ത്തി​ന്റെ വ്യ​ക്ത​മാ​യ ലം​ഘ​ന​മാ​ണെ​ന്ന് മ​ന്ത്രാ​ല​യം വാ​ർ​ത്താ​ക്കു​റി​പ്പി​ൽ വ്യ​ക്ത​മാ​ക്കി.

പ​തി​റ്റാ​ണ്ടു​ക​ളാ​യി തു​ട​രു​ന്ന ആ​​ക്ര​മ​ണ​വും ഉ​പ​രോ​ധ​വും കാ​ര​ണം ജീ​വി​തം ദു​സ്സ​ഹ​മാ​യ ഫ​ല​സ്തീ​ൻ ജ​ന​ത​ക്ക് പു​തു​ജീ​വി​തം കെ​ട്ടി​പ്പ​ടു​ക്കു​ക​യെ​ന്ന ല​ക്ഷ്യ​വു​മാ​യാ​ണ് ഗ​സ്സ പു​ന​ർ​നി​ർ​മാ​ണ​ത്തി​നു​ള്ള ഖ​ത്ത​ർ ക​മ്മി​റ്റി പ്ര​വ​ർ​ത്തി​ക്കു​ന്ന​ത്. നി​ര​പ​രാ​ധി​ക​ൾ​ക്കും സ്ഥാ​പ​ന​ങ്ങ​ൾ​ക്കു​മെ​തി​രെ ആ​വ​ർ​ത്തി​ക്കു​ന്ന ആ​ക്ര​മ​ണം ത​ട​യാ​ൻ അ​ന്താ​രാ​ഷ്ട്ര സ​മൂ​ഹ ഇ​ട​പെ​ട​ണ​മെ​ന്നും മ​ന്ത്രാ​ല​യം ആ​വ​ശ്യ​പ്പെ​ട്ടു.

ഗ​സ്സ​യി​ലെ ഖ​ത്ത​ർ ക​മ്മി​റ്റി ആ​സ്ഥാ​ന​ത്തി​ന് നേ​രെ ന​ട​ന്ന ആ​ക്ര​മ​ണ​ത്തെ സൗ​ദി അ​റേ​ബ്യ​യും ശ​ക്ത​മാ​യി പ്ര​തി​ഷേ​ധി​ച്ചു. എ​ല്ലാ അ​ന്താ​രാ​ഷ്ട്ര നി​യ​മ​ങ്ങ​ളെ​യും മാ​ന​ദ​ണ്ഡ​ങ്ങ​ളെ​യും ഇ​സ്രാ​യേ​ൽ സൈ​ന്യം ലം​ഘി​ക്കു​ക​യാ​ണെ​ന്ന് സൗ​ദി വ്യ​ക്ത​മാ​ക്കി. ഈ ​ന​ഗ്‌​ന​മാ​യ ആ​ക്ര​മ​ണ​ത്തി​നെ​തി​രെ ഖ​ത്ത​റി​നോ​ട് ഐ​ക്യ​ദാ​ർ​ഢ്യം പ്ര​ക​ടി​പ്പി​ക്കു​ന്ന​താ​യും സൗ​ദി പ​റ​ഞ്ഞു. യു.​എ.​ഇ, കു​വൈ​ത്ത്, ഒ​മാ​ൻ, ഈ​ജി​പ്ത്, ജോ​ർ​ഡ​ൻ, ജി.​സി.​സി ക​മ്മി​റ്റി, ഒ.​ഐ.​സി തു​ട​ങ്ങി​യ​വ​യും ന​ട​പ​ടി​യെ അ​പ​ല​പി​ച്ചു.

2012ലാ​ണ് ജീ​വ​കാ​രു​ണ്യ, വി​ക​സ​ന പ്ര​വ​ർ​ത്ത​ന​ങ്ങ​ൾ ല​ക്ഷ്യ​മി​ട്ട് ഗ​സ്സ​യി​ൽ പു​ന​ർ​നി​ർ​മാ​ണ ക​മ്മി​റ്റി പ്ര​വ​ർ​ത്ത​ന​മാ​രം​ഭി​ച്ച​ത്. കു​ടും​ബ​ങ്ങ​ൾ​ക്ക് തൊ​ഴി​ൽ, ധ​ന​സ​ഹാ​യം, വി​ദ്യാ​ഭ്യാ​സ പ്ര​വ​ർ​ത്ത​ന​ങ്ങ​ൾ തു​ട​ങ്ങി​യ വി​വി​ധ പ​ദ്ധ​തി​ക​ൾ ഇ​തു​വ​ഴി ന​ട​പ്പാ​ക്കു​ന്നു​ണ്ട്. ത​ക​ർ​ത്ത കെ​ട്ടി​ട​ത്തി​ന് മു​ക​ളി​ൽ ഇ​സ്രാ​യേ​ലി​ന്റെ അ​ട​യാ​ള​മാ​യ സ്റ്റാ​ർ ഓ​ഫ് ഡേ​വി​ഡ് പെ​യി​ന്റ് ചെ​യ്ത ദൃ​ശ്യ​ങ്ങ​ളും സാ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​ക്കു​ന്നു​ണ്ട്.