ഔ​ഖാ​ഫ് ഇ​ഫ്താ​റി​ൽ പ​ങ്കെ​ടു​ത്ത​ത് ഒ​ന്ന​ര​ല​ക്ഷ​ത്തി​ല​ധി​കം പേ​ർ

ദോ​ഹ: ഖ​ത്ത​റി​ന്റെ വ്യ​ത്യ​സ്ത ഭാ​ഗ​ങ്ങ​ളി​ലാ​യി ഔ​ഖാ​ഫ് ഇ​സ്‍ലാ​മി​ക മ​ത​കാ​ര്യ മ​ന്ത്രാ​ല​യം സം​ഘ​ടി​പ്പി​ച്ച ഇ​ഫ്താ​ർ ടെ​ന്റു​ക​ൾ വ​ഴി നോ​മ്പു​തു​റ​ന്ന​ത് ഒ​ന്ന​ര​ല​ക്ഷ​ത്തി​ൽ അ​ധി​കം പേ​ർ. അ​ൽ വ​ക്‌​റ, അ​ൽ​ഖോ​ർ, അ​ൽ സൈ​ലി​യ, തേ​ർ​സ്‌​ഡേ ആ​ൻ​ഡ് ഫ്രൈ​ഡേ സൂ​ഖ് എ​ന്നി​വി​ട​ങ്ങ​ളി​ലാ​യി ഔ​ഖാ​ഫ് ഒ​രു​ക്കി​യ ഇ​ഫ്താ​റു​ക​ളി​ലാ​ണ് പ്ര​വാ​സി​ക​ളാ​യ വി​വി​ധ രാ​ജ്യ​ക്കാ​രു​ടെ സ​ജീ​വ പ​ങ്കാ​ളി​ത്തം.

ആ​വ​ശ്യ​ക്കാ​രെ​യും അ​ർ​ഹ​രെ​യും സ​ഹാ​യി​ക്കു​ക​യെ​ന്ന ല​ക്ഷ്യ​ത്തോ​ടെ നോ​മ്പു​കാ​ർ​ക്കു​ള്ള ഔ​ഖാ​ഫ് മ​ന്ത്രാ​ല​യ​ത്തി​ന്റെ ഇ​ഫ്താ​ർ പ​ദ്ധ​തി​യു​ടെ ഭാ​ഗ​മാ​യാ​ണ് ഭ​ക്ഷ​ണം വി​ത​ര​ണം ചെ​യ്യു​ന്ന​തെ​ന്ന് പ​ത്ര​ക്കു​റി​പ്പി​ൽ മ​ന്ത്രാ​ല​യം അ​റി​യി​ച്ചു. സാ​മൂ​ഹി​ക ഐ​ക്യ​ദാ​ർ​ഢ്യ​ത്തി​ന്റെ​യും കാ​രു​ണ്യ​ത്തി​ന്റെ​യും മൂ​ല്യ​ങ്ങ​ൾ പ്രോ​ത്സാ​ഹി​പ്പി​ക്കു​ന്ന​തി​ന് രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ സം​ഘ​ടി​പ്പി​ക്കു​ന്ന ഇ​ഫ്താ​റു​ക​ളി​ൽ മൂ​ന്ന് ല​ക്ഷ​ത്തോ​ളം പേ​രെ​യാ​ണ് ഈ ​റ​മ​ദാ​നി​ലു​ട​നീ​ളം പ്ര​തീ​ക്ഷി​ക്കു​ന്ന​ത്. ദൈ​വ​ത്തോ​ട് സാ​മീ​പ്യം തേ​ടു​ന്ന പു​ണ്യ​ക​ർ​മ​മാ​ണ് ഇ​ഫ്താ​റെ​ന്ന് ഔ​ഖാ​ഫ് ഇ​ഫ്താ​ർ ക​മ്മി​റ്റി ചെ​യ​ർ​മാ​ൻ മു​ഹ​മ്മ​ദ് യാ​ഖൂ​ബ് അ​ൽ അ​ലി പ​റ​ഞ്ഞു.

ഇ​ഫ്താ​റി​നെ​ത്തു​ന്ന​വ​ർ​ക്ക് മി​ക​ച്ച അ​നു​ഭ​വം ന​ൽ​കാ​ൻ ശീ​തീ​ക​രി​ച്ച സ്ഥ​ല​ങ്ങ​ളി​ൽ ഉ​യ​ർ​ന്ന നി​ല​വാ​ര​ത്തി​ലാ​ണ് ഭ​ക്ഷ​ണം പാ​കം ചെ​യ്യു​ന്ന​ത്. പ്ര​ത്യേ​ക ക​മ്മി​റ്റി വ​ഴി​യാ​ണ് ഇ​ഫ്താ​ർ കൂ​ടാ​ര​ങ്ങ​ൾ സം​ഘ​ടി​പ്പി​ക്കു​ന്ന​തെ​ന്നും, ഇ​തി​നാ​യി പ്ര​ത്യേ​ക ടാ​സ്‌​ക് ഫോ​ഴ്‌​സ്, സൈ​റ്റ് കൈ​കാ​ര്യം ചെ​യ്യു​ന്ന​തി​നു​ള്ള വ്യ​ക്തി​ക​ൾ, ഭ​ക്ഷ​ണം ത​യാ​റാ​ക്കു​ന്ന​തി​നും വി​ത​ര​ണം ചെ​യ്യു​ന്ന​തി​നു​മു​ള്ള ആ​ളു​ക​ൾ എ​ന്നി​വ​രെ​ല്ലാം ഇ​തി​ലു​ൾ​പ്പെ​ടു​മെ​ന്നും അ​ദ്ദേ​ഹം വി​ശ​ദീ​ക​രി​ച്ചു.

ഇ​ഫ്താ​ർ പ​ദ്ധ​തി​യു​ടെ വി​ജ​യ​ത്തി​നാ​യി മു​നി​സി​പ്പാ​ലി​റ്റി മ​ന്ത്രാ​ല​യം, ആ​ഭ്യ​ന്ത​ര മ​ന്ത്രാ​ല​യം തു​ട​ങ്ങി​യ സ​ർ​ക്കാ​ർ സ്ഥാ​പ​ന​ങ്ങ​ളു​മാ​യി സ​ഹ​ക​രി​ച്ച് പ്ര​വ​ർ​ത്തി​ക്കു​ന്നു​ണ്ട്. പ​ദ്ധ​തി​ക്കാ​യി ഖ​ത്ത​റി​ലെ ഉ​ദാ​ര​മ​തി​ക​ളി​ൽ​നി​ന്ന് അ​ക​മ​ഴി​ഞ്ഞ പി​ന്തു​ണ​യാ​ണ് ല​ഭി​ക്കു​ന്ന​തെ​ന്നും ഇ​ഫ്താ​ർ പ​ദ്ധ​തി​ക്കാ​യി സം​ഭാ​വ​ന ന​ൽ​കാ​ൻ ഉ​ദ്ദേ​ശി​ക്കു​ന്ന​വ​ർ ഔ​ഖാ​ഫി​ന്റെ ഔ​ദ്യോ​ഗി​ക പോ​ർ​ട്ട​ൽ വ​ഴി ന​ൽ​കാ​ൻ സാ​ധി​ക്കു​മെ​ന്നും അ​ദ്ദേ​ഹം പ​റ​ഞ്ഞു.

റ​മ​ദാ​നി​ലെ ആ​ദ്യ​ദി​വ​സ​ങ്ങ​ളി​ൽ ആ​ഭ്യ​ന്ത​ര മ​ന്ത്രാ​ല​യം, ട്രാ​ഫി​ക്, സി​വി​ൽ ഡി​ഫ​ൻ​സ്, ക​മ്യൂ​ണി​റ്റി പൊ​ലീ​സ് എ​ന്നി​വ​യു​ടെ നേ​തൃ​ത്വ​ത്തി​ൽ വി​വി​ധ ബോ​ധ​വ​ത്ക​ര​ണ പ​രി​പാ​ടി​ക​ളും സം​ഘ​ടി​പ്പി​ച്ചി​രു​ന്നു.